israrla səhv yazılan sözlər

Part 1 üçün: #286203 (U: açığı, qrammatika barədə səhv tutmağı çox yaxın hesab etdiyim biri etmədiyi müddətcə xoşlamıram, fəqət niyə sözlükdə olmasın ki belə entry? deyib, girişirəm yazmağa :d) Başlıqda çox yazılsa da, xatırlatma məqsədilə qeyd edim ki, (kalin: tövsiyə), (kalin: məşhur), (kalin: səbirli), (kalin: heyif) sözlərinin düzgün yazılışı bu formadadır. Başladıq: Bu günki, bugünki deyil, (kalin: bugünkü). (Kalin: Hərgünkü), (kalin: hərgecəki) də eyni şəkildə, sifət əmələ gətirən "ki" şəkilçisi sözlərə bitişik yazılır. Qarmaqarışıq yox, (kalin: qarma-qarışıq). Dediqodu yox, (kalin: dedi-qodu). İkisi də qoşa sözdür, bəzən ayrılıqda mənaları olur, bəzən isə olmur, iki halda da defislə yazılmalıdır. Çatışmamazlıq deyil, (kalin: çatışmazlıq). Azərbaycan ədəbi dilinin normalarına əsasən İki inkar şəkilçisi bir sözdə istifadə oluna bilməz. Narahatçılıq deyil, (kalin: narahatlıq) Narahatçılıq, nigarançılıq tipli sözlərdəki çı⁴ şəkilçisi (kalin: artıqdır), çünki "lıq" şəkilçisi isimdən isim düzəldən şəkilçidir, bu şəkilçini sözdən çıxardıqda söz "narahatçı" formasında qalır və dilimizdə belə bir söz, onun mənası, əsası olmadığı üçün Sözün düzgün yazılış forması, narahatlıqdır, eləcə də nigaranlıq, sakitlik və bu tipli sözlər də bura daxildir. Bekarçılıq, bekarlıq deyil, (kalin: bikarlıq) (u: özümə də çox səmimiyyətsiz gəlir, amma olanımız budur haha) Orginal, original, orjinal deyil, (kalin: orijinal) Biruzə deyil, (kalin: büruzə) Aidiyyat deyil, (kalin: aiddiyyət) Nəqarət deyil, (kalin: nəqərat). Nə qədər yazması ələ yatmasa da:) Ötgün deyil, (kalin: ötkün). Tutğun deyil, (kalin: tutqun). Meyl etmək deyil, (kalin: meyil etmək). İlluziya deyil, (kalin: illüziya). Hallusinasiya deyil, (kalin: hallüsinasiya). (U: illüziya sözü də kompüter sözü dilə giriş edəndə gəlib) Feyziab, feyziyyab deyil, (kalin: feyzyab). Sözün kökü "feyz" ərəbcə "Fayda" deməkdir, "yab" isə "Yaftən" sözünün qrammatik əsası olub, "almaq" deməkdir. Etimologiyasın öyrənəndən sonra sözün yazılışını Unutmaq mümkün deyil, demək olar. Ət tökən deyil, elə (kalin: əttökən) Bilgi kirliliyi çoxdur bu söz barədə. Eləcə də vaxt aşırı deyil, (kalin: vaxtaşırı). Öz fəaliyyət deyil, (kalin: özfəaliyyət). il dönümü deyil, (kalin: ildönümü) Geniş miqyaslı deyil, (kalin: genişmiqyaslı). (Genişürəkli, genişÖlçülü və s. Tipli sözlər də eyni formada.) İki müstəqil sözün birləşməsindən əmələ gəldiyi üçün birləşik(u: bitişik :d) yazılır bu tipli sözlər. (U: Başqa sözlər yadıma düşdükcə edit edəcəm)