gecə yaman uzundur

Sözləri Fikrət Qocaya, musiqisi Firəngiz Babayevaya aid olan mahnı. Fikrət Qoca mahnının sözlərini soyuq bir Moskva axşamında tələbə olarkən yazıbmış. İlk dəfə Flora Kərimova tərəfindən oxunub, amma mənim ən xoşladığım versiyası Yalçın Rzazadə tərəfindən ifa edilib Sözləri: Gözümün işığına hər kiprik bir yük olur, Gecə yaman uzundur. Bəzən bir ömürdən də bir gecə böyük olur. Gecə yaman uzundur. Xəyallar şirin-şirin, xəyallar acı-acı, Gecə yaman uzundur. Qəlb vüsalın möhtacı, göz yuxunun möhtacı, Gecə yaman uzundur. İndi yəqin yuxuda xumar-xumar gülürsən. Eh... sən hardan bilirsən Gecə yaman uzundur.