aludəlik

digər adı ilə bağımlılıq, xroniki beyin xəstəliyidir. beynimizdə reward-punishment, yəni mükafat və cəza sistemini pozan hər vərdişin bağımlılıq yaratma potensialı var. əsas iki yerə bölünür: psixoloji və fiziki bağımlılıqlar. mükafat-cəza deyəndə bəhs edilən mükafat endorfin beyin hormonudur. bu hormon işə düşəndə ağrı azalır, xoşbəxtlik dərəcəsi çoxalır və s. yaxınlarınızla yaxşı zaman keçirəndə, idman edəndə və digər zərərsiz hərəkətləri edəndə endorfin hormonu işə düşdüyü kimi, siqaret çəkəndə, içki içəndə, narkotik istifadə edəndə də bu hormon işə düşür. adətən çətin həyat tərzi olan və xroniki stress problemləri səbəbiylə dopamin hormonu qəbuledicilərini itirən insanlarda bağımlı olmaq potensialı daha çox olur. yəni hər siqaret çəkən, içki içən, qumar oynayan insan bağımlı olmur, çünki bu bir növ keçmişdən gələn altyapı nəticəsində olur və ya olması tezləşir.