yazarların favorit oyunları

Çox(u: Çox sözü burada həm oyunun sayını, həm də oyun oynama miqdarını ifadə edir.) oyun oynamış adam deyiləm. Ona görə də list qısadı. Evdə babat gaming sistemi olmamış, uşaqlığında youtube-un nə olduğunu bilməyib (gbax: aimp)də böyük "pokaleniyanın" yüklədiyi mahnıları dinləyərək maşın sürən, yeniyetməliyi də internet klubda 2-ci stolda oturan qaqaşa: "qaqa, vaxtıvı 5-ci stola keçirə bilərsən? Point oynuyacıyıq, orda yaxşı açmır", - deməklə keçən biri olaraq: Pc: point blank özüm əldə elədiyim ilk telefonum bu oyun sayəsində olub. 2014-də mənə olan borcu qarşılığında uşaqdan götürdüyüm 3 mayor hesabla telefon barter eləmişdim. günü bu gün belə arada açıb oynayıram. həmişə rus oynamışam, amma indi məcbur (paslanmışam deyə(u: :/)) türk versiyasını oynayıram. gta san andreas ilk tanışlığımız Vice city-də mırta maşın sürəndə bibi oğlunun dostunun təklifi ilə 2005-6-cı ildə, elə bibim oğlunun internet klubunda olub. yoxdusa, bir 4 dəfə tam bitirmişəm bu oyunu. gta iv bunu evə komp alınandan sonra oynamağa başlamışdım. həm özünü, həm də (gbax: the ballad of gay tony) və (gbax: the lost and damned) versiyalarını azı 2-3 dəfə bağlamışam. İnanılmaz ləzzət eləmişdi. O qədər ləzzət edib ki, 10 ildi (gbax: gta 5) çıxıb, bir qram marağımı çəkmir. call of duty: modern warfare 2 2013-2014 il, səhər saatları idi. Point oynamağa hələ gəlməmişdi uşaqlarımız. İşlədiyim internet klubda serverdə oturmaqdan da bezib "naçala" açdım bir stolu, görüm başqa nə oyunlar var deyə. Gördüm budu, bir də (gbax: black ops) seriası. Black-lər ləzzət eləmədi, amma buna könlümü verdim o gün. 1 ay əvvəl eyniadlı başlığına yazılmış entridən sonra yükləyib bir gecədə təzədən bitirmişdim. Mobil: the last day on the earth: survival bu oyunu dəhşət çox sevirəm. 2017-dən bu yana ara-ara yükləyib oynayıram. Düzdü mod (gbax: apk) oynayıram, amma yenə də ləzzət edir. Hamıya şiddətlə önərirəm. mobildə world of tanks-dan tutmuş, modern combat-a, gta san andreas, call of duty və pubg mobile-a qədər ən güclü və qrafikalı bütün oyunları oynamışam, amma heç biri davamlı oynayacaq qədər xoşuma gəlməyib. hətta clash of clans-ı adını çəkdiklərimdən daha çox xoşlayıram.