mortal kombat

Əksər versiyalarını oynadığım əfsanəvi döyüş oyunu. Kung Lao favorimdi. Oyunun maraqlı tarixçəsi var. Deməli, o vaxtı (1992-ci il) oyunun qurucuları əvvəlcə (gbax: jean-claude van damme)-a onun barəsində oyun hazırlamağı təklif edirlər. Lakin "qəhrəmanımız" razılaşmır. Nəticədə gənclərin beyni çönür, bu oyunu qururlar. Ad barədə də çox fikirləşirlər və bir gün oyun qurucularından ed boon ofisində lövhədə "combat", yəni, "döyüş" sözünün "k" ilə yazıldığını görür. Nəysə, xoşlarına gəlir və oyunun adını mortal kombat qoyurlar. Həmin bu "k" hərfi temasına mortal kombat 11-də tez-tez rast gəlmək mümkündür. Məsələn, continue "k" ilə yazılıb. İngiliscə bilmirəm deyə, sözlər tam yadımda deyil, amma normalda "c" ilə yazılmalı olan bir çox söz "k" ilə yazılıb. Fatality teması təzə-təzə çıxanda çox ciddi tənqidlərlə qarşılaşdı. Lakin oyun sonralar daha da sevilməyə başlayır. İlk versiyada 7 döyüşçü ilə başlayırlar. 1. Scorpion 2. Sub-zero 3. Liu Kang 4. Johnny cage 5. Sonya 6. Kano 7. Raiden Mortal kombat 2-də artıq sonya və kano yoxdur. Daha doğrusu var, onları seçə bilmirik. shao kahnın əsiridirlər, arenada zəncirlə bağlanıblar. Oyunda görmək mümkündür. onların əvəzinə yeni döyüşçülər əlavə olunur – reptile, baraka, jax, kitana, mileena, kung lao. shang tsung isə artıq cavandır və onu da seçib döyüşə bilirik. Tower biraz da çətinləşib, ilk versiyada shang tsungdan əvvəl bizi goro qarşılayırdı yeni versiyada artıq kintaro adlı dördqol var. Towerin zirvəsində isə shao kahndır. Oyunun ortasında ekranın aşağı sağ küncündən adam çıxıb "toasty" dedikdə oyun dayanır və rəqibin jade, smoke ya da noob saibot olur. Bu vaxta kimi heç birini uda bilməmişəm. Sonrakı seriyalarda (mk3) sektor və cyrax adlı iki robot döyüşçü əlavə edilir ki, bunların adı ketçup (qırmızı olan sektor) və xardal (sarı olan cyrax) olaraq düşünülmüşdü. Nəysəki sonra dəyişdirdilər. Mortal Kombat oyun dünyasına yaş məhdudiyyəti gətirən oyunlardandır (ilkmidir bilmirəm) esrb X seriasından başqa hamısını oynamışam və heç şübhəsiz ən möhtəşəmi mənə görə mortal kombat shaolin monksdur. 2 aylıq əziyyətdən sonra shao kahnı uda bilmişdik. Son vaxtlar oyunların (gbax: remake)-i hazırlanır, fikrimcə shaolin monks seriasının ps4 yaxud ps5 üçün remake versiyasını çıxartsalar əla olar. Hə, başda niyə van dam üçün dırnaqarası qəhrəman yazdım? Çünki vaxtı ikən bu qaqamız oyununun yaradılmasına razı olsa idi, bəlkə də biz Mortal kombat adlı əfsanəni heç vaxt oynaya bilməyəcəkdik. Adamlar van dama diss atmaqdan belə çəkinməyib, (gbax: johnny cage) adlı döyüşçü yaradıblar