big brother

(gbax: George Orwell)in "(gbax: 1984)" romanının personajı, (gbax: Okeaniya) dövlətinin və "(gbax: İngsoc)" partiyasının lideri. Televiziya proqramlarında o, bütün (gbax: Okeaniya)nın yeganə və əvəzsiz lideri kimi təqdim olunur. Böyük qardaşın bir şəxs kimi mövcud olub-olmadığı, yoxsa sadəcə olaraq təbliğatla yaradılmış bir görüntü olduğu sual yaradır. Hətta Baş qəhrəman (gbax: Winston Smith) (gbax: O'Brien)dən "O da mənim mövcud olduğum mənada mövcuddurmu?" sualına "Sən mövcud deyilsən... Ancaq bunun heç bir əhəmiyyəti yoxdur.... Böyük qardaş partiyanın təcəssümü kimi mövcuddur və ölməzdir" cavabını alır. Əsərdə qeyd olunur ki, Böyük qardaş 1950-ci illərdə (gbax: Böyük Britaniya)da baş vermiş inqilabın rəhbərlərindən biri idi. 1960-cı ildən dövləti idarə etməyə başlayan Böyük Qardaş, digər inqilab liderlərini məhv etməyə başladı. (gbax: Aaronson), (gbax: Jones) və (gbax: Rutherford) kimi şəxslər müxtəlif səbəblərdən edam olundu, (gbax: Emmanuel Goldstein) isə ölkədən qaçdı. Məhz bundan sonra Böyük qardaş ölkənin yeganə lideri oldu. O, hakimiyyətə gəldikdən sonra Okeaniya tarixi tamamilə yenidən yazıldı və Böyük qardaş onun əsas obrazına çevrildi. 2006-cı ildə yayımlanmış "101 ən nüfuzlu qeyri-mövcud şəxsiyyət" kitabında totalitarizmin simvoluna çevrilmiş Böyük Qardaş yalnız (gbax: Malboro Cowboy)una uduzaraq ikinci yerdə qərarlaşmışdı.