sevgi

Son dövrlərdə inancımın itdiyi anlayış. İnsanlar arasında sevginin çox növləri var; dosta, ailəyə və qarşı cinsə. Mən qarşı cinsə olan sevgidən danışmaq istəyirəm. Artıq bu məvhumun göz boyamaq olduğunu düşünürəm. Birlikdə eyni hissləri yaşamaq, dərin söhbətlər etmək, adi bir şeydə düşüncəli davranmaqlar hamısı artıq mənim üçün boşdur. Söhbət ciddi münasibətdən gedir, aylar əvvəl isə qarşı cinslərlə münasibətin bir neçə formasını yaşadım, hamısı mənim üçün təcrübə idi. Sevgi, eşq bunlar ali və bir o qədər də qarışıq duyğulardır. Mənə görə sevgi kimi duyğunu, dostuna, ailənə verə bilərsən, onlarla,-sənə doğmalarınla bu duyğunun fərqinə vara bilərsən. Eşq isə heyranlıqdı, səbəbsiz vurulmaqdı, o deyirlər "eşq yaşamaq" yəni, bir-birinə heyranlıq duymaqdır. Eşq hormon və heyranlığın qarışığı kimidir. Qısaca, sevgi duyğusuna inamım tamamilə itib, bu isə o qədər də yaxşı deyil.