qədim misir

(gbax: əbədi həyat) simvolundan (gbax: ölüm) rəmzinə qədər, qədim (gbax: misir)i dünya tarixinin ən təsirli sivilizasiyalarından birinə çevirən cəhətlərdən biri də onun müxtəlif simvollarıdır. (gbax: piramida)lardan (gbax: mumiya)lara qədər bir çox xüsusiyyətləri ilə tanınan qədim misirlilərin ən məşhur cəhətlərindən biri, əlbəttə ki, geridə qoyduqları (gbax: heroqlif)lərdir. Həmin heroqliflərdə xüsusi məna daşıyan bir neçə simvola baxaq: 1. (gbax: anx) (gbax: həyat zənciri) kimi də tanınan bu çox məşhur simvol "əbədi həyatı" təmsil edir. Deyilənə görə, tanrılar anxı ağızlarına üfürərək axirətə keçəcək insanlara əbədi həyat veriblər. 2. (gbax: horun gözü) hər şeyi görən və qoruyan bir gücün varlığını ifadə edir və vicdanın heç vaxt bağlanmayan gözü kimi tanınan horun gözü, ədəbiyyatda (gbax: Wajdet) adı ilə də yer alır. 3.(gbax: sesen-lotus çiçəyi) yaradılışı, dirçəlişi, həyatı və Günəşi təmsil edən sesen, Qədim Misir sənətində tez-tez gördüyümüz lotus çiçəyi şəklində simvollaşdırılır. 4.(gbax: Was) suverenlik ilə güc simvolu olan bu simvol tanrıların qüdrətinin əlaməti olaraq əsa kimi istifadə olunurdu. Daha çox şahlar tərəfindən istifadə olunsa belə, zaman keçdikcə adi insanların da yas mərasimlərində istifadə olunduğuna dair məlumatlar var.