hawkwind

70-ci illərin əvvəllərində (gbax: rock) musiqisi müxtəlif qollara bölündü, yeni qapılar açıldı. bunlardan birini də hawkwind açmışdı. (gbax: space rock)ın əsasını qoyaraq (gbax: psychedelic rock)ı çox fərqli yerlərə daşıyıb janrın adının haqqını verdi. təəssüf, elə bu səbədən məşhur ola bilmədi. insanlar hawkwindi anlamırdı. onun açdığı cığırdan demək olar ki heç kəs onu izləmədi. o, (gbax: pink floyd) kimi digər psychedelic rock qruplarının kölgəsində qaldı. buna rəğmən həmin dövrdə parlamamış sönən digər qruplardan fərqli olaraq yarandığı 1969-cu ildən bəri (55 il) fasiləsiz fəaliyyət göstərir. 35 studio, 13 canlı, 17 tərtib, 8 EP albomuna və 22 single'a sahibdir. fikrimcə, rock tarixinə adını qızıl hərflərlə yazdırmış qruplardandır. sevimli rock qruplarınızın sevimli rock qruplarındandır özü də. :) bundan əlavə, tərzi (gbax: monster magnet), kyuss, electric wizard kimi stoner rock qruplarının səsində əvəsiz rol oynadığından mənim üçün musiqidə izah olunmaz yerdədir.