təkrar biliyin anasıdır

Neyropsixoloji araşdırmalarla təsdiqini tapmış ata sözü. qısamüddətli yaddaşdan uzunmüddətli yaddaşa keçid (consolidation) hipokampus və orta prefrontal korteks (beynin ön hissəsinin qabığı) arasındakı mübadilə ilə baş verir. Qəbul etdiyimiz informasiya qısamüddətli yaddaş materialı olaraq hipokampusda kodlanır. Təkrar etdikdə eyni informasiyaya məruz qalırıq və hipokampus "hə, deməli bu lazımlı şeydi" deyərək özündəki məlumatı yuxarıya, orta prefrontal korteksə göndərir. Bu hissə uzunmüddətli yaddaşa keçidin mərkəzi hesab olunur. Hipokampus biz təkrar etdikcə informasiyaları bu hissəyə göndərir və informasiyalarımız hipokampusdan ayrılıb uzunmüddətli olaraq beynimizə həkk olunur.