xaricdə yaşayan sözlük yazarları

nəhayət aralarına mənim də qatıldığım dəstə. bacardım, sözlük. illərdir çalışıb-vuruşub, depressiyaya düşəndən sonra artıq mən də çıxa bildim ölkədən. hələ ki 7 aylıq da olsa fransadayam. təyyarə aeroportdan qalxanda yaşadığım hissi izah edə bilmərəm. özümlə olan savaşım bitşdi, çiyinlərimdən yük qalxmışdı. 6-7 ildir bu ölkədən çıxmaq xəyalı ilə yaşayırdım. ilk əvvəllər almaniya düşünürdüm. türk bir qız almaniyaya gəlmə təcrübəsini danışırdı, arxada bu mahnı var idi . özümə söz vermişdim ki, ölkədən çıxıb getdiyim yerdə ilk gün bu mahnını dinləyəcəm. fransada öz otağımda dinləyəndə gülümsədim, xoşbəxt oldum. təsadüfən də fransız mahnısı imiş. insan uğruna çaladığı şeyi bacaranda xoşbəxt ola bilirmiş. xoşbəxtəm, çox həm də.