keçmişi xatırlamaq

Yaxın keçmişə qayıtmaq istəyirəm hərdən. Hardasa 5 il əvvələ. İnsan tanıdığı birini təkrar tanımaq üçün o illərə qayıtmaq istəyərmi? İstəyərmiş demək. O illərə qayıtmaq üçün ömrümdən 5-10 il fəda eləyərdim, o şəxsi yenidən tanımaq istəyərdim. Bəlkə də o illərə qayıtmaq istəməyimin ən böyük səbəbi də o şəxsdir, indi yoxdur çünki. Əslində var, amma yollar 2 il əvvəl ayrılıb. Hərdən istəməsəm belə fikirə gedib o illərə gedib çıxıram. Çox uzaq keçmiş deyil amma həyəcan və maraq dolu illər idi. İnsanın keçmiş dövr üçün bu qədər darıxması, o illərdə yaşanan şeylərin yarım qalmasıdır bəlkə də. İnsan keçmişindın qaça bilmir, hələ o keçmişdə keçməmiş şeylər varsa. Bəlkə mən də keçmiş üçün yox, keçməmiş üçün darıxıb onu xatırlayıram. Bəzən bir mahnı belə o günlərə apara bilir. Deyirlər ölüm anında bütün həyatın film kimi gözünün önündən keçir, bəlkə də öləndə ömrümün onun olduğu qismi gözümün önündən keçəndə ölümə gülümsəyəcəm, kim bilir. İçimdə buruxub qalmış, adını verə bilmədiyim bir hiss var. Adı odur amma özü kim bilir hardadı, kimlədi, neyləyir..