12 günlük müharibə

İsrail cümə günü səhər tezdən "Operation Rising Lion" adlı hərbi əməliyyata start verdi və İranın nüvə silahı proqramının "başını" vurduğunu bəyan etdi. Hədəflər arasında Natanzdakı nüvə zənginləşdirmə mərkəzi, nüvə alimləri, raket proqramı, və – bəlkə də ən çox səs gətirəni – İranın iki ən yüksək rütbəli generalı da vardı: IRGC rəhbəri General Hüseyn Salami və Silahlı Qüvvələrin Baş Qərargah rəisi General Məhəmməd Baqeri. Bu, artıq soyuq diplomatiya deyil, isti barıtın danışdığı bir reallıqdır. Netanyahu nə dedi? “İsrailin varlığına qarşı olan təhdidi ortadan qaldırmaq üçün bu əməliyyat lazım idi. Davam edəcəyik – neçə gün lazım olacaqsa, o qədər.” İran nə cavab verdi? Ayətullah Xamenei isə “ağır cəza” vəd etdi. İran, bu hadisəni ABŞ-İsrail ittifaqının yeni təxribatı kimi təqdim edir, baxmayaraq ki, ABŞ hücumda birbaşa iştirakını inkar edir. İranın hava məkanı bağlandı. Sakinlər sığınacaqlara qaçdı. İsrail xüsusi fövqəladə vəziyyət elan etdi. Qüdsdə sirenlər səsləndi. “Bu bir günlük hücum deyil” – deyə İsrail mənbələri CNN-ə bildirdi. Qısa təhlil İran illərdir sanksiyalar və daxili böhranlarla zəifləyib. İsrail isə bu zəifliyi geosiyasi fürsətə çevirməkdə gecikmədi. Qlobal güc balansı təkcə diplomatiya ilə deyil, dron, zərbə, və nüvə laboratoriyalarında qurulur. Bu hücum, təkcə iki generalın ölümü deyil. Bu, Yaxın Şərqdəki kök salmış status-kvonun sarsılmasıdır. https://edition.cnn.com/2025/06/12/middleeast/israel-iran-strikes-intl-hnk