yazarların həyat prinsipləri

İnanıram ki, başqalarına yaxın olmaq üçün özünə xəyanət etmək olmaz. Bu, eyni zamanda bir varoluş seçimidir. Bəs özünə sadiq qalmaq nə deməkdir? Özünə sadiqlik - ruhuna, daxili dəyərlərinə, maskasız duyğularına, inandığın şeylərə, xəyallarına və hədəflərinə sadiq qalmaq, həmin yolda addımlamaqdır. Əgər qarşındakı insan sənin həyat yolunda, hədəflərinə mane olursa və onu itirməmək və ya incitməmək üçün öz prinsiplərindən vaz keçirirsənsə, bu, özünə xəyanətdir. Əlaqədə olduğun şəxslər səni maskalı, həqiqi olmayan halınla qəbul edir və sən bu vəziyyətdə onlar arasında olmağa çalışırsansa, ruhuna, özünə və duyğularına xəyanət etmiş olursan. Bilməlisən ki, gerçək bağlar yalnız sən özünə sadiq qaldıqda mümkündür. Əgər bir əlaqəni özün olmadığın biri kimi qurursansa, o bağ saxta olacaq. Amma sən öz həqiqətinə sadiq qaldıqca, səni doğrudan görən, anlayan və olduğun kimi qəbul edən insanlar səni tapacaq.