paolo maldini

Paolo Cesare Maldini 26 iyun 1968-ci ildə İtaliyanın Milan şəhərində dünyaya gəlib. O, futbol tarixinin ən simvolik, ən zloy və dəyərləndirilən müdafiəçilərindəndir. Maldini məşhur italyan futbolçusu və məşqçisi Cesare Maldininin oğludur. Atası kimi o da “Milan” formasını geyinmiş və klubun kapitanı olmuşdur. o, bütün karyerasını doğma şəhərinin klubu olan Milanda keçirib, bu səbəbdən də “bir klubun adamı” kimi tanınıb. Maldini 1985-ci ildə, cəmi 16 yaşında ikən “Milan”ın əsas komandasında debüt etmişdir. İlk illərini sol cinağ müdafiəçisi kimi keçirsə də, sonralar mövqe dəyişərək mərkəz müdafiəçisi rolunda da gözəl oyun göstərib. Sonralar klubun onurğa sütunlarından biri olaraq müdafiədə keçilməz sədd rolunu alır. elə onun paxotkası nəyə desəz bəsdir. hətta bir epizod da var, zlatanla üz-üzə gəlir və zlatan onunla qarşılaşmaq fikrindən daşınıb pas ötürür. Karyerası ərzində Paolo Maldini “Milan” forması ilə 900-dən çox rəsmi oyuna çıxmış və klub tarixinin ən çox forma geyinən futbolçularından biri olmuşdur. Əfsanəvi Milan kadrosunda olan oyunçulardan biridir. O, “rossoneri”lərlə birlikdə böyük uğurlar qazanmışdır: 7 dəfə İtaliya A Seriyası çempionu, 5 dəfə UEFA Çempionlar Liqası qalibi, 5 dəfə İtaliya Superkuboku, 2 dəfə UEFA Superkuboku, 2 dəfə Qitələrarası Kubok qalibi. Bu nailiyyətlər Maldinini təkcə İtaliya deyil, bütün Avropa futbolunun əfsanəsinə çevirib. Maldini 1988–2002-ci illər arasında milli formanı 126 dəfə geyinmiş, millinin tarixində də ən çox oynayan futbolçulardan biri kimi adını qızıl hərflərlə yazdırıb. 1994-cü il Dünya Çempionatında İtaliya yığmasının kapitanı kimi finala çıxır, lakin Braziliyaya penaltilər seriyasında məğlub olur. 2000-ci il Avropa Çempionatında isə İtaliya ilə gümüş medal qazanır. Hər iki turnirdə göstərdiyi oyunla o, dünyanın ən nüfuzlu müdafiəçilərindən biri kimi qəbul edilmişdir. “Milan”da kapitan sarğısını 10 ildən çox daşıyan Paolo, həm komanda yoldaşları, həm də rəqibləri tərəfindən böyük hörmət qazanıb. Paolo Maldini 2009-cu ildə 41 yaşında futbolçu karyerasını başa vurmuşdur. Onun son oyunu “Fiorentina”ya qarşı olub və stadiondakı bütün azarkeşlər, hətta rəqib tərəfdarlar belə ayağa qalxaraq onu alqışlamışdılar. Bu, futbolun sədaqət və hörmət rəmzlərindən biri kimi yadda qalıb. Maldininin oğulları — Daniel və Christian Maldini də atasının yolunu davam etdirərək peşəkar futbolçuluğa qədəm qoyublar. Karyerasını bitirdikdən sonra Maldini idmandan uzaqlaşmamış, klubun idarəetmə strukturunda yer almış və “Milan”da texniki direktor vəzifəsində çalışıb.