kəramət böyükçöl

Cabir İmanovun həyat yoldaşının güldüyü yerdə şəkilləri yayılıb. Başlığa da qoyurlar ki, Cabir İmanovun ölümündən 3 ay sonra... Başlıqlar camaatı tırkalayır ki, girin rəydə ağzınıza gələni yazın. Belə cəmiyyəti yönləndirməyə nə var ki... Camaat da başlayıb ağzına gələni yazmağa. Siz Allah, kim deyib ki, qadın həyat yoldaşı öləndən sonra gülə bilməz? Və yaxud filan qədər vaxtdan sonra gülə bilər. Kim qoyub bu qaydanı? Adamın içindən gülmək gəlirsə, gülüşü içində boğmalıdır ki, hələ üç ay keçib, qoy beş ay da keçsin, sonra gülərəm? Xoşunuz gəlir aldanmaqdan, rola girməkdən? Ona görə belə idarə olunuruq da. Məsələn, hökumət bilir ki, şəhidlərin şəkillərini 2 il qabaq yığışdırsaydı, səs-küy qopacaqdı, amma indi başlayıb yol qıraqlarından şəhid şəkillərini yığışdırmağa, cəmiyyətin vecinə də deyil. Çünki emosiyalar sakitləşib. Yalanla yaşayan adamları belə aldada-aldada idarə edirlər. Cabir İmanovun da xanımı səhv edib, gərək gülərdi, amma şəkil paylaşmazdı, gizlin gülərdi, şəkilləri bir il sonra paylaşardı, onda hamı normal qəbul edəcəkdi. Kəramət kişi