euro truck simulator 2

son zamanlar davamlı oynadığım oyun. el dilində desək, "kamaz şoferi" olursan. kamaz dediyimiz iri tırlardır. əvvəlcə başqasının tırı ilə yük daşıyırsan. sonra pul toplayıb (bankdan kredit çəkmək şansı da var) özünə kamaz alırsan və bu sayədə daha çox pul toplamağa başlayırsan. öz şirkətini qurursan, yeni kamazlar və sürücü - işçilər alırsan. bir sözlə oyunu yaxşı oynaya bilsən gözəl bir nəqliyyat - daşıma şirkəti qurursan. oyun avropada baş verir, avropanın 60 - dək şəhərinə yük daşımaq şansı var. kamazlar scania, volvo, mercedes, man, daf, iveco , renault dur, bunların ən güclüsü bildiyim qədəri ilə volvodur. amma oyunda ən xoşuma gələn online radiodur. gecə gecə yola çıxmısan, radionu qoşursan, səsli küylü bir rok musiqisinin müşayiəti ilə gecənin səssizliyini darmadağın edə - edə tırla yük daşıyıb pul qazanırsan.