Birinci Qarabağ müharibəsinin daha 5 itkin-şəhidi dəfn olunacaq

Birinci Qarabağ müharibəsinin daha 5 itkin-şəhidi dəfn olunacaq. "Report" xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyasının itkin-şəhidlərin dəfn mərasimlərinə dair məlumatında bildirilib. Məlumatda qeyd olunub ki, Birinci Qarabağ müharibəsində itkin düşən, daha sonra nəşi tapılaraq şəxsiyyəti müəyyənləşdirilən Məmmədov Çümşüd Həsənxan oğlu, İsmayılov Sərdar Cəfər oğlu, Məhərrəmov Vaqif Mənsim oğlu, Nərimanov Mürşüd Nadir oğlu, Qurbanov Akif Cəbrayıl oğlu avqustun 21-də dəfn ediləcək.