9. bir gün məktəbi qurtaracaqsan,
həyatın qoynuna atılacaqsan * məktəbli elə bilir ki, məktəbi qurtarmaq dəhşət böyük şeydi, və bundan sora əsl həyat başlıyır :D
yadına düşəndə məktəb illəri
oturub uşaqtək ağlayacaqsan * yəni uje da uşaq deyilsən zad. məktəb bitirmək məktəbli üçün həyatının ilk böyük nailiyyətidir

indi bilmirəm, amma əvvəllər yuxarıdakı şer ilə drammatikləşdirilən, insanın həyatında doğrudan da önəmli olan gün idi son zəng günü. o şeri əvvəllər hamı bilirdi və son zəng hamı üçün bərabər dərəcədə qarışdırılmış sevinc və kədərdən yoğrulmuş heç vaxt unutmayacaqları gün idi.

məktəb insanın həyatında elə yerdi ki, insan orda formalaşır və həyatının ən dəyərli günlərini orda keçirir. bu formalaşma dövründə hər seyin ilkini orda görür. ilk dəfə orda özünə dost tapır, həyatda aldığı nəsə zərbə varsa, onun da ilki mütləq məktəbdə vaxtı olur, ilk dəfə orda sevir - bu və bu kimi digər bir çox hissləri məktəb illərində yaşayır və yeniyetməliyini orda keçirib formalaşmağa başlayır. ona görə də bu dövrdə əldə etdiyi dostlar, və ümumiyyətlə yaşananlar onun üçün unudulmaz olur.

son zəng isə özlüyündə sevinc, və sevinclə birlikdə həm də kədər gətirir. sevinc ona görə gətirir ki, məktəbli düşüncəsi ilə məktəbi bitirmək çox böyük bir nailiyyətdir, 11 illik əziyyətin nəticəsidir, həyata atılmaqdır və məsuliyyətdir. kədər ona görə gətirir ki, bir anlıq bütün dostlarından və yaşadıqlarından uzaqlaşacağını hiss edirsən, və hətta onları itirəcəyini düşünürsən. bəlkə də dostlarının bir hissəsini itirməyəcəksən, amma məktəb illərində sinif yoldaşlarınla yaşadıqlarını bir də heç vaxt yaşamayacaqsan - bu dəqiqdir. ona görə də son zəng sevinc və kədərin qarışımından əmələ gəlmiş hisslərlə dolu bir gündür. amma bi məsələ də var ki, hər kəsin də məktəb illəri sinif yoldaşları ilə birlikdə yaşadığı unudulmaz hadisələrlə dolu deyil. kimisində bu çoxdu, kimisində az. ona görə də məktəb illəri passiv keçmiş birisi üçün son zəngin də elə bir dəyəri olmaz. bu onun üçün adi ritualdan və "köynək yazdırmaq"dan ibarət olar -*

xoşbəxtlikdən mənim çox yaddaqalan məktəb illərim olub və bunun üçün oxuduğum liseyin idarə heyətinə və əlbəttə ki öz sinif yoldaşlarıma təşəkkür edirəm. yuxarıda qeyd etdiyim kimi ola bilsin sinif yoldaşlarımdan 1-2si ilə artıq əlaqə kəsilib, amma üstündən 8 il * oyblyaaaa 8 il nə idi ala :D qocalıram :O keçməsinə baxmayaraq hələdə can ciyər sinif yoldaşlarımın bir neçəsi ilə yaxınıq, yaxşı ki onlar varlar -*

son zəngdə nə edirlər?
başlayaq son zəngin əsas atributu olan köynək yazdırmaqla. köynəyin üstünə istənilən kəs öz ürək sözlərini yazıb səni məzun olma münasibətilə təbrik edə bilər. səhər evdən çixanda köynəyi təmiz geyinirsən və evə qayıdanda üstü yazılı gəlirsən evə -* ya da bir gün əvvəldən köynəyivi özün * özün eləsən daha dəyərli olar bəzəyirsən və son zəng günü üstünü yazdırırsan. və nəticədə belə bir şey alınır :
http://imageshack.com/a/img844/5439/afbw.jpg

http://imageshack.com/a/img838/851/vzqn.jpg

axşama isə çoxları balo, yığıncaq, diskoteka - axırı nə deyirsizsə deyin - ondan təşkil edirlər. balo öz yerində amma məncə fərqli bi şeylər də eləmək olar. məsələn biz son zəng günü dostlarla bütün gecəni şəhərdə kecirdik, əyləndik, 1-2 maraqlı şey də gəldi başımıza* :D , nəyi var dəlilik elədik bütün enerjimizi boşaltdıq * türkün məsəli :D və səhərə yaxın yığıldıq bulvara, düz günəşin təzə çıxmağa başladığı vaxt idi. belə romantik * :D o qədər piyada yol gəzmişdik ki, artıq ayaq üstdə durmağa gücümüz qalmamışdı. amma inanın ki maraqlı əhvalatlarla dolu bir gün oldu və heç vaxt yadımızdan çıxmayacaq xatirəyə çevrildi -*