1. demək olar hər kəs bir dəfə də olsun fəsillər arasında ayrı seçkilik etmək istiyib. fəsillər arasında ayrı seçkilik, hansı fəsili daha çox sevirəm sualları zad. (baxma: fəsilçilik). kimi yayı sevər, kimi qışı, kimisi də payızı. amma bütün fəsilləri sevirəm mən. payızını da, yazını da. yay deyək məsələn. yayı hamı sevər. istidi, rahatdı, istirahət etməyə daha çox vaxt var, daha çox maykada gəzərsən, daha çox çəkələk geyinərsən, daha çox gəzərsən filan. bunları hamı sevər. ya da ki qış. qar yağır, hamı evdə isti ailəsində qəşəy-qəşəy otutur filan bunlara girmirəm heç. avtobusda ən arxada oturub yuxulamaq böyük zövqdü mənə görə. yayda tər iyi, gün işığı, içəridə daha çox səs küy olur avtobuslarda, amma qışda axşam evə gələrkən sən arxada oturub istidən xumarlanıb yuxuya gedərkən ortada gələn səs yalnız maşın matorunun səsi və pəncərədən vıyıldayan küləyin səsidir ki bu da adama çox xoş gəlir. axşam səssizliyində takqıldayan saatın səsi kimidi bu şey. ya da payızı deyim. yarpaqların xışıltısı, heyva-nar mövzusuna girmirəm heç. çöldə yağış yağarkən axşam yorğana bürünüb yatmaq payızı sevmək üçün daha yaxşı səbəbdir mənə görə. və ya yaz fəsli. yaz fəslini sevməyən biri uşaqlıqdan şəhərdə yaşayıb heç rayona getməyən biri olmalıdır. yazın əvvəli havadakı o novruzgülünün qoxusunu nə əvəzləyə bilər? heçnə vallah. bütün fəsillər gözəldir, sevin onları onlar sizi sevdiyi kimi. hamısı gözəldir.