1. 1992-2009 cu illər arası mövcud olan bakıda yaradılmış rok qrupu.

1996 –cı ildə qrupun “nota bene” adlı ilk albomu işıq üzü gördü. elə həmin vaxt “sehrbaz” mahnısına qrupun ilk klipi çəkildi. (ans –tv). 1996 –cı ilin oktyabr –noyabr ayında “sehrbaz” bbc radiosunda (london) ən yaxşı xarici hitlər onluğuna düşdü və iki həftə ərzidə 7 –ci yerdə durdu.

1997 –ci ildə qrupun ikinci klipi “aşiq və aldadılmış” mahnısına çəkildi. (ans –tv). 1991 –ci il 21 sentyabr tarixində qrup gürcüstanın paytaxtı tiflisdə mərkəzi parkda konsert verdi və konsertdə “coldunya” 7000 nəfərlik auditoriya qarşısında çıxış etdi.

1999 –cu ildə “demo” albomu yazıldı və “kaş ki, biləydin” mahnısına klip çəkildi...(stаr-rеklаm).

2001 –ci ilin sonunda qrup “məktub” adlandırmaq qərarına gəldiyi üçüncü albomunu yazmaq üçün studiyaya yığışdı və albom üzərində iş 9 ay davam etdi. 2002 –ci ilin avqustunda “məktub” albomu üzərində iş başa çatdı. 2002 –ci ilin sonunda qrup rejissor kamran məmmədovun köməyi ilə dördüncü klipi üzərində işi başa çatdırdı. klip “aç balaca qanadlarını” mahnısına çəkildi.

qeyd: yuxarıdakı məlumatlar rockzone.az saytından götürmüşəm. qrupun diskoqrafiyasını da oradan yükləyə bilərsiniz.

qrupun janrı isə çox genişdir və bəzi kompozisiyaların mürəkkəb və eksperimental olmağına görə coldünya-nın janrını progressive art rock adlandıra bilərik. qrupun musiqilərində şərq elementləri, xüsusən də milli kulturaya aid elementlərdən geniş istifadə olduğuna görə folk rock da adlandırmaq olar.

musiqi sözlərinin mövzusu əsasən sevgi, içki, narkotika, seks, nostalgia kimi mövzuları əhatə etsə də, milli mədəniyyətə bağlılığını burada da görmək mümkündür. bəlkə elə buna görədir ki, qrup 2003-cü ildə alim qasımovla birlikdə "oyanış" adlı albom yaratmışlar.

qrupun ən son albomu isə 2009-cu ildə yaradılan "əhatə dairəsi xaricində" albomudur.