10. oyunda 12+ oyunçu iştirak edir. oyun kartların paylanmasından başlayır. (bu həm xüsusi hazırlanmış və eləcə də adi kartlar ola bilər.) hər bir oyunçuya onun oyunda rolunu müəyyən edəcək kart təqdim olunur. beləliklə oyunçulardan 3-ü mafiya üzvü, 1-i komissar, 7-si adi vətəndaş, 1-i isə manyak olur. beləliklə oyunçular 2 hissəyə ayrılır: mafiya və vətəndaşlar. komissar vətəndaşların köməkçisi hesab olunur. manyak isə adından aydın olduğu kimi kefi istədiyi kimi hərəkət edir: — istəsə mafiyaya istəsə vətəndaşlara kömək edir.
bundan sonra oyun «gündüz» və «gecə» rejimlərində davam edir. aparıcı ilk gecəni elan edir və bütün oyunçular gözlərini 1 dəqiqə ərzində yumurlar. ilk gecədə aparıcı mafiya üzvlərinə gözlərini açmaq imkanı verir və mafiya üzvləri bir-birini tanıyaraq öz aralarında mafiya rəhbəri – don seçirlər. bundan sonra mafiya yatır və komissar oyanaraq ətrafa göz gəzdirir. komissar gözünü yumduqdan sonra manyak oyanaraq yatmış oyunçuları nəzərdən keçirir. bundan sonra gündüz elan olunur və hamı yuxudan oyanır.
gündüz 10 dəqiqə ərzində kimin mafiya üzvü olması barədə müzakirələr gedir. müzakirələrin gedişində bir sıra ümumi bicliklər və aktyorluq bacarığından istifadə olunur. müzakirə nəticəsində 2 nəfər şübhəli şəxs meydana çıxarılır. şübhəli şəxslərə hər birinə 1 dəqiqə olmaqla bəraət almaq üçün çıxış imkanı verilir. bəraət nitqlərindən sonra 6 dəqiqəlik ümumi oyunçuların müzakirəsi təşkil olunur. müzakirədə şübhəli şəxslər iştirak edə bilməzlər. günün sonunda aparıcı səsvermə keçirir və iki şübhəli şəxsdən biri oyunu tərk edir. özünə bəraət alan ikinci müttəhim oyuna davam edir.
gecə düşür və mafiya oyanır. hamının gözünün yumulu olduğu gecə şəraitində mafiya üzvləri öz aralarında məsləhətləşərək oyunçulardan birini öldürürlər. bundan sonra mafiya yatır və komissar oyanır. komissar oyunçulardan birinin mafiya üzvü olub olmadığını yoxlamaq üçün onu aparıcıya göstərir və belə desək ona atəş açır. standart mafiya oyununda komissar atəş açdığı oyunçu mafiya üzvüdürsə o oyundan çıxır, adi vətəndaşdırsa «komissar hədəfi vura bilmədi» ifadəsi işlədilir. klassik mafiya oyununda isə komissar atəş açdığı oyunçunu kimliyindən asılı olmayaraq öldürür və yalnız səhər komissarın kimi öldürdüyü aşkara çıxır. oyunun gedişi zamanı aparıcı manyak gecəsi elan edə bilər və gecə oyanan manyak istədiyi oyunçunu öz kefinə görə öldürə bilər.
sabahısı gün aparıcı ölən şəxsləri elan edir və oyunu tərk edən oyunçular öz kartlarını açırlar. nəticələrin ətrafında müzakirələr aparılır və yeni ittihamlar irəli sürürlür. oyun komandaların birinin məğlubiyyətinə qədər davam edir.

vətəndaş
şəhərin sıravi vətəndaşı. sıravavi vətəndaş kimi məntiq və intuisiyasına əsaslanaraq, müşahidələri nəticəsində mafiya üzvü olan vətəndaşları tapmağa çalışır və bu barədə aparılan müzakirələrdə iştirak edir.

mafia üzvü
sıravi vətəndaşların əleyhinə onayır. ilk gecədə oyanaraq öz mafiyasının üzvləri ilə tanış olur və don seçir. ikinci gecədə aparıcı «mafiya oyanır və öz qurbanını seçir» sözlərini dedikdən sonra mafiya üzvləri gözlərini açaraq öz aralarında işarələrlə oyunçulardan birini seçərək aparıcıya göstərir. bundan sonra aparıcı «mafiya öz seçimini etdi və yuxuya gedir» ifadəsini işlədir və mafiya üzvləri gözlərini yumurlar.
oyunda mafiya üzvləri vətəndaşlardan çox sayda qalarsa onlar qalib gəlir.

komissar
sıravi vətəndaşlara kömək edir. aparıcı elan etdikdən sonra gözünü açaraq şübhəli saydığı şəxsi aparıcıya göstərir. bundan sonra aparıcı deyir: — «komissar atəş açdı və yuxuya getdi» — ifadəsini işlədir və komissar gözlərini yumur. komissarın açdığı atəşin nəticəsi səhər aydın olur. klassik mafiya oyununda atəş açarkən komissar mümkün qədər ehtiyatlı olmalıdır çünki o səhvən sıravi vətəndaşı da öldürə bilər.

manyak
manyak özü üçün oynayır. aparıcı ona manyak gecəsi verdikdən sonra istədiyi oyunçunu öldürə bilər. yalnız tək qaldığı halda qalib ola bilər.

qeyd: oyunçu sayından asılı olarag bəzəndə komikadze , satqın ve doktor personajlarıda oyunda ola bilir.