12. türk seriallarının bir qolu da yay seriallarıdır. tətilə gedə bilməyən, evdə oturanlar üçün baş qatmağa ideal vasitədir. yaraşığı olan bir neçə aktyor tapıb mənasız mövzularla yayı yola verməyə çalışırlar. di gəl ki mən bu seriallardakı həyatları görəndə əlim üzümdə qalır. bu qədər də olmaz axı. real həyatda baş verənlərlə bu seriallarda baş verənlər tərs mütənasibdir. türkləri tanımayan biri elə bilər ki, bunların bütün həyatı toplantılarda keçir. mütləq də hamısında varlı-kasıb sevgisi olur. varlı kişi gəlir 3 uşaqlı qadınla evlənir, iki varlı qız bir kasıb oğlanı sevir, biri 17 ildən sonra öyrənir ki ölü doğulan uşağı hansısa yetimxanadadı vs vs. hamısında demək olar ki, mövzu eynidir və iki seriyasından sonra çoxusu monoton davam edir. buradan o serialları çəkən rejissorlara demək istəyirəm ki, bu qədər də yox da. yeniyetmələr baxır o seriallara, oradakı gənclərin həyat tərzini mənimsəyir, ya da xəyallar aləmində yaşayırlar ki, bəlkə bir gün mən də öz ağ atlı şəhzadəmlə qarşılaşacam. evdən bayıra çıxan kimi isə realizm öz şilləsini sərt şəkildə vurur adamın üzünə. ümumiyyətlə, bu seriallar türk xalqının əsl üzünü yansıtmır. seriallarda göstərilən varlıların həyatıdır ki, o da bütün xalqlarda eyni olur.