14. sözün düzü, özünü tərifləməyi sevən bir insan deyiləm. hətta başqasının məni tərifləməsindən də həmişə narahat olmuşam. çünki məncə hər tərifin altında bir saxtakarlıq yatır, amma mövzu bu deyil. mən özümü "alicənab" adlandırmazdım. daha çox sevgisinə sadiq, romantik, sevdiyim qız üçün dünyanı qarşıma alabiləcək bir tipəm mən. ya da tipiydim. bilmirəm. məsələn, şeiri çox sevirəm. hətta özümə sevdiyim şeirlərdən ibarət bir fayl da yaratmışam. 2-ci yenicilər, mikayıl müşfiqlər, nazim hikmətlər və ilaxır. mən sevdiyimi bəlli etməyi də sevən bir insanam. əgər birini sevirəmsə, bütün dünyam o olur. ya da olurdu.
əsas məğzə gəlsək, artıq 2-ci dəfədir ki, bir qızdan "yox" cavabı alıram. səbəbi də, onun dediyinə əsasən, başqa birini sevməsidir. mən... mən bir dəfə "yox" eşitdimmi, dalına düşə bilmirəm işin. qızı narahat etmək sayılır bu gözümdə. həm özümü alçaltmağın nə yeri var deyə düşünürəm.
bu günə qədər cəmi 2 qıza aşiq oldum. həqiqətən. çox sevdim. və 2 qıza da çox gec dedim sevdiyimi. əslində, onlar onsuzda bunu anlamışdılar vaxtı ikən. lakin biruzə verməmişdilər. bu gün vaxtı ikən sevdiyim qızı və hal-hazırda "yox" cavabı aldığım qıza salam belə verə bilmirəm. tamamilə əlaqəni kəsiblər məndən. ən pisi də odur ki, o qızı hər gün görmək məcburiyyətindəyəm. necə xoşbəxt olduğunu.
mən, sadəcə, bir şeyi başa düşə bilmirəm. niyə mənə düşmən olarsan ki? yəni səni sevdim deyə niyə bunları edərsən ki? qəbul edirəm. looser kimi hərəkət etdim. həmişə. ancaq tək istədiyim xoşbəxt olmaq idi. və bu da ancaq onu xoşbəxt edəndə gerçəkləşəsiydi. niyə qarşımda otuzdurub soruşa bilmirəm ki, "niyə?". niyə məni sevmədin? yəni harda səhv elədim? yaraşıqlı deyiləm, ona görə, ya sənə layiq deyiləm?
başa düşmürəm. sadəcə, indi onun avara biri ilə sevgili olduğunu da demirəm. başqasının haqqında bilib-bilmədən danışmağı sevmirəm. ancaq başqa yazacaq bir başlıq tapmadım. mən heç bir pis rəftar etmədim, tabiri caizse, qızın ətrafında pərvanə oldum. neçə dəfə sevdiyimi dedim (gec olsa da). ancaq iş işdən keçmişdi.
bundan sonra uzun bir müddət ərzində hər hansı bir qıza qarşı bir şeylər hiss edəcəyimi zənn etmirəm. zira ürəyim 3-cü bir yaranı götürməz. onsuzda hələ də bunun əzabı qəlbimin dərinliklərində hələ də durur. xəyal qırıqlıqları hələ də batır ürəyimə. ürəyim sıxılır.

tanım: çox sevdim, sözlük.