42. səsini nə vaxt eşitsəm acdığım tv kanalı.
deməli beynin şüuraltı öyrəşmə xüsusiyyəti var. davamlı olaraq eyni iki hərəkəti birlikdə etdiyiniz zaman beyin ikisindən birini tək etdiyiniz vaxt o birini də xatırlayacaq. məsələn yuxusuzluq probleminə qarşı məsləhətlər arasında belə şeylər var: yataq otağı ayrı otaq olmalıdır ki otaqa daxil olduğunuz anda beyin yuxulamağa başlasın. ondan əlavə gülməlidə olsa bir məsləhət var idi, yataqda saatlarca fırlanıb yuxunu gözlədiyiniz vaxt yuxu gəlməyə başladığı vaxt hər gecə eyni bir hərəkəti seçib təkrarlayın, məsələn yanağınızı oxşayın, beyin bilsin ki yuxu anı ilə paralel hərəkətdir bu. başqa gecə yuxunuz gəlməyəndə yanağınızı oxşasanız yuxunuz gələ bilər. ta da daha bariz bir misal verim, bizim evdə quş saxlayırdıq, papuqayın başqa növü. onları danışdırmaq üçün məsləhətlər də bənzər idi, məsələn hər gecə yatarkən gecən xeyrə desən quşa beyni alışdığı üçün hər dəfə havanın qaraldığını görsə ya işığı söndürdüyünü görsə gecən xeyrə deməyə başlaya bilər.
bizdə də hər dəfə evdə yemək yeyəndə papa az tvdə xəbərlərə baxırdı, qulağı da zəif idi deyə daha da çox səs verirdi. şüuraltına o qədər oturub ki, bayaq yanımda biri nəsə video xəbərə baxır, az tv tərzi danışıq eşidilir. eşitdikcə ağzımı itin yemək istəyərkən açıb örtdüyü, dodaqlarını yaladığı kimi yalayıram ki indi yemək gələcək. öz də evdə günortalar ən çox kartof yumurta yeyirdik deyə, gözləyirəm kartof qızartması gələcək yanında yaşıl soğan, badımcan şorabası.

game of thrones, walking dead, lost kimi seriallarin hamısını yemək yeyəndə boş qalmamaq üçün açıb baxmışam deyə. indi durduq yerdə məsələn game of thronesin yeni bölümü çıxır, gecə saat 1, baxıram, iştah gəlir, deyirəm gecədi yeməyim ziyandı sonra dözəmmirəm başlıyıram nə var yeməyə. yoxsa bütün game of thrones boyu o qədər alışmışam ki hər baxanda yeməyə, dözmək olmur.

o deyil də, söhbət az tv nin məğzi ilə də üst üstə düşür; bozbaş tv.