62. çox olub əslində belə anlarım.
1) 2ci sinifdə oxuyurdum, səhər nahar etməyib məktəbə getmişdim (o zamanlar çox nadir hallarda belə olurdu), acından ölmək üzrə idim, müəllimə ürəyimin bulandığını bəhanə edib (o zamanlar sadəcə bu bəhanə ilə icazə ala bilirdik bayıra) getdim kantinə, 2 dənə buloçka aldım, birini yedim o birini də yeyə yeyə girdim sinifə. 25 uşağın məni ağzım dolu görəndəki üz ifadələri hələ də yaddaşımda qalıb. yerə girməyin ilk təcrübəsini elə qazandım.
2) bu dəfə 8ci sinifdə oxuyuram, b sinifində bahar adında xoşuma gələn qız var, sinif yoldaşım, yaxın dostum da qızın qohumdu, bir gün hansı əclaf bilmirəm, buna deyib ki, baharı sevir sənin dostun. bu da gəl məni tənəffüsdə tut korridorda ki, eşitmişəm baharı "istəyirsən". görürəm ki, hə desəm adam küsüb inciyəcək, başladım ki; "kim? bahar? adə incimə e ama o qız mənlik deyil e, qaqanı tanımırsan? yer üzündə sonuncu qız olsa sevmərəm" zad, o əsnada, bahar arxadan gəlib yanımızdan keçirdi, döndü üzümə bir baxış atdı ki, o an yer yarılsa içinə girib üstümü torpaqlayardım.
3) 11. sinif. bədən tərbiyəsi tərsi. futbol oynayırıq, bədən tərbiyəsi müəllimimiz, pensiya yaşına çatmış, əməkdar fizika müəllimidir, və qocalığına hörmət xatirinə məktəbdə ştatda saxlanır. o zamanlar sol ayağımla çox gözəl toplar vururam. (vurmaz olaydım), ayağımdan çıxan top sürətlə pas vermək istədiyim tərəfə gedir, ama hədəf fərqlidir, o qocaman müəllimin, çiyni ilə boğazı arasında bir yerə tuş gəlir, qocalığın verdiyi taqətsizlikdən müəllim yıxılır. ayağa qalxıb, üzündə pərt olmaqla qarışıq yüngül gülümsəmə ilə "azca diqqətli ol, bala" dediyi an, həyatımda növbəti dəfə yerə girməyin verdiyi hissi yaşayıram.
4) universitet dövrüdür. hamımızı basıb aparırlar iqtisadçının oyununa, mən vaxt tapıb, iqtisadi nəzəriyyə müəllimindən gələn dərs nə oxumalı olduğumuzu soruşuram, "filan dərsi oxuyarsız" deyir, mən də gəlib uşaqlara deyirəm, uşaqlar deyir, oxumaq dedi, öyrənmək demədi hə? deyirəm hə, heç kim dərsi öyrənmir, içi mən qarışıq. növbəti dərs müəllimin "ən çox hörmət etdiyim tələbəm budur, verdiyi cavaba bax" cümlələri ilə 22 nəfərin önündə yerə girirdim
5) universiteti bititmişəm, artıq bankda işləyirəm, iş yoldaşımla birgə oturub müdürlərdən danışırıq, deyirəm ki, filankəsin işçisi olmaq üçün zad lazımdı e adamda, bu an otağımızın qapısı açılır və həmin müdürün xanım işçisi girir içəri. yəqin ki dediyimi eşitmişdi, ama biruzə vermədi, no vəziyyət yenə tanış hissi dadmaqla tamamlandı.
başqa xatirələr də var, yadıma düşdükcə yazacam.