aqşin yenisey
əjdahalar googllagöləqarğısancan - üz-üzə anons - başlıqları alt alta oxumaq - allah - xaqani hass - unudulmaz kitab cümlələri - seymur baycan - sözlükdəki türk dillilər - yalnızlıq
yazıram ki,
bağışla...
burda hava pis keçir,
ara vermir yağışlar..
tək yatıb tək durmaqdan,
bezdirmişəm otağı.
bilirsən...
pinti olur
yalqızların yatağı..
yalqızlar az yuyunur,
gəlir yalqızlardan iy.
çayları soyuq olur,
yeməkləri alaçiy..
çirkli ayaqqabılar...
dibi yanmış qazança...
bir qırıq da ümid var,
...qayıdacaq haçansa...
yalqız sabaha baxmır,
arzulayır keçmişi..
çox miskin mənzərədir,
ev yığışdıran kişi..
hələ bunun gecələr
içib ağlamağı var,
saçın daramamağı
saqqal saxlamağı var.
üstəgəl pəncərədən,
gözünü yola dikmək,
gəlməyini gözləmək,
qadın həsrəti çəkmək..
dərd ağır, hava da pis
ara vermir yağışlar
sənə məktub yazıram
yazıram ki,
bağışla..
üzv ol