7. həyatda pula, maddi dəyərlərə necə nifrət etdiyim 3 ay ərzində üzə çıxdı.
bütün yay boyu işlədiyim yerdə hava, çöl üzü görmədən səhərdən gecə 12-ə dək çalışırdım, aldığım maaşın da bir hissəsi yeməyim, yol pulum edirdi. o da ancaq dəxlisiz xərclərimə yarayırdı. çox nifrət olunası bir aurada çalışırdım. bütün günü müdirə təzim etmək məcburiyyətində qalırdım ki, normal ab-hava ilə işimi görə bilim. özümü maskalanmış kimi hiss edirdim. hər gün işə gələndə saxta təbəssüm maskası ilə çalışırdım. insanlarla dialoqa girəndə, kiməsə nəyisə minnət-xahişlə etdikdə bütün saf simam yırtılırdı. yerində əcaib bir sırtıq maska yarandığını hiss edirdim. cana gəlmişdim daha. çıxmaq üçün xırda bir səbəb axtarırdım. hər gün işimdə nəyisə səhv tutmaq məni təmiz həyata soyutmuşdu. vaxt gəldi vədə yetdi elə bir şeyin üstündə çıxdım ki heç özü də bilmədi həqiqi çıxma səbəbimi. və həmin hadisədən 15 gün sonra ayrıldım çalışdığım işdən.
eşidib bildiyimə görə isə,məndən sonra gələn işçilərin də heç biri yaramadı buna.
zarafat kimi gəlsə də 6 işçi çıxartdı, dəyişdi, getdi, gəldi hələ də doğru düzgün birini tapa bilmir. bununla nəsə qürur duymuram çünki kinli biri kimi içimdə mənfi düşüncəli fikirlər yoxdur ama haqq ədalət nə zamansa özünü hardasa tapır.
buna görə də sağol deyib rədd olmuşdum o müdirdən də o işdən də.