19. eqo: ing. ego. psixoanaliz nəzəriyyəsində psixoloji aparatın fərd və reallıq, id ilə supereqo arasında körpü rolunu oynayan qat. idin əksinə, xaotik təsirlər yaratmır, təşkilatlanmış və nizamlı haldadır. xarici reallığı (persepsiya) və bu dünyaya uyğunlaşma funksiyasını təmin edir. eqo həmçinin düşüncə, yaddaş, hərəkətlər və emosiyalara da (hiss və həyəcan) nəzarət edir. daxili və xarici dünyadan eqoya sızan bütün şeylər, burda bir sintezə qovuşdurulur. beləliklə, eqo intropsixi nizamlayıcı rolunu oynayaraq təcrübələri sistemləşdirir və bu sistemləşməni həm instinktlərin amansız təsirindən, həm də vicdanın hədsiz təzyiqindən qoruyur.