məni candan usandırdı


    1. Şəbi-hicran yanar canım, tökər qan çeşmi-giryanım
    Oyadar xəlqi əfğanım, qara bəxtim oyanmazmı?


    bir çoxlarına yuxarıdakı misralarla tanış olan, məhəmməd Füzulinin ən məşhur qəzəllərindən biri. Bir sıra azərbaycan bəstəkarları öz əsərlərində istifadə edib.cahangir cahangirov onun əsasında "füzuli kantatası"-nı yazıb, üzeyir hacıbəyov isə leyli və məcnun operasının giriş hissəsində xorda ondan istifadə edib.eyni zamanda istifadə olunan bəhr baxımından azərbaycan muğamlarında da çox geniş şəkildə ifa olunan qəzəldir, xüsusilə də çahargahda.

    Məni candan usandırdı, cəfadan yar usanmazmı?
    Fələklər yandı ahimdən, muradım şəmi yanmazmı?

    Qəmu bimarinə canan dəvayi-dərd edər ehsan.
    Neçin qılmaz mənə dərman, məni bimari sanmazmı?

    Qəmim pünhan tutardım mən, dedilər yarə qıl rövşən
    Desəm, o bivəfa bilməm, inanarmı, inanmazmı?

    Şəbi-hicran yanar canım, tökər qan çeşmi-giryanım
    Oyadar xəlqi əfğanım, qara bəxtim oyanmazmı?

    Güli-rüxsarinə qarşı gözümdən qanlı axar su,
    Həbibim, fəsli-güldür bu, axar sular bulanmazmı?

    Degildim mən sənə mail, sən etdin əqlimi zail,
    Mənə tən eyləyən qafil səni görcək utanmazmı?

    Füzuli rindü şeydadır, həmişə xəlqə rüsvadır,
    Sorun kim, bu nə sevdadır, bu sevdadan usanmazmı?

    Füzuli kantatası -
    (youtube: )

    leyli və məcnun operası -
    (youtube: )






hamısını göstər