75. islam dininin tanrısının adı. bildiyim qədəri ilə, sözün mənşəyi yerlidir, ərəblərin keçmiş dini təsəvvürlərindən gəlir. əksərən tanrı sözü səhvən allah kimi tərcümə olunur. ateizmin təbliğ olunduğu sovet dövründə belə bu səhvdən qaçmaq mümkün olmayıb. meydana qeyri-düzgün və gülməli şeylər çıxıb: allahsızlar cəmiyyəti. üstəlik ortodoksal islamda tanrının müsəlmanların beynindəki obrazı indikindən fərqli olmuşdur. müasir sələfilik etiqadındakı (qeyd edim ki, bu ortodoksal islama qayıtmaq cəhdi və ya ortodoksal kursun davamı hesab olunur) allahın sifətlərinə nəzər saldıqda olduqca maraqlı faktlarla qarşılaşırıq, məsələn: allahın əli, baldırı, üzü, sevinməsi və s. bütün bunları dedikdə yadıma feyerbaxın "xristianlığın mahiyyəti" əsəri düşür. feyerbax burada insanların necə özlərinə bənzər tanrı quraşdırmağından və daha sonra bu tanrının (fövqəltəbiiliyin) insanlar (reallıq) üzərində ağalıq etməsindən bəhs edir.