20. Psixoanalizin banisi olan Sigmund Freud'a görə insan psixologiyası 3 hissədən ibarətdir - iD, Ego, SuperEgo. iD - insanın heyvani istəklərini ehtiva edir. Yəni "Onu indi yemək istəyirəm, o suyu içmək istəyirəm, hər şey istəyirəm, öz də indi olsun hamısı". Ən birinci hissə olan iD doğulan andan yaranır. SuperEgo - Bu hissə insanı həmin istəklərini daha rasional şəkildə həyata keçirməsini və ya qarşısının alınmasını təmin edir. Yəni "Olmaz, ayıbdı, günahdı, düzgün deyil" kimi ifadələr SuperEgoya məxsusdur. Eqo - Hər şeyin mərkəzini təşkil edir. Eqo bir tənzimləyici olaraq, iD'lə SuperEgo arasında olan ziddiyyətin ortasında bir körpü təşkil edir. Yəni onlardan daha doğru olanı seçir. Nəhayət, Hər kəs Eqoludur, hər kəsin eqosu vardır. Eqo 0-10 yaş arasında formalaşır. Ailəsindən yetərincə tərbiyə almış uşaq sonradan həmin iD'lə SuperEgonu idarə edə bilir. Eqoizm isə bir davranış tərzidir. Eqoist insan öz istək və məqsədlərini toplum içərisində daha çox önə çəkən insana deyilir. Yəni biri "özünü dartır"sa bu onun eqoist olmağı demək deyil. Bu hal narsisizmə aiddir.Narsisizm "Özünü həddən artıq bəyənmək,hər kəsin onu sevdiyini,onu qısqandığını, onun heç kəsə ehtiyacı olmadığını düşünmək" halına deyilir.Narsist sözünə dair bir çox əfsanə vardır.Onlardan biri belədir - Qədim zamanlar Narcissus adlı bir gənc gölün kənarında gəzinir. Suyun üzərində öz əksinə baxır və aşiq olur. O qədər bəyənir ki, gözlərini özündən çəkə bilmir. Sonra susuz, qidasız qalır. Oradaca çürüyür bədəni və öldüyü yerdə güllər açır. Həmin gülün adı Narcissus çiçəyi olur. Nərgizgülünün adı da oradan qaynaqlanır. Yəni özünü həddən artıq bəyənmə halı narsisizmi göstərir. Eqoist insanlar digərləri ilə münasibət qura bilir, narsistlər isə heç kəsə ehtiyac duymadığını düşünərək zamanla ünsiyyət qura bilmir.Eqoizm xarici davranış formasıdır, narsisizm isə psixoloji xəstəlikdir. Narsist insanlar özlərini sübut etməkçün daha hiyləgər ola bilirlər. Hətta narsist yaxını olanlar psixoloqlara müraciət etməli olurlar. Yəni "Özünü dağ başına qoyan"lar eqoist deyil, narsistdir.