59. Bunların yayda bikarçılıqdan çəkilən versiyaları dəhşətlidir. Birinə baxırsan, görürsən ki, mən bu aktyoru, aktrisanı eyni ssenaridə görmüşəm axı. Kiçik araşdırma ilə qəhrəmanlarımızın bütün seriallarının yay serialı olduğu və hər dəfə də eyni rolu ifa etdiyini öyrənirik. Deyək ki bunlar pul xatirinə eyni adamı oynamaqdan bezmirlər, bəs izləyicilər eyni adamı hər yay başqa adla görməkdən sıxılmırlar?Mən adicə ispan netflix seriallarına baxanda ürəyim gedir. Heç aktyor-aktrisa yoxmuş kimi bütün seriallarında eyni adamları oynadırlar. Həm də bir rolda qatil kimi çıxış edən şəxs, digərində sevgi kəpənəyi mələk olur. Rollarda fərqlilik olmalıdır, amma utopik dərəcədə yox. Belə dəyişkənlik onun imicinə zərər vurur.

Bu yay seriallarının əsas düsturu gözəl qız, yaraşıqlı oğlandır. Aktyorluq qabiliyyəti ikinci mərhələyə keçir, əgər qızın üz xətləri gözəl, beli incədirsə, oğlan yaraşıqlı və sportif bədəni varsa, bu serialda baş rol hazırdır. Kasıb roluna bürünən qızın yaşadığı evə mənəm deyən ortabab və üstü biri ala bilməz (çoxunun da öz evi olur, ənənəvi kirə mədəniyyəti ilə də yox). Qız plaza iş dalınca gedir, babnik baş rol ilə birdən mənasız yerdə toqquşurlar və həmin momentdə arxadan sevgi temalı mahnı. Bununla serialın ilk seriyası bitir. Anonslarda da qızın rəfiqələri buna ağıl öyrədir, oğlan da yavaş-yavaş buna aşiq olur, elə bu yerdə oğlanın fırlatdığı qıza ilişir, axırda da hamilə qalıb oğlanı məcburi özünə bağlayır. Qızın da məhləsində yaxçı qaqaş roluna bürünən, qardaş kimi gördüyü dostu olur, hansı ki, dostu da bacım-bacım deyərək gizlincə bu qızla xoşbəxt hekayələr qurur. Bunların intriqası ilə təxminən noyabrdan mart-aprelə qədər serial uzanır. Sonda baş rollar evlənir, fırlatdığı qız tapdığı loxla bunların toyunda əl çalır, yeri gəlsə, yengəlik də edir.

Bu formulla ərgənləri, ümidsiz və yeməkdən başqa marağı olmayan evdar qadınları, səhər çayxanada, axşam televizorda oturan işsiz pensionerləri hər yay yatızdırırlar. Meydan bu fəsil də boş olduğu üçün reytinqləri yıxıb-sürüyür, oktyabr-noyabrdan yeni mövsüm açıldıqca yuxarıda yazdığım intriqanı işə salırlar. Millət də səy kimi bunlara baxır. internet kimi hovuzu buraxıb, bikarçılıqdı daa deyərək bunlara baxan maldır, başqa da bir şey yox.

Edit: azı 3 ildir nə yay, nə qış heç bir türk serialına baxmıram. (Arada babilə baxırdım amma, yalan demiyim indi). imtahandan sonra çox təriflənən "şahsiyet" və "alef" seriallarını izləməyi planlaşdırıram. Onlar da internet serialı olduğu üçün, senzuralı sevgi məhəbbət düşüb canıma mövzusu beynimi çürüdür.