12. #38083 saylı entry-dəki məntiqə əsasən , hərbi xidmət çəkmiş Azərbaycan qızına ,gəlininə, qadınına təcavüz edən olmaz. Ala , Azərbaycan qızına,gəlininə,qadınına təcavüz edə biləcək qədər oğraşlıq zəmanəsində hansı Azərbaycan qızı,gəlini,qadını hərbi hissəyə könül rahatlığı ilə yollana bilər ? Məgər hərbi hissələrdə qadına təcavüzkar meylli "kişilər" yoxmu ? Axı etiraf edirsiniz ki, var və bir gün elə təcavüzkarlardan biri Azərbaycan qızının,gəlininin,qadınının qabağına çıxa bilər.
Sərdar Cəlaloğlunun cəmiyyətdə feminizm təbliğatçılarının artan nüfuzuna münasibətdə qıcıqlanaraq öz nüfuzunu kişilər arasında artırmaq istəyilə müsahibədə Azərbaycan qızlarının ,gəlinlərinin,qadınlarının hərbi qulluq çəkməsi məsələsini qaldırması həm də dövlətin həll etmək istədiyi məsələdir. Buna nəzərən,
1) inzibati və iqtisadi faktorlar . hərbi hissələrdə qızlar alayının,gəlinlər taborunun xidmət çəkməsi üçün lazımi infrastruktur təmin olunmalıdır. Qızlar alayı adına layiqli maaşla təmin olunmalıdır ,qəpik-quruşla yox.
2) tibbi faktorlar . aybaşı günləri olan qızlar ,gəlinlər ,qadınlar ,gərək,həmin günlərdə ağır fiziki əmək tələb edən təlimlərdən kənar qalsınlar ,daha çox yüngül məişət vəzifələri ilə təlimatlandırılsınlar. Bu da ciddi həkim nəzarəti tələb edir yerlərdə. Çünki bugün aybaşı olan qız belini, qurşağını gücə salıb mərmi daşıyacaqsa, yaxud səngərdə şaxtada növbə çəkəcəksə , travma alıb sabah uşaq doğmaq göstəricilərindən də məhrum ola bilər.
3) hormonal faktorlar . Əvvəlki başlıqlardan birinə görə , hər bir kişidə və qadında kişilik də var,qadınlıq da. Qadında hərbi xidmət zamanı kişi hormonlarının fəaliyyətinin güclənməsi ehtimalı güclüdür. Bəzi qız,gəlin,qadınların hərbi xidmətdən sonra fizioloji olaraq hormonal fonunda kişiliyin güclənməsi başqa tibbi fəsadlara da yol aça bilər ,hətta qadının aybaşısı kəsilə və qadınlığından uzaqlaşa bilər.
4) moral faktorlar . Elə qız,gəlin,qadın var ki, 100 "neqodnıy" kağızı alan gədələrdən 1000 dəfə yaxşı hərbi xidmət çəkər ,hələ lap hərbi karyerasını da qurar ,peşəkaflığa yüksələr. Amma unutmaq olmaz ki,sabah həmin qız,gəlin,qadın ailə qurası,ana olası ,övlad böyüdəsidir. Neqodnıyların tapdadığı ,suyunu-havasını udduğu torpağı qadınlar qoruyacaqsa ,onda bütün neqodnıyları bir təyyarəyə yığıb aparıb töksünlər başqa ölkəyə.