3. axirət qiyamət günündən sonra olacaq sonsuz, əbədi yeni bir həyatdır. insanlar yenidən öz bədənlərində oyanaraq sorğulanacaq, cənnətə yaxud cəhənnəmə dəstə-dəstə girəcəkdir. bir növ matrix kimi düşünə bilərik. zənn edilənin əksinə axirət dünyasına keçid olduqda hər hansısa xüsusi bir forma və ya boyuta keçmirik. nəticədə cənnətdə və cəhənnəmdə yaşanılacaqlar indiki insan bədəninin toxunub hiss edə bildiyi, dada bildiyi hadisələrdi. bəzi dəyişikliklər, əlavələr olsa belə yenədə insanın cismi olaraq dada biləcəyi bir aləm olaraq düşünürəm axirəti. insanların öldükdən sonra yenidən dirilib bu yeni həyata giriş etməsi bəziləri üçün məntiqsiz və gülməli gəlir. axirətin varlığını elmi olaraq sübut etmək onsuzda mümkün deyil, çünki təcrübə ediləcək bir şey deyil. amma bir anlıq düşündükdə insanın doğulmazdan əvvəl bir heç olduğunu - "ölü" olduğunu düşünsək, bu olduqca ağlabatandır. insan hələ ana bətnində ikən heç bir şeydən xəbəri olmur, lazımi şeyləri ana bədəni onun üçün təmin edir və dünyaya gətirir. sonra yavaş-yavaş insan yaşa dolduqca öz varlığının fərqinə varır, inkişaf edir. insan şüurunun bu prosesdə əmələ gəlməyi isə böyük ehtimalla əbəs yerə deyil. sonra insan yaşa dolur və ölür. adi bir insanın "heçlikdən" yaranıb zamanla inkişaf edib yenidən "heçliyə" qovuşması həqiqətən qəribədir. eynilə də axirət dünyasına giriş belə olacaqdır. nəticədə insan da daxil olmaqla varlıq deyilən şey fərqli fazalarda yaradılır və müxtəlif formalara qovuşur, beləcə proses təkrarlanır. heç şübhəsiz bu ardıcıllıq/qanunauyğunluq müəyyən bir məqsədə xidmət edir və bütün bu sistemi düzüb qoşan o "zehin" istəsə qaydaları dəyişib varlığı fərqli cür formada yenidən yaradıb təqdim edə bilər. ehtimallar sonsuzdur