7. sorğulamaqdan çəkinən, inancını itirməkdən qorxanlar varsa, qorxmayın. dinləri, yaradıcı qüvvəni sorğulama bir dəfə beyninizə girdisə, axıracan gedin. yoxsa həmişə əzab çəkəcəksiniz. əgər, imanınıza, inancınıza güvənirsizsə, sizi heç bir şey, heç bir fikir yolunuzdan döndərə bilməz. yox əgər, döndərirsə, imanınız zatən zəif idi. bundan da qorxmayın.

Richard Dawkins'in bir sitatı var, oxuduğumda xeyli ürəklənmişdim: "bir Tanrının varlığını belə cəsurcasına sorğula. əgər, bir Tanrı varsa, məntiqə olan hörməti gözü bağlı qorxudan daha çox qiymətləndirəcək". Yəni, əgər Tanrı varsa, kor-koranə inanmaqdansa, məntiqinlə onun varlığını sorğuladığın üçün, axtardığın üçün səni mükafatlandıracaq deyir.

mükafatlandıracağına söz verə bilmərəm, amma hər-halda müsbət yanaşacağına əminəm. yekununda islamda Allah bu dünyada hamıya, axirətdə isə yalnız möminlərə rəhmət və mehribanlıq göstərən varlıqdır (Fatihə, 3).

demək istədiyim odur ki, əgər sorğulamaqdan qorxursunuzsa, çəkinirsizsə, qorxmayın. buna görə Allah sizi cəzalandırmaz. uşaqlıqdan beyninizə yeridilən fikirlərin doğruluğunu araşdırırsınız sadəcə. o bir söz var e, deyirlər xristian ailədə doğulsaydım, yenə araşdırıb islamı tapardım, müsəlman olardım. bu da onun kimi bir şeydir, ürəyinizi fərah tutun.

yox, bu dediklərim yenə sizi qane etmirsə, yenə də içinizdə qorxu varsa, onda məscidə gedə bilərsiniz, molla ilə danışa bilərsiniz, nə bilim dini verilişlərə baxa bilərsiniz, nümunə üçün hayalhanem kanalı xoşuma gəlmişdi, qəşəng danışırdı Mehmet hoca. sonra, hamımızın tanıdığı Nihat Hatipoğlu var, onu izləyə bilərsiniz və ən əsası, ən önəmlisi: açıb Quranı oxuyun. ümid edirəm ki, sizi narahat edən sualların cavabını Quranda tapa bilərsiniz.

yox, əgər Quranı da oxumaq istəmirsinizsə, day əlavə heç bir tövsiyə verə bilmərəm. "Quranı ərəbcə oxumaq lazımdır", "ərəb dili zəngin dildir", "tərcümə edəndə mənası itir" filan. bunları danışmayacam amma ərəbcə oxuyana qədər tərcümə olunmuşunu oxuyun, sonra istəsəz, ərəbcə yenə oxuyarsız. əsas odur, bir dəfə öz dilimizdə oxuyun.

bir dini öyrənməyin ən əsas yolu, o dinin müqəddəs kitabını oxumaqdır. əksəriyyətimiz ailəmizin, cəmiyyətimizin təsiri ilə müsəlman olmuşuq, ya da özümüzü müsəlman kimi hiss edirik, bilirəm. bütün bunlara rəğmən "mən müsəlmanam" deyə bilmək üçün islamın müqəddəs kitabını oxuyub, içindəkiləri qəbul etməliyik. məndən bu qədər, ümid edirəm ki, yararlı olmağa çalışdım.