98. 11 sezon davam edən, ilk çıxdığı vaxtlar çox populyar olan post-apokaliptik serial. amma illər keçdikcə elə-belə seriala çevrildi. ilk sezonlar əla idi, amma sonradan rejissor taktikasını dəyişdi və "boomerang storytelling" deyə bir şey yoxladı ( terminus məsələsi olan sezonda), yəni ki bir bölüm sırf bir hadisəyə ya bir obraza sərf olunurdu, axırda da bunların birləşməsi olan son bölüm çəkilirdi, o sezon üçün bu sərf edirdi, çünki qrup parçalanıb mikro-qruplara çevrilmişdi, amma bu taktikanı heç vaxt dəyişmədilər və insanlar sıxılmağa başladı, serialın imicini korlayan digər şey isə glennin saxta ölümü idi, çünki bu vaxta qədər hadisələr daha realistik idi, xoşunuza gələn ya da vacib obraz belə sezon ortasına ölə bilərdi, heç kəs əbədi deyildi, amma orda həyat davam edirdi, çünki qəhrəmanlar təhlükə içində idilər və daimi olaraq yerlərini dəyişməli idilər. sezonlar keçdikdə artıq qrup "oturaq" həyata keçdi, əsas təhlükə artıq ölülər yox insanlara çevrildi. bundan sonra da boomerang storytelling + bir communitydən o birinə keçmək əvvəlkinin ölülərin hücumu ya da yanğınla dağılması vaxt apardı. sezon ortası bölümlər çox sıxıcılaşmağa başladı, çünki elə axırdan bir iki bölümə baxmaq bəs edirdi, belə-belə də insanlar bu seriala baxmağı azaltdılar, sonlara yaxın da başa düşdülər ki, bir obrazın həmişə "yaşamağı" realistik deyil və ricki ortadan götürdülər, ondan sonra isə serial nisbətən yaxşılaşdı. rickdən sonra da daryl və carol bütün ağırlığı üzərinə götürdü.
əlavə olaraq isə neganın gəlişi isə serial üçün yaxşı oldu, çünki bütün obrazlar artıq təhlükədə idi, amma yenə də fürsətdən istifadə edib bölümləri boş-boş uzatdılar və yenə sezonun keyfiyyətini aşağı saldılar. hələ arada iki sezon ancaq darylin cammaatın üstünə bozarması ilə keçdi. 6-ci sezondan sonra serial heç vaxt əvvəlki kimi yaxşı ola bilmədi.
sonra rejissor angela wang oldu və serial azca düzəldi , amma yenə də gec idi.
fısıldayanlar da pis deyildi, amma şəxsən mənim üçün saviorlar da maraqlı idi. commonwealth də şişirdilmiş və mənasız idi.
fakt: yayımlandığı müddət boyunca serialın ən yaxşı vaxtlarında bölüm başına 17 milyon izləyici düşürdü, 11-ci sezonda isə bu 1 milyon idi. 11-ci sezona kimi serial bütün izləyici kütləsinin 94 faizini itirdi
serialdan çıxmağı da andrew lincoln özü istəmişdi, bəlkə elə rejissorlara qalsa, axıra kimi serialda qalacaqdı, ona görə də bir bölümdə ricki öldürdülər, gələn sezon gördük ki, bu da yalançı ölüm imiş, ricki helikopterdə apardılar
final bölümü əsl son deyildi, bunu da təzə spinofflar çəksinlər deyə eləyiblər. darylin özünün ayrı serialı, rick və michonne-un ayrı serialı çıxacaq