Bu elanından sonra mərhələli şəkildə limitləri azaltmağa davam edən musk-un son qərarı təsdiqlənmiş profillər üçün oxuma limitinin gündəlik 10 min, təsdiqlənməmiş profillər üçün 1000, qərardan sonra açılmış təsdiqlənməyən profillər üçün isə 500-ə qaldırılması oldu:
Yuxarıda yazdığım kimi, musk-un bu qərarının təfərrüatları tam bilinməsə də, əsas səbəbin open ai və google kimi şirkətlərin öz süni intellekt əsaslı çet-botlarını təkmilləşdirmək üçün lazımi dataları əksərən twitter və reddit-dən ödənişsiz götürməsi olduğu düşünülür
. Təbii ki, məhdudlaşdırıcı tədbirlərin sadəcə twitter tərəfindən atılması digər bir ehtimal kimi istifadəçiləri platformanın ödənişli versiyası olan twitter blue-ya yönləndirmək məqsədli olmasını göstərir. Müşahidələrimə görə, hələ ki, istifadəçilər alternativ platformalara üzv tutmağa davam edirlər. Bunların arasında bluesky və mastodon önə çıxır. Bluesky-ın mənfi cəhəti hər qeydiyyatdan keçən istifadəçinin təsdiqlənməməsidir. Platforma clubhouse kimi yeni qeydiyyatdan keçən şəxslərə iki yol təqdim edir - ya salındığın siyahı əsasında təsdiqlənməyi gözləmək, ya da hazırda bluesky-da olan istifadəçilərə verilən dəvət kodları vasitəsilə siyahısız platformaya daxil olmaq. Ki hazırda platformadan qeydiyyatdan keçmək də mümkün deyil, dünənki axından sonra sistem problemlərini həll etmək üçün qeydiyyat müvəqqəti dayandırılıb
.