47. sözlük çox əsəbiyəm bu gün. dedim bu fikirlərimi harada paylaşım, bu başlıq qabağıma çıxdı. youtubeda gəzinərkən qabağıma bir video çıxdı şahmat ilə əlaqədar. deməli azərbaycanlı bir şahmatçımız, erməni şahmatçı ilə oyunda səhv qurban verib və udacağı oyunu heç-heçə edib, buna görə də əsəbləşib söyüş söyüb. bunun ilə əlaqəli şərhlərə baxanda gördüm ki, bir ərgən dostumuz yazıb ki, erməniyə o söyüş də azdır. bəs adama deməzlər ki, ay gijdıllax, haradan bilirsən ki, o erməni ikinci qarabağ müharibəsində ermənistanı dəstəkləyib ya dəstəkləməyib. haradan bilirsən ki, o insan paşinyanı dəstəkləyir, yoxsa ona müxalifdir? haradan bilirsən ki, bütün ermənilər eynidir? sənə bir nəfər müharibə ilə əlaqəsiz bir mövzuda danışanda qəfildən sırf azərbaycanlısan deyə söysələr, nə hiss edərsən? mən onu deyim ki, bu dəfə sənin tərəfini saxlayaram, çünki o adam bilə bilməz ki, sən ilham əliyevə müxalifsən, yoxsa onu dəstəkləyirsən. o adam bilə bilməz sənin fikirlərini. qısacası, sırf bir adamı irqinə görə təhqir edirsənsə, söyürsənsə, deməli irqçisən. bu qədər bəsitdir bu məsələ, bunu başa düşməmək mümkün deyil axı. əgər şahmatçımızın etdiyinə gəlsək, məncə söyüş söyməsi doğru deyil. bilirəm, o söyüşü erməni şahmatçıya yox, uduşu qaçırdıyı üçün söyüb. lakin o söyüş qarşındaki rəqibə istər istəməz psixoloji təsir edir. bu şahmatdır, güləş, karate və s. deyil. o zaldan çıxdıqdan sonra evdə istədiyin insana söyərsən öz otağında. lakin əgər turnir zamanı bunu edirsənsə, turnirdən atılmağın mütləqdir. niyə isə erməni şahmatçı şikayət etməyib, lakin etsəydi haqlı çıxardı. azərbaycan dilini bilməsə, söyüşü başa düşməsə belə, "rəqibim oyun zamanı bilmədiyim dildə nəsə deyirdi, bu məni narahat etdi" desə hakimlərə, videodan baxıb söyüş olduğunu təsdiqləyər, ya şahmatçıyı turnirdən atarlardı, ya da həmin oyunu hökmən məğlub sayarlardı.