11. #61903

yaralı yerimə toxundun. nə deyirsən düz deyirsən.

"əsl islam bu deyil" ifadəsi ilə çox qarşılaşırıq. bu gün islamı sosial şəbəkələrdən, telekanallardan, qəzet və jurnallardan görürük və eşidirik. oxuyuruq və başa düşməyə çalışırıq. məsələ burasındadır ki, * əslində məsələ təkcə burasında yox, çox yerindədir günümüzdə islamı özbaşına oturub illərlə öyrənmədən düzgün başa düşmək mümkün deyil. yəni işi o qədər zibilə salıblar ki, sən evində oturub rahat interneti açıb məlumat yığaraq islamı düzgün öyrənə, dərk eliyə bilməzsən. bu danılmaz faktdır ki, qərb dünyası müsəlman millətlərin birləşməsinə qarşıdır və bunun üçün əlindən gələni ardına qoymur. ona görə ki, bu millətlər birləşsə dünyaya hakim olan qərbə qarşı siyasi təhlükə olacaq. bu gün kimi aydındır. baş verən siyasi hadisələri görən azca da olsa ağlı olan hər kəs bunu başa düşər. onu da qeyd edim ki, bu indi başlamış bir şey deyildir. əsrlərdir, qərbin düşünən beyinləri bunu dərk etdikləri üçün islam dinini müxtəlif metodlarla, siyasətlə parçalayıb müsəlman millətləri zəiflətməyə və ən əsası manqurtlaşdırmağa müvəffəq olmuşlar. əsrlərdir islama qarşı gedən anti-təbliğat və anti-siyasət elə həddə çatmışdır ki, islam dinini saysız hissələrə bölüb, həmin təriqətlərə qulluq edənləri manqurtlaşdıraraq, düşünmə bacarağndan məhrum edərək özlərini və dinlərini izah edə bilməyən, ifadə edə bilməyən nəhəng toplumlar əmələ gətirmişlər. bəli, müsəlmanların bu hissəsi dəhşətli dərəcədə çoxdur. bir də bunların qabaqda gedən iyrənc mollaları var hələ.
dövrümüz informasiya dövrü olduğu üçün bütün insanlar informasiya burulğanında üzür. bilirsiz, burda haşiyəyə çıxmaq istəyirəm: 20ci əsrin ortalarına qədər informasiya gizliliyi var idi dünyada. indiki kimi rahat tapılabilən deyildi. insanlar araşdırıb öyrənə bilərdi ancaq. indi isə informasiya bolluğudu. məlumatın gizli qalmasının mümkün olmayacağını görənlər artıq bütün məlumatları ortaya töküb və ondan qat-qat da çox yanlış məlumatların içində gizlədirlər. artıq informasiya göz qabağındadır, amma hansına inanacağımızı bilmirik. bax əsas oyun da elə burda başlayır.
dediyim kimi, informasiya burulğanında bizə lazım olan məlumat bir dənədisə, bizi ondan yayındıran səhv məlumat yüzlərlədir. işin bir də islama aid bilgilər tərəfi var. bir düşünün, islama aid məlumatlar görün necə qarmaqrışıq ola bilər. elə əsas məsələ də burda başlayır.
bayaq dediyim kimi artıq müsəlman camaatının çox böyük hissəsi öz dinini və özünü ifadə edə bilməyən, izah edə bilməyən insanlar toplusudur. ancaq orda burda eşitdiklərini və oxuduqlarını tutuquşu kimi təkrarlamaqla məşğuldurlar. hətta bu sözlükdəki bəzi yazarlar * müsəlman olmayan da bunu edirlər. bilmirlər.
hə bu yerdə əvvəldə dediyim cümləni bir də təkrarlayım. "günümüzdə islamı özbaşına oturub illərlə öyrənmədən düzgün başa düşmək mümkün deyil." bəli, o informasiya burulğanında boğulmaq istəmirsənsə, yüzlərlə məlumat içindən düzgün olanları seçə bilmək istəyirsənsə gərək sən illərlə islamı öyrənəsən, dərk edəsən. amma yenə də işin püf nöqtəsi var. yuxarıda qeyd etdim ki, müsəlmanların çoxu özlərini ifadə edə bilmirlər, ancaq orda-burda eşitdiklərini, oxuduqlarını tutuquşu kimi təkrarlamala məşğuldurlar. elmdən əlavə bu gün insanlara, xüsusən də bizim azərbaycanlı gənclərə * yenə yaralı yerim düşünməyi bacarmağı öyrənmək lazımdı. uşaqlıqdan heç bir fikri pryamoy qəbul etməməyə, əvvəlcə onu düşünüb başa düşməyə öyrədilməlidirlər. insan gərək başqalarının fikirləri ilə yaşamasın, özü də fikir üretsin. hər bir insanın öz fəlsəfəsi, öz əqidəsi olmalıdır. möhkəm iradəsi və şəxsiyyəti olmalıdır. psixoloji cəhətdən möhkəm olmalıdır. insan ancaq düşünməyi öyrənəndə illərini sərf edib öyrəndiyi bilgiləri işlədərək informasiya burulğanından düzgün məlumatları seçə bilər. düşünə bilmirsə, oxusa sadəcə olaraq oxumuş manqurt olacaq. timidus qardaş, sən deyənlərin səbəbi düşünən beyinlərin qıtlığıdır. belə köklənib əvvəlcədən. pis heç nə yoxdur. sadəcə olaraq başa düşülməyən şeylər var.