22. müqayisə edəndə, keçən il 1/4 - də oynanılan real madridlə oyunda o real madrid bu günkündən güclü və istəkli görünürdü. bundan əlavə, galatasarayın keçən ilə nisbətən bu ilki heyəti daha oturuşmuş sayıla bilər. amma o oyunda cim bom 3 - 2 hesabı ilə udduğu halda, bu oyunda biabırçı formada məğlub oldu - 1 - 6. səbəb nədir?
ağlıma gələn səbəbləri belə sıralamaq istəyirəm. birincisi, didye drogbanın zədələnərək oyundan çıxması. pepenin kobudluğundan sonra zədələnib çıxan drogba bu klubun sadəcə olaraq hücumçusu deyil, meydanda liderdir, şl - də zəngin təcrübəsi var, digər futbolçular meydanda onunla olanda daha ürəkli oynayırlar, üstəlik qol yollarında çox güclüdür. təsadüfi deyil ki, bu sezon başlayandan bəri galatasarayın ən çox qol vuran oyunçusudur. onun oyundan çıxması galatasarayı həm qol yollarında zəiflətdi, həm də mənəvi cəhətdən sarsıtdı. ikinci səbəb kimi, müdafiənin olduqca bərbad oynaması. gənc semihin olmaması və çoxdan oynamayan daninin müdafiədə onun yerini alması, chedjounun ürəksiz oyunu, eboenun isə ümumiyyətlə qorxaq oyunu hətta yaxşı günündə olmayan real madridin 6 qol vurmasına səbəb oldu. üçüncü səbəb kimi şans faktoru və ya burakın bacarıqsızlığı - baxanlar xatırlayacaq, 2 - ci hissənin əvvəlində başla vurduğu zərbə qapının lap yanından keçdi. bu şanssızlıqdırmı yoxsa burakın bacarıqsızlığı buna açığı tam qərar verə bilmədim. bundan başqa oyunun kritik anlarında başqa bir neçə epizod oldu ki, qol olsaydı hesab bəlkə də tamam fərqli olacaqdı. dördüncü səbəb kimi fatih terimi qeyd etmək istəyirəm. milli komandaya məşqçi gedəndən sonra, hələ galatasaray qalib gələ bilməyib. bütün fikrini milli komandaya verir ya nədəndir bilmirəm, amma bu faktdır ki, o iki komandanı çalışdırandan bəri galatasarayın oyununda ciddi eniş göz qabağındadır.

ps. çox üzüldüm bu gecə amma ümidlərim və galatasaray sevgim zərrə tükənməyib. xeyirlisi inşallah.