16. internetin şəxsiyyət qazandırdığı insanlardan. təbii ki, özünü tanımıram, bəlkə də ağıllı, dünya görüşü filan yerində olan bir insandır. amma ki, necə deyim, bu vine filan kimi sosial şəbəkələrdən bu şəkildə istifadə edib məhşurlaşan insanlar barədə düşüncəm o qədər də müstəb deyil. yəni bambılı, səviyyəsiz kimi şeyləri nəzərdə tutmuram. belə insanları hardasa bir növ virusa yoluxmuş kimi görürəm. müəyyən qədər tanınırlar və bu hansısa egonu tətmin edir və doza getdikcə artır. və bir müddətdən sonra artıq həmin o internetin qazandırdığı şəxsiyyətə bürünürlər. təbii ki, bu hamıya aid deyil. yəqin ki, nəyi nəzərdə tutduğumu başa düşdüz. bu vəziyyətin özü çox axmaq vəziyyətdir. yəni bir gün ayılıb deyə bilər ki, mən neynirəm amk?

ancaq bunu başqa şəkildə də baxmaq olar. hər şeyi yerindədir, həyatından məmnundur. çəkdiyi videolarla həm özü əylənir, həm insanları əyləndirir. anladığım qədərilə mənfi kommentlər və s. vecinə deyil. ki, bu da hardasa qızın rahat insan olduğuna dəlalət edə bilər.

bir də daha gülməli və trajikomik vəziyyət elə qızın videolarının filan altındakı kommentlərə baxanda görünür. elə adamlar var ki, girib hər paylaşdığı şeyin şeyin altına "düşük", "bambılı", "nə günədəsən", "bunun dədəsi nənəsi hara baxır?" kimi kommentlər yazırlar. qardaş bəyənmirsən, axmaq sayırsansa baxma olsun bitsin də. gedib tualetdə oturub, "ə burdan nə pis iy gəlir" deyə deyinməyin nə aləmi var? bunlar da öz egosunu tətmin edir, nə deyim.

əlqərəz, satan razı, alan razı. subyektiv fikrim, bəyənmirəm. ona görə də izləmirəm. bəyənməyənlərə də məsləhətim odur ki, nə özünüzün, nə qızın, nə də qızı bəyənənlərin mazgisini eləmiyin. unfollow ya da heç görmək istəmirsizsə block edin, həyatınıza davam edin.