benedictus


127   5   1   2
benedictus
5.nəsil yazar
reytinq xalı: 318
karma xalı:836
entry sayı:127
izləyənlər:5
sifariş sayı:5



(youtube: )






son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

vergüenza ajena ispanca "başqasının yerinə utanma"mənasını verən ifadə. Rus dilində "испанский стыд"/ispan utancı olaraq istifadə olunur. ingilis dilində də "Spanish shame" ifadəsi var. Amma, düzünü desəm, bu ifadə o qədər də çox qarşıma çıxmayıb. Onun yerinə, tam düzgün ekvivalenti olmasa da, cringe ifadəsi daha geniş şəkildə istifadə olunur.
Bu ifadənin ispan utancı adlandırılması heç də ispanların dünyanın ən utancaq milləti olduğu demək deyil. Sadəcə ispanlar ilk dəfə bu utanc hissinə ad veriblər.
tarixin ən böyük icadı Bu da sualdı? Təbii ki, ötən əsrdən etibarən həyatımızı hər anlamda gözəlləşdirən, bir gün belə onsuz qalanda dəli kimi olduğumuz icad.
(bax: internet)
kontralto Ən yaxşı nümunələrindən biri kimi q lazzarusu göstərə biləcəyimiz qadın səsi.
(youtube: )

Mahnıya ilk qulaq asanda kişi və ya qadın olduğunu ayırd etmək olmur. Amma bir qədər qulaq asdıqdan sonra qadın səsi olduğu aydın olur.
a hidden life Sevimli rejissorum Terrence Malickin 2019-cu ildə izləyicilərin ixtiyarına verilən filmi.

Bu insanın filmlərini ya çox tənqid edirlər, ya da çox bəyənirlər. Sanki bunun ortası yoxdur. Şan-şöhrətdən qaçan, demək olar ki, 40-50 illik yaradıcılığı dövründə bir-iki dəfə kameralar qarşısında görünən utancaq rejissor Terry, filmlərini kommersiya məqsədilə çəkmir. Dünyanı, insanları, təbiəti gördüyü kimi təsvir edir. Rejissorun özünəməxsus dəsti-xətti bütün filmlərində hiss olunur. O həmin rejissorlardandır ki, filmə baxan kimi deyirsən ki, bax bunu T. Malick çəkib.
Sözügedən filmdə də bu hiss olunur. Amma ötən onillikdə çəkdiyi filmlərində the tree of life filmini çıxmaqla, sanki nəsə çatmırdı. Vizual olaraq filmlərinin hamısı çox gözəldir. Amma hekayə cəhətdən ssenari havada qalırdı. Ümumiyyətlə, əmməli-başlı bir ssenari də yox idi. Əvvəlcədən hazırlanmış və plan üzrə gedən hekayə olmur Terrynin filmlərində çox vaxt. Həmişə ssenariyə əlavələr olur, aktyorlardan improvizasiya gözləyir o həmişə. Özlərindən nəsə əlavə etməklərini istəyir.
Son filmdə də öz üslubunu qoruyub saxlayıb. Lakin bu dəfə o bizim qarşımıza real hadisələrə əsaslanan sağlam bir hekayə ilə çıxır. Özü də müharibə mövzulu.
ikinci dünya müharibəsi vaxtı nasistlər tərəfində döyüşmək istəməyən, onların fikirlərinə qarşı olduğunu açıq şəkildə vətən xaini damğası yeməyi gözə alaraq rədd edən avstriyalı Franz Jagerstatterin hekayəsidir. Sağ ikən xain adlandırılan bu şəxs, ölümündən çox illər keçdikdən sonra qəhrəmana çevrilir.
Filmin baş qəhrəmanını alman aktyoru August Diehl, həyat yoldaşını isə avstriyalı aktrisa Valerie Pachner canlandırır. Aktyorların hər ikisi rollarına bürünmək üçün Avstriyanın kiçik bir kəndində çəkiliş müddətində əsl fermer kimi yaşayıblar: dəryazla ot biçiblər, kartof əkiblər, inək sağıblar və s.
Film hardasa 3 saata yaxın davam edir. Çox insan filmin uzunluğuna görə ona yaxınlaşmaq istəmir. Amma əminliklə deyə bilərəm ki, rejissor, aktyor işi o qədər gözəldir ki, insan baxanda heç yorulmur. Yenə də, şəxsi zövq məsələsidir. Elə filmlər var ki, baxmayaraq ki, çox insan bəyənir, mən sonunu güclə gətirirəm. Tastes differ.
"Do you imagine that anything you do will change the course of this war? That anyone outside this court will ever hear of you? No one will be changed. The world will go on as before. You'll vanish."
möhtəşəm türk mahnıları Bütöv şəkildə musiqisi ilə birgə möhtəşəm deyə bilərəmmi, düzü, əmin deyiləm. Amma sözləri çox anlamlı olan bu mahnı gəldi ilk ağlıma bu başlığı görəndə:
(youtube: )


Bir bakarsın oyuncağın kırılmış
Arkadaşın sana küsmüş darılmış
Kavga etmiş; kaşın, gözün yarılmış

Yaşlı gözlerle bana gelip sakın üzülme yavrum
Böyle büyür insanlar; ağlamak çare değil
Zaman değirmenini durdurmak kolay değil (ama babacığım)

Sendeki sen sana soru sorunca
Ortaçağı Galile'yi bilince
Okuduğun ince Memed olunca

Yaşlı gözlerle bana gelip sakın üzülme yavrum
Böyle büyür insanlar; ağlamak çare değil
Zaman değirmenini durdurmak kolay değil (ama babacığım)

Pırıl pırıl bir ilk bahar gününde
ilk aşkının gerçeğinde düşünde
Bir burukluk varsa eğer içinde

Yaşlı gözlerle bana gelip sakın üzülme yavrum
Böyle büyür insanlar; ağlamak çare değil
Zaman değirmenini durdurmak kolay değil (ama babacığım)

Yaşadığın, gördüklerin dışında
Mutluluğu kuytularda bulunca
Birde şöyle etrafına bakınca

Yaşlı gözlerle bana gelip sakın üzülme yavrum
Böyle büyür insanlar; ağlamak çare değil
Zaman değirmenini durdurmak kolay değil (ama babacığım)

Bir gün gelir dünya sana uymazsa
Değiştirmek eğer elden gelmezse
Şarkılarım sana miras kalmışsa

Yaşlı gözlerle bana gelip sakın üzülme yavrum
Böyle büyür insanlar; ağlamak çare değil
Zaman değirmenini durdurmak kolay değil (ama babacığım)
mezzo-soprano sopranokontralto arasında yerləşən qadın səsi. Soprano ən zil qadın səsidir, kontralto isə ən bəm. Mezzo-soprano bunların arasında olan orta səs tipidir.
Mezzo-soprano özü də dramatik, lirik və koloratur olmaqla üç yerə ayrılır.
Mezzo-soprano tipinə sahib məşhur qadın ifaçılara Beyonce, Adele, Miley Cyrus, Madonna, Ella Fitzgerald, Edith Piaf və s. misal göstərmək olar.
Hal-hazırda ortalıqda at oynadan qadın müğənnilərin demək olar ki, əksəriyyəti ya soprano, ya da mezzo-sopranodur. Kontralto səsli ifaçılar isə digərlərinə nisbətdə çox azdır.
edward hopper Amerikalı realist rəssam. Öz dövrünün (20-ci əsr) müasir Amerikasının həm şəhər, həm də kənd həyatını təsvir edən rəsmləri ilə məşhurdur. Özünün də dediyi kimi çox sadə rəsm çəkmə metodu olan rəssamın əsərlərində qatar, kafe, yanacaqdoldurma məntəqəsi, kənd evlərinin təsvirinə xüsusi yer verilmişdir.
Xaraktercə introvert olan Hopperin əsərlərində də çoxlu insan obrazı görmək demək olar ki, mümkün deyil. Pəncərə kənarında, ya da bir kafedə tək başına oturan qadınlar onun əsərlərinin ən çox rast gəlinən obrazlarıdır.
Ən məşhur əsərlərindən biri Nighthawks - Gecə quşları və ya Yuxusuzlar adlı əsərdir.


Nighthawks

Bununla yanaşı, "Morning Sun", "Cape Cod Morning", "Automat", "People in the Sun", "Tables for Ladies", "Sunlight in a Cafeteria" kimi gözəl rəsm əsərlərinin də müəllifidir.
dostluq Əvvəllər çox yaxın olduğum bəzi insanlar var idi. Bir insanla lap yaxın idik. Dost idik. Artıq danışmırıq. Danışsaq da, söhbətimiz ancaq salam, sağ oldan o tərəfə keçmir. Uzaq yerlərdəyik. Həm məsafə olaraq, həm də ruhən uzağıq. Bir vaxtlar, demək olar ki, hər günümüz bir keçərdi. Sonra aramızdan, deyəsən, qara pişik keçdi. Çox sadə, mənasız bir məsələ üstündə mübahisəmiz düşdü. Geriyə dönüb baxanda görürəm ki, əslində, günah, deyəsən, daha çox məndə idi. Amma mənə deyilən sözlər də çox ağır idi. Lənətə gəlmiş qürurum imkan verməzdi ki, üzr istəyim.
O gündən sonra bir müddət danışmadıq. Sonra "barışdıq". Amma bu barışıq sözdə idi. Artıq əvvəlki kimi yaxın deyildik. istəsək də, ola bilməzdik.
Mən ümumiyyətlə, bitən istənilən münasibətin yenidən bərpa olunduqda əvvəlki halını saxladığına inanmıram. Alınmır. Ən azından, məndə alınmır. Bir müddət əvvəl həmin dostumun mənə ehtiyacı var idi. Həyatında ağır bir dönəm yaşayırdı. Həm uzaqlıq, həm də qürur mənə imkan vermədi ki, nəsə edim. Dəstəyimi quru sözlərlə ifadə etdim. Amma hər dəfə fikirləşəndə səhv addım atdığımı düşünürəm. Ola bilsin ki, o da dostluğumuzu geri qaytarmaq istəmir. Bəlkə əzab çəkən sadəcə mənəm. Bilmirəm.
Dostluq qurmaq mənim üçün həmişə çətin olub. insanlarla tez dil tapıram. Amma uzun müddətli münasibətlər mənə görə deyil. Bacarmıram. Tez bezirəm. Ya da nəsə səhv hərəkət edirəm. Özümdən uzaqlaşdırıram yaxın olmaq istəyənləri də.
(bax: itirilmiş dostluq)
ayın 13-ü cümə günü qreqorian təqvimində ilin ən uğursuz hesab olunan günü. Hər il təqvimdə ən azı bir ayın 13-ü cümə gününə düşür. Ən çoxu isə üç dəfəyə təsadüf edə bilər. 13 rəqəmi və cümə günündən qorxu xürafatları, əsasən, xristianlar arasında geniş yayılmışdır. Günümüzdə bu kimi batil inanclara inananların sayı əvvəlki dövrlərə nisbətən azalsa da, kifayət qədər insan hələ də 13-cü cümə günü səfərə çıxmaqdan, evlənməkdən, hər hansısa bir işə başlamaqdan qorxur. Keçmiş ABŞ prezidenti F.Ruzveltin cümə günü əgər ayın 13-nə təsadüf edərsə, səfərə çıxmadığı deyilir.

Deyilənə görə isa peyğəmbər çarmıxa çəkilməzdən bir gün əvvəl 12 həvarisi ilə sonuncu şam yeməyi yeyərkən
onlardan birinin xəyanət edəcəyini bildirmişdi. Həmin masa arxasında isaya xəyanət edərək onun ölümünə səbəb olan iuda da var idi. Şam yeməyində 13 nəfərin olması, bundan bir gün sonra isanın məhz cümə günündə çarmıxa çəkilməsi, bu günün ən uğursuz gün kimi yadda qalmasına səbəb oldu. Lakin bu mübahisəli məsələdir və xristianlar arasında birmənalı şəkildə mütləq olaraq qəbul edilmir. Ümumiyyətlə bu hadisənin cümə günündə baş verməsi də dəqiq deyil.

Ayın 13-ü, cümə günündə baş verən bədbəxt hadisələrə nümunə olaraq bəziləri burada qeyd olunub: link link
les fourmis Dilimizə "Qarışqalar" kimi tərcümə olunan fransız yazıçısı Bernar Werberin eyniadlı ilk romanı 1991-ci ildə çap edilən trilogiyası. ikinci roman (Le Jour des fourmis/Qarışqaların günü) 1992, sonuncusu(La Revolution des fourmis/Qarışqaların inqilabı) isə 1996-cı ildə çap olunmuşdur. Elmi fantastika janrında olan kitablarda hadisələr paralel olaraq həm qarışqaların, həm də insanların dünyasında təsvir olunur.
Qarışqaların fəlsəfəsi: Yavaş, amma həmişə irəliyə doğru.
tabasaranlılar Böyük əksəriyyəti Dağıstanda yaşayan Şimali Qafqazın aborigen xalqlarından biri. Əlavə olaraq Ukrayna, Azərbaycan, Özbəkistan, Türkmənistan, Qazaxıstan kimi ölkələrdə çox az sayda olsa da, məskunlaşdıqları qeyd olunur.
Tabasaran dili ləzgi dilinin alt qrupuna aiddir.
Tabasaranlıların əksəriyyəti islam dininin sünni məzhəbinin nümayəndəsidir.
Əsasən, yaxşı xalça toxumaqla məşhurdurlar.

Tabasaran xalçası
Rusiyanın Zenit futbol klubunun yarımmüdafiəçisi Leon Musayev və çoxsaylı qızıl medal sahibi, dünya rekordçusu atlet Yelena Isinbayevanı məşhur tabasaranlılara misal göstərmək olar.
Mənim də nənəm tabasaranlı olduğu üçün az da olsa, etnik köklərimdə yer alır.
r/armenia Bu subredditə yazılanlara nəzər salanda ermənilərin də bizim kimi yox, bizdən qat-qat artıq milliyətçi olduğunu görə bilərik. Bizimkilər yazılan şərhlərə daha tolerant yanaşır və bir çox məsələdə haqlı olduğumuz halda onlara qarşı daha yumşaq davranır. Onlar isə oğru elə bağırdı ki, doğrunun bağrı yarıldı prinsipi ilə hərəkət edirlər.
Hər zaman ümumiləşdirmə, milliyətçilik mənə tərs olan şeylər idi. Bu fikirləri yaxınıma buraxmazdım. Müharibə mövzusunda da ümumiyyətlə, bir kəlmə belə söyləmək fikrim yox idi. Amma son hadisələr, cəbhədən aldığım xəbərlər, işıq görünməyən tunellə bilinməzliyə doğru hərəkət etməyimiz məni tamam dəyişdi. Bəlkə də əsil xislətimi ortaya çıxardı. Bilmirəm. Rasional düşünmə qabiliyyətimi itirmişəm. Ümumiyyətlə müharibə vaxtı məntiqlə düşünsən, dəli olarsan. Çünki haqsızlıqlara qarşı heç bir şey edə bilən deyilsən. Əlin-qolun bağlıdı. Ən yaxşısı, ağa deyir sür, sür də.
Sağlıq olsun. Əsas odu, silah biznesi qazansın. Qəssablara da insanların vegetarian olmağı sərf eləmir axı.
Bayaq da uşaq vaxtı bir yerdə oynadığımız tanış uşağın snayper gülləsinə tuş gəldiyini öyrəndim. Meyitləri dəyişəndə vurublar şərəfsizlər. Başqa biri yaralı xəstəxanada yatır. Atasız, evin tək uşağı. Ürəyimi sıxırlar sanki neçə gündür.
Fikirlərimi yanlış başlığın altında yazdım. Sadəcə ürəyimi boşaltmaq istədim.
#sözaltı radio
(youtube: )

I know
Oh, I know you know my pain
I'm hopin' that this world will change
(This world will change, yeah
)
But it just seems the same
diablous humanos Sözlüyün ən ürəyiaçıq yazarı.
Yazarı tanımıram, heç vaxt söhbətimiz də olmayıb. Amma görürəm ki, içi mən qarışıq, istənilən yazarın hətta favorilənməyə layiq olmayan entrylərinə belə favori atır. Nə yazsan, əjdahalayır.
1 2 3 4 5 6 7 8 9 10 11 12 13 14 15 16 17 18 19 20