burdan qubadlıya qədər gedən adam


3298   20   2   0
burdan qubadlıya qədər gedən adam 1. nəsil əcdad moderator
reytinq xalı: 7257
karma xalı:9879
entry sayı:3298
izləyənlər:54
sifariş sayı:2

son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə/blog
yanağın rəngdə mey içim gərək,
dərdim xəfif olsun qıvrım saçıntək

erkən boşalma səhər tezdən boşalmaq deyildir, yox -*

zarafat bir yana özgüvən yıxandır. səbəbləri də 58 dənədi. stress, depressiya, limitli cinsi təcrübə, tez boşalma hədəfli masturbasiyalar, lubrikantsız masturbasiya və sairə.

uşaqlıqdan hamamda-tualetdə qorxu içində, maksimum qısa müddətdə bitirilməyə çalışılan masturbasiyaların nəticəsidir əksəriyyətdə. bunun da üstünə gəl lubrikantsız masturbasiyanı, nur topu kimi bir tez boşalma problemin olur. bir dostun şəxsi təcrübə və müvəffəqiyyət hekayəsini sizinlə bölüşmək istəyirəm -*

birincisi pornoya baxmaq limitlənməlidir, mümkündürsə tamamilə dayandırılmalıdır. çünki ordakı qədər seçim sizə heç vaxt verilməyəcək, nə də heç vaxt o qədər uzun penisiniz olmayacaq. sexdən gözləntinizi real səviyyəyə endirmək lazımdı. xəyal qurmaq daha sağlam və məqsədəuyğundur.
ikincisi, 20 dəqiqədən qısa çəkəcək masturbasiyaya başlamamaq lazımdı. başqaları tərəfindən narahat olunma ehtimalı varsa, ümumiyyətlə düşünməyə dəyməz. tutulmaq qorxusu tez boşalmağa kökləyən əsas səbəblərdəndi.
üçüncüsü, lubrikant. şampun yox, qarğıdalı yağı yox. çox həvəslisinizsə coconut oil tapın, olmasa uşaq yağları da işə yarayır ancaq təmizləmək biraz əziyyətlidi. ən yaxşısı su əsaslı lubrikant almaqdır.

ilk bir neçə cəhddə 5 saniyədən daha az müddətdə boşalacaqsınız, çünki mazollu fəhlə əllərinizlə illərlə masturbasiya etmisiz və o hissə öyrəşmisiniz. ona görə sürüşkən, islaq və isti mühitdə çox tab gətirə bilmirsiniz -* maksimum uzatmağa çalışılıb, boşalmağa yaxınlaşanda penisin baş hissəsini sıxıb, orgazm hissini öldürmək lazımdı. eyni prossesi təkrar edə edə gələcəkdə şan şöhrətinizi ellərə yayacaq qədər inkişaf edə bilərsiniz.

səbəb fiziolojikdisə day həkimə gedin, onu da mən deyim?

sex terapistlərin çörəyi ilə oynayıram asfasds qarğışları tutmasa yaxşıdır.
ancaq mottomuz birdir:
(bax: bilgi gücdür)

masters of sex adlı bioqrafik bir serial da var. digər səhnələri ötürüb ancaq sex səhnələrinə baxmasaz xeyli keyfiyyətli məlumat almaq olur. seriala həvəsim yoxdu deyirsinizsə, kitabları var.
(bax: masters and johnson)
(bax: human sexual response)
(bax: Human sexual inadequacy)
deksametazon yaxşı təsir etməyinin səbəbi immun sistemini basdırmağı imiş. bu mövzunu bir neçə ay eşitmişdim ancaq çox bel bağlamamışdım. təxminən, loru dilində başa salsam, immun sistemin çox güclüdüsə covid-19 daha pis təsir edə bilir. səbəb isə immun sisteminin lazımından artıq reaksiya verib iltihablanma (bax: inflammation) və laxtalanmaya (bax: clotting) səbəb olaraq ağciyərə zərər vurması imiş.

çox zəif immun sistemilə də ölürsən, çox güclü ilə də. ona görə hər şey qədərində yaxşıdı -*
wuhan koronavirus vaksin tapılıb link deyə xəbərlər çıxır. tapılıb deyəndə, onsuz da 100-dən çox fərqli vaksinin sınaqları davam edir. Sinovac Biotech və Oxford-AstraZeneca şirkətlərinin birgə inkişaf etdirdiyi vaksin iyulda son mərhələ sınaqlarından da çıxandan sonra hər şey yaxşı gedərsə oktyabrda satışa çıxacaq. qrip vaksini kimi ildə bir dəfə vurulmalı olacaq və qiyməti 2-3 euro arası dəyişəcək.
xəfif mülayim, zərif, incə mənalarına gələn və mənasına ən çox yaraşan söz.
deksametazon inyeksiya forması apteklərdə 7.10 azn olan dərman. alıb stoklayın indidən, bir də gördün atalarının qiymətinə qaldırdılar -*
qasim bir sözaltı sözlük əfsanəsi, mübariz nurçu, yılmaz din xadimi. o kafir sözlüyün üzərinə bir günəş kimi doğulmuşdu və öz işığı ilə bizi də aydınladırdı. gah dalaşdıq, gah barışdıq ancaq onu sevməyi heç vaxt dayandırmadıq.

ən əsası da, sözlükdən gedəndə digər narsisist yazarlar kimi şələ-şüləsini yığışdırıb getməyən, gələcək nəsillərə miras qoyan kral.

nəysə zarafat bir yana, kimin troll hesabıydısa, pulu nədi verək gəlsin yenə trollasın -*

o vaxt indi xatırlamadığım bir yazar, indi də xatırladığım başqa bir yazarın komputerində bu profili açıq görmüşdü. bu yuxu da ola bilər, bilmirəm, ancaq eşidirsənsə özlənirsən -* -*
peyk özünəməxsus klipləri olan türk qrupu. qaranlıq və havasız pub qoxan mahnıları var. xüsusilə yay gecələrində təhlükəlidir.
(bax: bu ben)
(youtube: )


(bax: halim yok)
(youtube: )


(bax: gidin)
(youtube: )


(bax: darıldı şans)
(youtube: )


və də
(bax: ne oldu bana)
(youtube: )

Seni yordum kalbim artık bana uyma
Benim yolum uzun
istersen orda kal
Vakit çok geç
inan çok geç

Ne oldu baba ne oldu bana?
Bu gidişin sonu kötü kesin!
Fena düşüyorsun fena
Tutanın yok
rəvanə əliyeva (bax: hökumətin pandemiya dövründə xalqı günahkar göstərmə cəhdləri)
dünən belə bir post link yazmış təbibin mətbuat xidmətinin rəhbəri. bir də belə bir açıq məktub link yazılmışdı bu posta cavab mahiyyətli. postları da kopyalayıb entrynin sonuna atacam, uzundu, ancaq silsələr sözlükdə qalsın deyə.
belə bir şey deyim, anaş. azərbaycan həkimləri heç vaxt qəhrəman olmayıblar. individual olaraq yaxşı həkim, yaxşı insanlar var ancaq tibb sistemi başdan ayağa korrupt, savadsız, ələbaxan və qəssabdır. bunu kim istəsən təsdiqləyə bilər. azərbaycanda elə adam tapılmaz ki, tibb müəssələrimizlə bağlı acınacaqlı bir xatirəsi olmasın. kiminsə qəzaya düşmüş dayısını xərəkdən yıxıb onsuz da zədələnmiş boynunu qırıblar, kiminsə bibisinə xərçəng diaqnozu qoyub illərlə pulunu əmcikləyəndən sonra "xala siz əslində şəkər imişsiniz" deyiblər, mənim özümə ehtiyac olmadığı halda 2 dəfə əməliyyata alıblar və sairə. azərbaycan həkimi vərəm dispanserində xəstədən banan əsirgəyən, 40-50 manatlıq reseptlə sağalda biləcəyi xəstəni 700 manatlıq əməliyyata götürən həkimdi. azərbaycan tibb bacısı səhər 5də səni oyadıb iynə vuranda belə əlində iynə hazır gözləyib "hörmət eliyin dəə" deyən tibb bacısıdır. azərbaycan tibb bacısı normalda burundan mədənə qoşulmalı olan ancaq həkimin heyvanlığı nəticəsində gəlib boğazından yuxarı, ağız boşluğuna doğru burulan və hər danışmağa çalışanda öyüdən, gecə yatanda ağzına tüpürcək yığılıb boğulmağına və danışıb dərdini başa sala bilməməyinə səbəb olan şlanqı 3 gün sonra burnundan və boğazından qan qusduraraq çıxardanda təəccüblənib "aa qubad, bəs neçə gündü niyə demirsən bu belədi?" deyə təəccüblənə bilən tibb bacısıdır. o qədər vurdumduymazdırlar ki, elə bilirsən qabağındakı canlı insan yox, mankendi. üzlərindən elə zəhrimar yağır ki, elə bil bu işi filan deyil. burda onu zorla saxlayırlar və məcbur iş gördürürlər. indi covid çıxıb, azərbaycan həkimi qəhrəman olub. halbuki artıq işləməli olduqları üçün, virusa məruz qaldıqları üçün bütün günü camaatı söyür, xəstələri nifrətlə qəbul eliyirlər. böyük əksəriyyəti, elə rəvanə xanım da daxil olmaqla bu dəqiqə özünü insanlığın xilasi üçün mübarizə aparan bir əsgər kimi görmürlər. məsələyə "bu cındırların üzündən axırda özümüz öləciyik" kimi baxırlar. elə postundan da bilinir. əziz rəvanə xanım, agah olun ki, xəstələrin hamısı oxford məzunu, sosial məsuliyyətlərini tam qavrayan intelektual fərdlər deyil. bilirəm, sizə onları müalicə etmək daha xoşdu ancaq qanmayan və qanmazlığından xəstələnən adam da bir candı və onun niyə və necə xəstələndiyi mövzudan kənardı. o da eyni cür tibbi və insani qayğı ilə qarşılanmalıdır.

əslində bunların da kökündə düzgün qurulmamış tibb sistemi, zəif idarəçilik var. o həkimlər normal şəraitdə işləsə, normal maaş alsalar belə olmazlar deyirsiniz yəqin ki. əlbəttə elədir, ancaq necə deyərlər, xalamın da şeyi olsa dayı deyərdik. bugündən danışanda bunları müzakirə etməyin heç bir mənası yoxdur. çünki çox dərinə gedəndə, gərək ssri-nin qurduğu sistemi də tənqid eləyəsən, onun yetirmələrinə baxasan və də onların yetişdirdiyi cavan nəslə. həmin cavan nəslin yetişdirdiyi də özlərinin kopyası olacaq. yəni sabah normal bir səhiyyə naziri təyin etməklə səhiyyəmiz möcüzəvi şəkildə bir günün içində düzəlməyəcək. həm də mən heç vaxt məcburiyyətdən əclaflıq edən adamlara simpatiya duya bilməmişəm. zülmə çox əsaslı səbəblər ola bilər ancaq bu yenə də zülmkara haqq qazandırmır.

iri planda baş verənləri sən-mən başa düşürük ancaq sadə xalqa belə demaqoqluq lazım deyil. onlar nə səhiyyə nazirini tanıyırlar, nə də rəvanə xanımı. onlar mürsəl doxturu tanıyırlar və mürsəl doxtur cındırdı. mürsəl doxturun "maşallah, yaxşıdı" dediyi 3 gün yaşamır, təcili əməliyyat olunmalıdır dediyi ancaq imkansızlıqdan əməliyyat oluna bilməyən xəstə 83 yaşında, qucağında nəticəsini oynadanda ölür. sonra da mürsəl doxtur "korona var və ciddidir, maska taxın, filan-filan tədbirləri görün" deyəndə heç kim vecinə almır, çünki vaxtında əkdiyi inamsızlıq toxumları meyvəsini verir.

dünən hardasa oxumuşdum, deyir dedilər ki devalvasiya olmayacaq, 2 gün sonra manat az qala 3 dəfə ucuzlaşdı. dedilər neft 40 dollardan aşağı düşməyəcək, bir həftə sonra neft mənfiyə qədər düşdü. dedilər teymur mustafayev koronadan ölüb, ailəsi çıxdı dedi kişi şəkər idi. üst azərbaycana təyin etdiyi səlahiyyətli nümayəndə hande harmancı camaata evdə oturun deyib özü qubaya hikingə gedir. sizə kim, niyə inansın ki bu və bundan əvvəlki 25+ il ərzində etdiklərinizdən sonra?

to sum it up, öz etibarsızlığınızı xalqın üstünə yıxa bilməzsiniz. etibarsız və səriştəsizsiniz, idarə bacarığınız yoxdu, riskləri və krizisləri idarə edə bilmirsiniz. siz və sizdən əvvəl gələnlərin səriştəsizliyidir ki, bu qədər savadsız həkim var, yenə eyni səbəbdəndir ki, bu qədər vicdansız tibbçi var. bircə vicdansızlıq məsələsində tibbçilər sizinlə yükü bölüşür, çünki ağsaqqlarımız demişkən, adamın qabında olmuyannan sonra havayı şeydi. onların vicdanında problem olmasa sizin vicdan yoxsulluğunuz onlara bu qədər təsir etməzdi.


rəvanə əliyeva:

--sitat--

Bu barədə ilk dəfədir post yazıram. Və bunu işlədiyim müəssisədə hansısa vəzifə sahibi kimi yox, dövlət adından yox, sadə vətəndaş kimi yazıram.

Artıq həqiqətən dözmürəm. Bəsdir məsuliyyətsizlik etdiniz! Kanallardan birindən zəng ediblər, deyirlər ki, müxbirimiz 4-5 gündür yüksək qızdırma ilə işə gəlib-gedir. Deyirəm, niyə 103-ə məlumat vermir? Niyə gəzir ortalarda? Deyilir ki, karantində işləmək üçün ancaq onun adı verilib axı... Bu nə eqoistlikdir axı?

O gün birində pozitiv çıxıb, güclə yoldaşı və oğlundan test götürülüb, demişik, gözləyin nəticəni. 5ci gün z vurmuşam ki, oğlun pozitivdir, deyir ki, heç nəyi yoxdur e onun, yığışıb uşaqlarla rayona çıxdılar. Niyə belə eqoistik? Niyə camaatın uşağına keçirməlidir axı xəstəliyi? Bəlkə aralarında hansısa yanaşı xəstəliyi olan var? Bəlkə qaldıra bilməyəcək və kiminsə ölümünə səbəb olacaqsız? Elə bir-birinə qoşulub gedənlərdə də günah var. Nə bilirsiniz ki, sabah mənimlə yoldaş olub uzaq yola bir maşında çıxsanız, mən daşıyıcı deyiləm, mən xəstə deyiləm? Niyə hər kəs məsuliyyətini dərk etmir?

indicə bir kanaldan zəng ediblər. Bacım tibb bacısıdır, 3 gündür qızdırmalıdır, rentgen edib pnevmoniyası var özünə sistem qoşur müalicə edir evdə, amma ağırlaşıb, xahiş edirəm, kömək edin. Dəfələrlə demişik ki, evdə müalicəyə qalxmayın! Ağırlaşıb gəlirsiniz, sonu pis nəticələnir, yenə də günahkar həkimlər olur.

Əvvəldən də demişdik ki, qaydalara riayət edin, məsuliyyətli olun. Heç bir qabaqcıl ölkələrin belə səhiyyəsi bu pandemiyaya tab gətirmir. italiya, ispaniya kimi ölkələr ilk gündən başlı-başına buraxdı, Rusiyada ilk günlər idi hələ, xəstəxanadan oksigen balonunu əlinə verib evə yola salınanlar olmuşdu. Bizdə isə simptomsuzlar belə dövlət tərəfindən nəzarətə götürülüb izolyasiya edilirdi. Bəli, kimlərsə deyəcək ki, bu qədər postlar var sosial şəbəkələrdə, gecikirsiniz aparmağa. Bu vəziyyətin gəlməməsi üçün özümüzü öldürürdük. Buna baxmayaraq, yenə də hər hansı bir halı görən kimi dərhal reaksiya veririk.

"inanmıram" deyənlər çoxdur dostluğumda, ələ salanlar da eləcə... Lap yaxınlarımdan da bunu yazanlar var.. Bizim gecəmiz-gündüzümüz, istirahətimiz yoxdur sizin kimi məsuliyyəti olmayan eqoistlərə görə. Bu müddətdə o qədər "inanmıram" deyib, sonra hansısa yaxını üçün yalvaranlar oldu ki... Testin nəticəsi hələ bəlli olmadan "xahiş edirəm, yerləşdirin xəstəxanaya" deyənlər... Mütləq özümüzə çatanda inanmalıyıq?! Mən istəmirəm sizin kimi məsuliyyətini dərk etməyən vətəndaşlara görə mənim əzizlərimə gəlib çatsın bu virus. Yuxarıda sadaladığım halların hər birinin əsasında heç nə vecinə olmayan xəstəliyi yayan insanın məsuliyyətsizliyi durur. Kimlərsə "inanmıram" deyərək sahibi olduğu restoranının, kafesinin durumunu qurtarmaqçün insanları inanmamağa səsləyən postlar paylaşırsa, bu eqoistlikdir. Yazıb ələ saldığınız, insanları yalanlarınıza inandırmaq istədiyiniz məsələlərin hər birinə cavabım var, amma sizlərlə burada söz güləşdirməkdənsə, 1 dəqiqə belə vaxt itirmədən ölümlə savaşan insanlara kömək etməyi üstün tuturam. Bircə şey deyim, nəyəsə həqiqətən inanmırsınızsa, inancınızı özünüzdə saxlayın, bilib-bilmədən hər şeydən mütəxəssis kimi danışmayın, heç də yaxşı görünmürsünüz.

Yenə deyirəm, bu rejimdə gecə-gündüz işləməyə ilin sonuna qədər razıyam, təki əzizlərimə bir zərər dəymədən qurtulaq bu bəladan. Nə bu rejimdə işlədiyimə görə artıq pul almıram, nə də hər "koronavirus xəstəsi" tapılanda. Bəli, mən qorxuram, koronavirusdan qorxuram, özümə görə yox, yaxınlarıma görə qorxuram. Siz də bir zəhmət, inanmasanız belə, maska taxaraq, məsafə gözləyərək, işiniz olmayanda küçəyə çıxmayaraq inanmayın. Sizin həftəsonu istirahətinizə görə insanların sağlamlığı təhlükəyə düşməli deyil! Ən əsası, həkimlərimiz ölür sizə görə!!!

--sitat--



seymur kazımov:


--sitat--

Revana Aliyeva, men 2 gün öncə atamı itirmişəm, özümə söz vermişdim ki, 40 gün susub, yasımı saxlayacağam. Amma sizin insanları qınayan, alçaldan postunuz imkan vermədi ki, sakitcə yasımızı tutaq. Mən, TƏBiB idarə Heyətinin sədri Ramin Bayramlıya açıq məktub yazıram. Məktub ictimai qaydada olacaq və media istifadə edə bilər. Mənə cavab-zad yazmayın, sizdən gözləntim yoxdur. Bizim sizinlə şəxsi yazışmamız olub, doğrusu mən yazmışam, siz də ya oxumusunuz, ya da oxumamısınız. Qətiyyən, mənə cavab yazmayın! QƏTiYYƏN!

“Tibbi Ərazi Bölmələrini idarəetmə Birliyi” nin (TƏBiB) idarə heyətinin sədri Ramin Bayramlıya

AÇIQ MƏKTUB

Hörmətli Ramin Bayramlı, mən, Seymur Kazımov jurnalist olaraq sizə suallardan ibarət quru informasiya sorğusu göndərə bilərdim. Amma qərara gəldim ki, orta statistik azərbaycanlı kimi həm də suallardan ibarət məktub ünvanlayım.
Azərbaycanda səhiyyənin vəziyyəti hamıya məlumdur, hətta bu sistemi tərif edən “zəhmətkeş” məktubları yazanlara da. Amma mən bizim səhiyyəmizin, konkret olaraq, sizin rəhbəri olduğunuz TƏBiB-in insanlara olan biganəliyindən yazmaq istəyirəm. Azərbaycan səhiyyəsinin növbəti qurbanı mənim atam oldu. 10 günün içərisində qızdırmadan əziyyət çəkən atama normal tibbi xidmət göstərilmədi. Mən sadalayım, siz oxuyun.
Birincisi, aidiyyatı üzrə qeydiyyatda olduğu Xırdalan Təcili Tibbi Yardıma zəng edilir. Telefonun o tərəfindəki qız “qızdırma” sözünü eşidən kimi, “yox, yox, yox, qızdırmadırsa, biz gəlmirik, TƏBiB-in qaynar xəttinə zəng edin” deyir. Heç məsələyə axıradək qulaq asmır.
ikincisi, zəng edirik TƏBiB-in qaynar xəttinə. Cavab vermir. Dəfələrlə zəng edirik. Hətta eyni anda bir neçə telefonla zəng edirik. Nəhayət, cavab verən tapılır. Buna da qızdırma sözünü deyirsən. Test olub-olmadığını soruşur. Yox cavabını veririk. Mərkəzə məlumat verəcəyini, gəlib test götürəcəklərini deyir. Saatlar, günlər keçir, gəlmirlər.
Üçüncüsü, qızdırma qalxır, temperatur 38-i keçir, bir də zəng edirsən. Bu dəfə birbaşa mərkəzə zəng edirsən. Mütləq test götürməli olduğunu deyirlər, gözləyirsən, gələn yoxdur.
Dördüncüsü, gözləyirik, gələn olmur. Özümüz müdaxilə etmək məcburiyyətində qalırıq. iynə-dərman edilir. Budur, saatlar sonra həkim gəlir. Gəlir, qızdırmadan qıvrılan, yanan adama baxır, baxır, baxır...dimedrol-analgin vurur və gedir.
Beşincisi, qızdırma şiddətlənir, bu dəfə məcbur qalan xəstə məhz o vəziyyətdə, bəli, o vəziyyətdə öz ayağı ilə rentgenə gedir, ikitərəfli ağciyər pnevmaniyası göstərilir.
Altıncısı, qızdırma cavam edir, bir gündə dava-qırğından sonra 2 həkim gəlir müxtəlif saatlarda hər ikisi yenə baxır, baxır və dimedrol-analgin vururlar və gedirlər.
Siyahını rəqəmlərsiz davam edirəm. Atam şəkərdən əziyyət çəkib, amma öldüyü gündən bir gün öncə istisna olmaqla, şəkərin dozasının artması halları yaşanmayıb. Ölümündən 4 gün öncə nəhayət test götürülür. Test götürən adamlar da onun vəziyyətini, hansı əzab-əziyyətlərə qatlaşdığını da görürlər. O vəziyyətdə qoyub gedirlər.
Son 4 gün qızdırma artıq 39-a doğru irəliləyir. Şəkər qalxıb 360-a. Bu dəfə Xırdalandakı təcili yardıma zəng olunur, deyirlər ki, testin cavabını gözləmək lazımdır, izah edəndə ki, “adam rəsmən ölür, testin cavabını gözləyənədək müdaxilə etmək gərəkdir”, bu dəfə eşitdiyimiz cavab çox “maraqlı” olur: “Bizə virusdan qorunmaq üçün paltar verilməyib”. Bakıdakı mərkəzə zəng edirsən, onlar da testin cavabini soruşurlar. Yenə eyni vəziyyət, izah edirsən, başa salırsan ki, adam ölür..yardım edin. Həkim gəlir, yox, bu dəfə gəlmir zəng edir və deyir, “biz onsuz da onu heç yerə aparası deyilik, gəlib dimedrol-analgin vurub gedəcəyik. Gələk?” Bəli, məhz elə bu cür də deyir.
Çatırıq öldüyü günə, iyunun 12-ə. Səhər saatlarında qızdırma və şəkər paralel irəliləyir. Bakıya zəng, dava-qırğınla bir həkim gəlir. Xəstənin vəziyyətini gözləri ilə görür, “mənə desinlər aparım, testin cavabı olmadan apara bilmərik” kimi söhbətlər edir. Ona, “görmürsünüz, adam ölür axı, bir şey edin” deyəndə də, başlayır özünü tərifləməyə, “mən 30 ilin həkimiyəm-filan”. Nə isə, bir dimedrol-analgin də bu vurur və gedir və iki saatdan sonra gələcəyini deyir.
Günortaya doğru vəziyyət kəskinləşir, şəxsi maşında “SEMAŞKO”yə gətirilir. Orada rentgen edirlər və yerləşdirirlər reanimasiyaya.
Günortadan bir qədər keçdikdən sonra xəstəxanadan zəng gəlir ki, pasiyentinizi götürün, sağ qalacağına ümid yoxdur. Soruşanda ki, “ikitərəfli pnevamaniyalı xəstədir, onu hara aparaq, heç testin nəticəsi də yoxdur”, cavab verilir ki, “gəlin, götürün”.
Gedirik, “götürməyə” və qohumlardan biri zəng edir, “tələsmə, atan keçindi, gəl morqun qarşısına”.
Ölümündən 2 saat sonra artıq işlətməyəcəyi nömrəsinə, “neqativ” mesajı gəlir.
Bu, bizim ailəmizin 10 gün ərzində atamla bağlı çəkdiyi əziyyətin qısa məzmunudur. Daha uzun yazıb “qiymətli” vaxtınızı almaq istəmirəm. indi isə keçirəm suallara: bu sualları müstəqil media və jurnalistlərin buraxılmadığı, Operativ qərargahın birfinqində eşitməyəksiniz. Oxuyun.
1. Azərbaycanda koronavirusdan başqa xəstəliyi olanlar yoxdur, yoxsa, başqa dərdi olanlar xəstəxanalarda müalicə ala bilməz? Məgər, qızdırma ancaq COVID-19 əlamətidir?
2. Həkimləriniz tez-tez deyir, elə Operativ qərargahda da dedilər ki, xəstəxanalarda yer yoxdur. Mən də soruşuram, xəstəxanaların dolması mənim atamın günahı idi? Yoxsa, Operativ qərargahın məsuliyyətsiz qərarlarında onun da imzası var?
3. "Xəstəxanada niyə yer yoxdur? məsələsinə”. Birdən-birə bütün obyektlərin açılması, insanların sərhədsiz küçələrə axışması qərarını kim verdi?
4. Operativ qərargahın tibbi heyəti kimlərdən təşkil olunub, onların adları və vəzifələri bugünədək niyə açıqlanmır, axı, xəstəxanaların dolmasına səbəb məhz bu şəxslərin aldıqları məntiqsiz qərarlardır.
5. ikitərəfli pnevmaniya, 39 qızdırma, 360 dozalı şəkər xəstəsinə “testinizin cavabı pozitiv olsa, sizi xəstəxanaya yerləşdirəcəyik, neqativ olsa ev şəraitində müalicə olun” demək göstərişini kim verib, siz? Bu qərara gəlmək hansı beynin məhsuludur?
6. Testin cavabı niyə 3 gün ərzində çıxır? Niyə ən geci 1 saat ərzində cavabı məlum olan testlər gətirilmir ölkəyə? insanlar niyə 3 gün ölümlə üz-üzə qalmalıdır? Korona fonduna milyonlar yığılıb, nə üçün onlar xərclənmir? Vəziyyət getdikcə gərginləşir, dünya açılıma gedir, Azərbaycan qapanır. Nəyi gözləyirsiniz?
7. “SEMAŞKO”da morqun qarşısında yaxınlarını itirmiş insanlala söhbət zamanı məlum oldu ki, demək olar ki, əksəriyyətin qohumu pnevmaniyadan əziyyət çəkirmiş. Pnevmaniya koronavirusun əsas simtopmlarından biri olsa da, onu virus hesab etmirsiniz, çünki cavabı 3-4 gündən sonra məlum olan test neqativ göstərir. Sizcə, pnevmaniyanın sayı niyə belə artıb. indi yay fəslidir. Bu fəsildə onların hamısının ciyərlərinə soyuq dəyib? Ötən il nə qədər olub yayda pnevmaniyadan ölənlərin sayı?

Bilirəm, tez-tez Azərbaycanı bəzi ölkələrlə müqayisə edirlər- italiya, ispaniya, Fransa, ABŞ... “burada insanlar qırılırdı amma bizdə vəziyyət daha yaxşı idi”. Bəli, yaxşı idi, daha deyil. Bu adını sadaladıqlarınız səhvlərdən nəticə çıxardılar, amma Azərbaycan səhv etməyə davam edir. Yoxsa, “vətəndaşlar məsuliyyətsizdir, maska taxmır, spirtdən istifadə etmir, sosial məsafə gözləmir” kimi ədəbiyyata gərək yoxdur. Fərz edək ki, yuxarıdakı ölkələrin durumu pisdir, o zaman mən yaxşı nümunələri də bölüşüm: Almaniya (Operativ qərargahdakı həmkarınız ibrahim Məmmədovun bütün şüurlu jurnalist fəaliyyəti bu dövləti “dağıtmaq”a yönəlmişdi), israil, Cənubi Koreya, Çexiya, Sloveniya, Türkiyə və Gürcüstan. Məncə, sonuncunun üstündə ayrıca durmağa ehtiyac yoxdur. Onların nefti, qazı, peyki yoxdur. Ərazisi bizdən az, əhalisi də az, büdcəsi də. Orada günəlik yoluxma sayı əsasən 1-5 arasında dəyişir. Bizdə isə 300-ü keçib. Bu arada, onlar da müharibə şəraitindədir.
Əlqərəz, gəlirəm lap əvvələ, yuxarıda sadaladığım halları və yaşadıqlarımı əsas gətirərək tam əminliklə deyə bilərəm ki, mənim atam yarıtmaz səhiyyənin və pandemiya dövründə bir qrup məsuliyyətsizin verdiy məntiqsiz qərarların qurbanı oldu. Əmin olun ki, bu, yalnız mənim atamın vəziyyəti deyil. Sosial şəbəkələrdə bununla bağlı onlarla, bəlkə də yüzlərlə yazılar görə bilərsiniz.
Odur ki, səsləndirdiyim fikirlərə və suallara cavabı TƏBiB-in əməkdşlarından, şöbə müdirlərindən deyil, məhz Ramin Bayramlıdan tələb edirəm. Digərlərinin imzası ilə veriləcək cavablara ümumiyyətlə baxmayacağam.

--sitat--
tarixin ən mükəmməl thug life-ları Xruşovla birlikdə "Sokolnikilər" parkında Amerika Milli Sərgisini açmaq üçün 1959-cu ilin iyulunda Moskvaya ABŞ prezienti Riçard Nikson gəlmişdi.

Xruşovun müşaiətində sərgi üzrə gəzişərkən, Nikson şəhərətrafı amerikan evinin mətbəxinin modelinin yanında dayandı və orada siyasətçilər arasında uzun müddətli mübahisə başladı.

bu məşhur şəkili link çəkmiş fotoqraf Elliotta Ervittanın sözlərinə görə, haradakı Nikson Xruşova barmağını sancır, müzakirələrdə iki fraza keçdi, hansılar ki sonralar heç bir nəşrə girmədilər.

Nikson dedi: "Biz varlıyıq, siz kasıb. Biz ət yeyirik, siz kələm yeyirsiniz!". Xruşov sadə və rusca cavab verdi: "Да пошел ты на хуй!".
covid-19 son xәbәrlәri panika yaradan virus. təbibin qaynar xәtti zәnglәrә cavab vermir, dövlət xәstәxanaları "bizә xәstәliyә qarşı xüsusi kostyum verilmәyib" deyib xәstәni müayinəyә gәlmir, xәstәxanalar test cavabın hәlә çıxmayıb deyә ölsәn dә sәni qәbul edib müailәcәyә başlamır, bariz xәstәlәrin test cavabı neqativ çıxır, "pnevmaniyadır" deyilib evә göndәrilir vә sairә.

hәlә utanmaz-utanmaz da dәnizә növbə götürüb gedә bilәcәksiniz deyә operativ qәrargah xәbәr açıqlayır.

bu istidә boğula-boğula, tәr içindә, yatağa bağlı xәstәliklә boğuşmaq fikri heç çәkici gәlmir adama.
sözlük yazarlığının anonimliyi (bax: nice to have amma must deyil)

dünәn dә soruşan oldu. şәrt deyil, yazarın özündәn aslıdı.

timin dediyi bir söz mәntiqli gәldi. yazarların nә qәdәr samballı adam olduğunu bildikcә onlarla daha çox bir çevrәdә olmaq istәyirsәn. bu da әslindә sözlüyә dә faydalıdı. görmәdikcә, bilmәdikcә yazar sәnin üçün random bir internet istifadəçisi olur.

özümdәn götürsәm, vaxtilә sözlükdәn tanıdığım vә "anonimliyinә hörmət elәdiyim" üçün realda tanış olmadığımız adamlar var ki, indi tapa bilmirәm. illәrdir sözlüyә dә girmirlәr. indi dә danışdığım kimsә olanda bu nikin arxasında kim durub, nәdi, nәçidi bilmәdәn danışmaq narahat edir. eynilә dә, bir müddət sonra itib batacağı qorxusu.

şey söhbəti kimidi bu; 3-4 ay kirәdә qalacağın evə bir tava alıb qoymazsan, ordakı köhnə tavadan istifadә eliyәrsәn ki, onsuz da çox qalmayacam burda. commitment problemi yaradır. mәncә yәni. siz yenә instagram fenomeni dostlarınızı çağırıb, sözlük fenomenliyi sözü verməyin onlara -*
büyük ev ablukada hazırda instagramda live konsert verən qrup.

edit: entryi yazandan 3 dəqiqə sonra bitdi -*
nusret gökçe ət şillələyib məşhur olan türk kababçı, internet fenomeni. restoranına leonardo dicapriodan tutmuş russel crowa qədər gəldi. bugünlərdə isə irqçiliyə qarşı çəkdirdiyi video ilə gündəmdədi. məncə irqçiliyi bitirə biləcək bir adam varsa o da nusretdi -*
black lives matter link

ibrahim tatlıses mahnısı da lap yerine oturub asfasd
sözlükdəki buglar bəzi hesabları hələ umbay göstərir, ancaq yazdıqları entrylər hamıya görünür. profilə gedirsən, entry sayı sıfırdı.
bəzilərinin də entryləri görünür ancaq profilinə gedəndə ya sistem robotunun profili açılır ya da ümumiyyətlə heçnə.
siqareti tərgitmək sosial aspektləri fiziki və psixoloji aspektlərindən daha ağır olan şey-zad. iş yoldaşımla gündə 5-6 dəfə düşüb çəkirdik. həm işdən 5-10 dəqiqəlik istirahət idi həm də əlavə mövzular danışa bilirdik. indi çəkməyim deyə düşmürəm, bütün günü masamda oturmalı oluram. arada düşəndə də tüstüsü pis təsir edir ya da ürəyim çəkmək istəyir. bir tərəfdən də, uşaqlarla aram soyuyur çünki ofisdaxili professionallıq digər münasibətlərə sərhəd qoyur. sərhəddən çıxdığımız ancaq siqaret arasında olurdu, indi o da yoxdu. çətindir.
1 2 3 4 5 6 7 8 9 10 11 12 13 14 15 16 17 18 19 20