57 yazar 39 başlıq və 144 entry
yenilə | gündəm

12

Qarabağ / yeniliklər + 0 zəfər bayramı 10 noyabr olsaydı türkiyədə olacaqlar günü ifadə edən tək cümlə 11 depressiyada dinlənəcək musiqilər 3 çingiz xan 2 8 noyabr zəfər günü 6 ekşi sözlükdə 10 noyabr zəfər günü tarixinin dəyişdirilməsi təklifi 31 yazarların paylaşmaq istədikləri musiqilər 3 öyrənildiyində nə qədər cahil olunduğunu göstərən sadə məlumatlar 3 sosiologiya ikinci qarabağ müharibəsi 3 azərbaycan 4 insanın böyüdüyünü anladığı anlar 8 biz olmasaq qarabağı ala bilməzdiniz deyən türklər 10 coveri originalından daha yaxşı olan mahnılar 3 2-ci qarabağ müharibəsinin şəhidləri 2 tarixin ən böyük icadı həyat fəlsəfəsi edilə biləcək ən gözəl cümlə 3 the long dark 2 cəbhədə olan sözlük yazarları 2 panik atak adil ismayılov türkiyə 6 şövkət səlimova türkiyə azərbaycan dostluğu tac utancaqlığı sözaltı sözlük 2 rauf asılılıq yaradan oyunlar 2 #qarabağ yeniliklər imgur.com borderline personality disorder betty blue sözaltı günlük 3 arıqlama yolları 5 #sözaltı statistika 2 axirətdə qarşılaşmaq istənilən yazarlar 4 düşün ki o bunu oxuyur 4 qusar meşələrinin məhv edilməsi 2 baba paradoksu 4 ekşi sözlük 9 #sözaltı art 8 qəfil gələn sirkdə yaşayıram hissi mastaba intihar edəcək insanı fikrindən döndürəcəklər 3 kərgədan 2 elevator pitch lsd 4 kompüterdəki qısayollar 4 gigi hadid 3 it is raining cats and dogs







reyn


42   5   3   0
reyn
4.nəsil yazar
reytinq xalı: 2226
karma xalı:3282
entry sayı:42
izləyənlər:49
sifariş sayı:2



@11196, çiçəhlənirik





son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

ekşi sözlükdə 10 noyabr zəfər günü tarixinin dəyişdirilməsi təklifi Uğundurmuşdur.
Reaksiyaları* o qədər mənasız, o qədər süniidir ki, başa düşmürəm guya hər il 10 noyabrda səhərdən-axşama kimi yas tuturlar? *
mustafa kamal atatürkü necə bütləşdirdiklərini, necə dəyər verdiklərini türk dost-tanışlarımdan görmüşəm də, anlamışam da, amma nəzərə alsaq ki, atatürkün ölümü bu il olmayıb, ölümündən 82 il keçib, "lənət olsun qardaşlığımıza!", "Hamısı mənfəətçidi, qardaş deyilik hüüü" demələri cringedir.
daha cringeləri üçün link


Edit: 10 noyabr zəfər günü 8 noyabr - şuşanın işğaldan azad edildiyi günlə əvəz olunmuşdur. *
the queen's gambit Baş rolunda anya-taylor joyun olduğu izləməyə dəyər * 7 bölümlük şahmat mövzulu mini netflix serialı.
Trailerı bərbad, musiqiləri möhtəşəm idi.
Trailer:
(youtube: )

Musiqi:
(youtube: )

(youtube: )




--spoiler--

ilk öncə bunu qeyd edim ki, Baş rol aktrisası anya-nın donuqluğu tragedik həyata cuk oturub.
ilk bölümü, beth və şahmatın tanışlıq hekayəsini izləyəndə tez-tez stefan zweigin şahmat kitabını xatırlayırdım, kitab qədər zirvəyə çıxarmadı sonda məni, çünki Beth personajının uşaqlıq travmalarının, münasibətlərdəki toxic davranışlarının, dərmana və içkiyə olan aludəliyinin izləyiciyə çatdırılması yarımçıq, kasad idi, dördüncü bölümə kimi çox böyük həyəcanla izlədim. Səbəbi bu idi ki, şahmat oynanıldığı səhnələr bəzi izlədiyim şahmat filmlərinə nəzərən absurdluqdan kənar idi, hərəkətlər incə düşünülmüşdü, detalları, şahmat kitabları göz oxşayırdı. Beşinci bölümdən sonra isə serial durğunlaşır, bir də özünə gələ bilmir, zənnimcə.

Serial boyunca Bethə şahmatı öyrədən, həyatını dəyişdirən shaibeli bircə dəfə də olsun ziyarət etməsini, ya xatırlamasını umdum. Beth isə sadəcə jolene sayəsində onu xatırladı, o da yasında iştirak etmək üçün. *
Hələ jolene "yaxşısan?" Deyə soruşanda "pis hiss edirəm, ona 10 dollar borcum var idi" deyəndə istədim ekrandan çıxıb bethi cırmaqlayım, daha eləmədim, yazıqdı.

Borgov personajı gücün, intizamın, zəkanın simvolu idi. Final səhnəsində təkəbbürlü davranmayıb, bethə məğlub olanda belə alqışlayıb, qucaqlaması çox xoşuma gəldi.

Benny, sən nə məstan idin elə..



--spoiler--


Serial izləyiciləri necə lərzəyə gətiribsə, hamı şahmat öyrənməyə, oynamağa başlayıb. Ən son orta məktəbdə riyaziyyat müəllimimə üzqızardıcı şəkildə məğlub olandan sonra evdəki şahmatları dayımoğluna verib, o vaxtdan bəri kompüterdə də daxil bir dəfə belə oynamamışam.
*
həyatın nə qədər gözəl olduğunun anlaşıldığı anlar Müharibədə və müharibədən sonra Əsgərlikdə olan ən yaxın dostunun əlinə keçən ilk məhdud fürsətdə zəng vurub, mesaj yazıb səni soruşduğu andır.*
Ağdərə istiqamətində olanda 2-3 həftə xəbər ala bilməyib, səbrimin tarıma çəkildiyi, ailəsini də dəqiqəbaşı soruşub narahat etmək istəmədiyim anda anası ani zəng edib "reyn, danışmışıq, salamatdı, bu gün səsi yaxşı gəlirdi, hətta tapşırdı ki, ana, reynə deyərsən ki, demişdim də, mənə bir şey olmaz deyə, qardaşını da soruş, yaxşıdılar? Bax zəng vura bilməyəcəm, nigaran qalmayın" Demişdi kövrək səslə.
Anası ilə danışanda hisslərim o qədər bir-birinə girmişdi ki, həm gülüb, həm ağlamışdım o vəziyyətdə belə bizi düşünməsinə.
Bayaq da çortda oturanda gördüm bəs ortaq dostumuz mesaj yazdı ki, ayyyyyy reeeeeeeeeyn, dostun yazıb e instagramdan, deyir bayaqdan uşağın telefonu ilə əlləşirəm parolu tapmaq üçün ki, bu mesajı sənə yazım, sən də reynə çatdırasan. *
Mesaj da minnoş, şirinmi şirin bir mesaj idi, yazıb, sonuna da "can" qoyub məstanım həsrətdən. Niyə həsrətdən? Çünki Normal xitablarımız "pisi pisi" daha çox da "mal" zad olardı.
Uzun müddətdir bu qədər duyğu qarışıqlığı yaşamamışdım, sözlük. O qədər gözəl an idi ki. Bu ana görə bir 10 saat daha polyyannalıq eləyə bilərəm. *
həzəc bəhri bu sifarişi verən: maharramakperov

əruz vəzninin 19 bəhrindən biri, Azərbaycan ədəbiyyatında rəməl bəhri ilə yanaşı, ən çox işlənən bəhr. Başqa sözlə, "leyli və Məcnun həzəci" də deyirlər, ədəbiyyatımızda həqiri xaricində bütün sənətkarların "leyli və Məcnun" poemasını bu bəhrdə yazmasına görə. Ərəbcədən tərcümədə cəh-cəh, xoşagələn avaz mənasını verir. Həzəclə yazılan şeirlər rəməl bəhrinə nəzərən axıcı, tez əzbərlənən olur. Müxtəlif növləri olsa da, Əsas qəlibi "məfailün" qəlibinin dörd dəfə təkrarından əmələ gəlir:
Məni candan usandırdı, cəfadan yar usanmazmı?
Fələklər yandı ahimdən, muradım şəmi yanmazmı?
*

Eyni zamanda, Məhəmməd füzulinin, mirzə ələkbər sabirin ən çox müraciət etdiyi bəhrdir. Füzulinin "məni candan usandırdı" şeiri, "leyli və məcnun", "söhbətül-əsmar" poemaları, müəllifi bəlli olmayan "dastani-əhməd hərami" poeması, imadəddin nəsiminin "sığmazam", "mən mülki-cahan.." qəzəlləri, mirzə Ələkbər sabirin "əkinçi", "nə işim var?", "Bakı fəhlələrinə" şeirləri bu Bəhrdə yazılmışdır.
mirzə ələkbər sabir inqilabi-satirik şeirin banisi, 20-ci əsrdə yazmış olduğu satiralarının əksəriyyətinin günümüzlə səsləşdiyi əjdaha şəxsiyyət.
1862-ci ildə şamaxıda doğulub, dövr ənənəsinə sadiq qalaraq, ilk təhsilini mollaxanada almış, 1874-cü ildə şamaxıdakı ruhani məktəbində - Seyid əzim Şirvaninin dərs dediyi yeni üsullu quberniya məktəbində təhsilini davam etdirmişdir. Sabir 1883-cü iləcən burada oxumuş, həmin dövrlərdə seyid əzim şirvani sabirin təhsili ilə yaxından maraqlanmış, sabir burada təhsil alarkən ərəb, fars dillərini öyrənmiş, klassik ədəbiyyata maraq göstərmiş, qəzəl və həcv yazmağa başlamışdır. Sabirin ilk şeirlərindən birini Şirvani olduqca bəyənib, nizaminin xəmsəsini ona hədiyyə etmişdir. 1884-1886-cı illər ərzində Sabir orta asiyaya və irana səyahət etmişdir, şamaxıya qayıtdıqdan həmən sonra yaxın qohumu billurnisə ilə evlənmişdir, təəssüf ki, 1902-ci il şamaxı zəlzələsində şairin evi dağılmış, ailə üzvləri xəsarət almışdır. Sabirin istər sabun bişirib satmaq, istər iş axtarmaq üçün bakıya dəfələrlə gəlməsi necə keşməkeşli çətin bir həyatı olduğunun bariz nümunəsidir.
Şair 1910-cu ilin sonlarından qaraciyər xəstəliyindən əziyyət çəkməyə başlayır, həkimlərin təklif etdiyi əməliyyat olmaq fikrindən imtina edir, 1911-ci ilin fevralından mart ayının sonlarına kimi Cəlil Məmmədquluzadənin səyi ilə tiflisdə müalicə almış, lakin xəstəliyi o qədər irəliləmişdi ki, müalicə ona fayda verməmişdir. Ömrünün son günlərinin birində deyib:
istərəm ölməyi mən, leyk qaçar məndən əcəl,
Gör nə bədbəxtəm, əcəldən də gərək naz çəkəm!

Sabir 12 iyul 1911-ci ildə şamaxıda vəfat etmişdir. Məzarı şamaxı ərazisində yerləşən yeddi guşə türbələr kompleksindədir.
Həyatına dair yoxsulluqdan sonra ən çox təəssüfləndiyim şey Cəlil Məmmədquluzadə, firidun bəy köçərli kimi şəxslərlə məktublaşmasından sonra şairin həyat və yaradıcılığı haqqında xüsusi əhəmiyyətə malik bu məktubların əksəriyyətinin itib-batmasıdır, yalnız bir qismi abbas səhhət tərəfindən hophopnaməyə daxil edilmişdir.

Yaradıcılığına keçsək, həm lirik, həm satirik üslubda yazmışdır. Həyatının böyük bir qismi klassik üslubda, yəni qəzəl və qəsidə kimi lirik şeirlər yazmaqla keçmişdir, yazdığı üslubdakı mövzu, məzmun məhdudiyyəti, yəni eşq-məhəbbət mövzusu onu həvəsdən salmışdır. lirikasında eşq-məhəbbət mövzusundan savayı uşaq şeirlərinə, ictimai-siyasi şeirlərinə də rast gəlmək olar. *

Satiraya keçid etməsi isə 20-ci əsrin əvvəllərinə təsadüf edir. Birinci rus inqilabı zamanı Azərbaycanda da yayılan kütləvi hərəkat, özbaşınalığa əsaslanan idarə üsuluna qəzəbin açıq ifadəsi imkanı sabir üçün inqilabi ilham qaynağına çevrilir. Sual- cavab, qırmanc, satirik marş, taziyanə kimi janrlardan savayı "Satirik monoloq" anlayışını, yəni tipi öz dili ilə danışdırıb, ifşa etmək üsulunu da azərbaycan ədəbiyyatına mirzə ələkbər sabir gətirmişdir. Cəhalət, mövhumat, mədəni gerilik, ictimai-siyasi çətinliklər, qadın azadlığı satiralarının əsas mövzusu olmuşdur.
Ən böyük dərdlərindən biri də millətin öz çatışmazlıqlarından qurtulması olmuşdur, o dövrün bütün ziyalıları kimi avropaya ümidlə baxıb, məşhur taziyanəsində bu barədə yazır:
Dindirir əsr bizi, dinməyiriz,
Açılan toplara diksinməyiriz.
Əcnəbi seyrə balonlarla çıxır,
Biz hələ aftomobil minməyiriz..


"Ayılma", "bizə nə", "əkinçi", "mən belə əsrarı qana bilmirəm", "bir cibimdə əskinasım, bir cibimdə ağ mənat", "canın çıxsın", "qoyma, gəldi" kimi oxunası satiralar müəllifidir. Açığı, bu yaxınlarda bitirmişəm hophopnamə kitabını, şeir sevməyən biri olaraq, qətiyyən sıxıldığım bir məqam olmadı, əksər şeirini "woaaaah, necə uzaqgörən olubmuş" havası ilə oxudum.

Mənzum təbriknaməsi ilk dəfə 1903-cü ildə "şərqi-rus" qəzetində dərc olunmuş, mətbuata girişi bu şeir vəsiləsi ilə olmuşdur. Daha sonra 1905-ci ildə "beynəlmiləl" şeiri həyat qəzetində çap olunub, 1906-cı ildə isə molla nəsrəddin jurnalının fəallarından birinə çevrilmiş, burdakı əməkdaşlığı zamanı cəlil Məmmədquluzadə ilə yaxından dostluq etmişdir.

ilk öncə bunu qeyd edək ki, şairin əsərlərini çapa hazırlamaq və nəşrini oxucu kütləsinə təqdim etmək işində abbas səhhətin saysız-hesabsız əməyi olub. Belə ki, onun səyi və xalqdan toplanmış ianə sayəsində sabirin vəfatından 1 il yarım keçdikdən sonra sabirin ən böyük arzusu həyata keçirilir, yəni 1912-ci ilin sonlarında şeirləri cəm halında "hophopnamə" adı altında çapdan çıxır. Bu hophopnamənin ilk nəşri idi, cəmisi-cümüsü 104 səhifədən ibarət idi və bu şeirlər kitabına sabirin yalnız molla nəsrəddin jurnalında çap olunan şeirləri daxil edilmişdir. Kitabın belə adlandırılmasına səbəb də sabirin molla Nəsrəddin jurnalında yazmış olduğu şeirləri "hophop" adı altında yazmış olmasıdır. Bu şeirlər kitabı oxucular tərəfindən bəyənilmiş, onların tələb və ianəsi ilə 1914-cü ildə sabir əsərləri yenidən nəşr edilmişdir. Bir öncəki nəşrdən fərqli olaraq, bu nəşrə molla nəsrəddin jurnalı ilə yanaşı bəhlul, zənbur, həqiqət, irşad qəzetində çapdan çıxan şeirləri daxil edilmişdir. Hər iki nəşrin də çap olunmasında abbas səhhətin rolu danılmazdır.
Sabir külliyyatı üçüncü dəfə 1922-ci ildə çapdan çıxmış, çoxumuzun aşina olduğu uşaq şeirləri ilk dəfə bu nəşrdə oxuculara təqdim olunmuşdur. *
Daha sonra bir neçə dəfə də şairin külliyyatı çapdan çıxmışdır.*


Gələk sabir haqqında dönə-dönə vurğulamaq istədiyim, bu başlıq altında yazılan entrylərdə də yanlışlıq olan ən mübahisəli şeirə - "Millət necə tarac olur olsun, nə işim var?! Şeirinə. Bu şeir ilk dəfə sabirin abbas səhhət tərəfindən tərtib edilən "hophopnamə" kitabının içərisində verilmişdir. Abbas səhhətin kitaba yazdığı ön sözdə bu şeirlə bağlı bir qeyd də vardır:
"Məcmuənin 4-cü nömrəsindən başlayaraq "millət necə tarac olur.." mətləli şeirə ən əvvəl həcvi-məlih yazıb, "hophop" imzası qoyulur"
əslində isə, bu şeir imzasız çap olunmuşdu, abbas səhhətin Bu sözləri şeirin yanlış müəllifə aid hesab olunmasına səbəb olmuşdur.
Şeirin gerçək Müəllifinin isə cəlil Məmmədquluzadə olduğu güman edilir. Dəlaləti orasındadır ki, mirzə cəlil molla Nəsrəddin ədəbi jurnalının komplektlərini Azərbaycan ədəbiyyat muzeyinə bağışlayıb. Bu komplektlərin də altında elmi fakt kimi həmin əsərin hansı müəllifə aid olması qeyd olunurdu, burada "Millət necə tarac olur olsun nə işim var?!" Şeirinin aşağısında da müəllif olaraq cəlil Məmmədquluzadənin adı qeyd olunmuşdur.
Bundan əlavə, mirzə Cəlil 1929-cu ildə yazmış olduğu "sabir haqqında xatiratım" əsərində qeyd etmişdir:
"Sabir maraqlananlara iqrar edirəm ki, məcmuəmizin dördüncü nömrəsində çap olunan və "hophopnamə"yə daxil olan "millət necə tarac olur olsun nə işim var" adlı mənzuməni bu saat camaatımız Sabirə isnad etdiyini mən inkar edirəm. Əvvələ o səbəbə ki, həmin mənzumənin əlyazması Sabirin xətti ilə yazılmamışdır, ikinci dəlilim budur ki, şeir özü bir qədər zəifdir və bəhər surət Sabirə yaraşmır. Burada Sabir şivəsi və Sabir ruhu görünmür”.
Eyni zamanda cəlil Məmmədquluzadə bu məqalədə Sabirin şeirlərinin "Molla Nəsrəddin” jurnalında səkkizinci nömrədən başlayaraq çap edildiyini göstərir, lakin "Millət necə tarac olur olsun nə işim var" şeiri jurnalın 4-cü nömrəsində nəşr edilib.

Son olaraq, sanki bu günlər üçün yazılmış, Sabir irsindən sevimli şeirimdən 2 bənd paylaşım:
Dövlətliyik, əlbəttə, şərafət də bizimdir,
Əmlak bizimdirsə, əyalət də bizimdir,
Divan bizim, ərbabi-hökumət də bizimdir,
Ölkə dərəbəylik deyə xan-xanmı sanırsan?!
Axmaq kişi, insanlığı asanmı sanırsan?!

Asudə dolanmaqda ikən dövlətimizdən,
Azğınlıq edirsiz də hələ nemətimizdən,
Boylə çıxacaqsızmı bizim minnətimizdən?
Ehsanımızın küfrünü şükranmı sanırsan?!
Axmaq kişi, insanlığı asanmı sanırsan?!


Bu bəndlər 1907-ci ildə yazılmış "fə'lə, özünü sən də bir insanmı sanırsan?!" Satirasındandır, hansı ki, 113 il keçib yazılmasından, amma həmin sətirlərdən günümüzə dəyişən bir şey yoxdur.
*
*
*

Mənbə:
F.Hüseynov- xx əsr Azərbaycan ədəbiyyatı
M.ə.sabir - hophopnamə
A.zamanov - sabir və müasirləri
toxoplasma gondii Heyvanlardan və bitkilərdən insana yoluxan, metobolizmi güclü insanlarda simptomlarını büruzə verməyən, təkhüceyrəli parazitdir.
Belə ki, bu təkhüceyrəli parazit pişiklərin bağırsağında çoxalıb, oosit deyilən bir şey əmələ gətirir, oosit bağırsaqdan ifraz olunduqdan sonra siçanlara qarşı beyin manipulyasiyası edərək pişikdən ürkən siçanları pişiyə yem edir, pişiklər həmin siçanı yediyi üçün oositin döngüsü tamamlanır, pişik bədənində özünə yer tapır. insanlar da oositi pişik qumlarından, çirkli sudan, yuyulmamış meyvə-tərəvəzdən, çiy ətdən qapa bilir.
Toxoplasma gondii üçün Əsas risk qrupu hamilə qadınlardır. hamilə qadınlara da "pişik qumunu dəyişdirməyin" deyilməsinin səbəbi məhz budur. Hamiləlik öncəsi xüsusilə diqqət yetirilməli, qan analizi verilməlidir, nəticələr igm*, igg* olmaqla iki qrupa bölünür. Qrip, halsızlıq xaricində yetkin insanlara əsaslı bir zərər verməsə də, bətndəki uşağa ciddi ziyanlar vura bilir.

Gələk əsas mətləbə. crazy cat lady syndromeu olan, hamının pişikləri hədsiz sevən, pişiklərə obsessiyası olan bir tanışı-dostu mütləq vardır.* *
Alimlər tərəfindən Toxoplasma gondii parazitinin insanlarda Pişiklərə olan hədsiz sevginin qaynağı olduğu düşünülür. Praqa charles universitetinin bioloqlarından biri olan jaroslav flegrə görə, bu parazit beynə daxil olaraq gizli neyronlarımızı ələ keçirir, duyğularımıza təsir edir, ilk reaksiyamızı dəyişdirir, başqalarına olan güvənimizi sarsır, cinsi istəklərimizə* təsir edir. Şizofreniya, intihar və s. Meyilliliyi yaradır.
Həmçinin, dopamin hormonumuzu artırır, pişiklərə aludəlik yaradır.

Hamilə qadınlarda, pişiklərdə, siçanlarda bu parazitin olması, hamilə qadınlarda erkən, problemli doğuşa səbəb olmasının tam dəlilləri vardır, amma sırf insan beynindəki neyronlara təsiri, ruh, hiss dəyişkənliyinə səbəb olması məsələsi tezisdir. Anti-pişik propoqandası da ola bilər * *
mənbə link

əlaqəli youtube videosu link
sarah fielding ingilis uşaq ədəbiyyatının təməl əsərlərindən biri sayılan the governess əsərinin sahibi, yazıçı henry fieldingin bacısı, 18-ci əsrin zərafətini və özü üçün ideal qadın qavramanı əsərlərinə daşımış yazıçı. Yaşadığı dövrdə ingiltərədə qadınların savadlılıq nisbəti 40/100 olduğundan oxucu kütləsi və əsərlərinin personajları birbaşa qadınlar olub.

Həyatı haqqında detallı məlumat yoxdur, yunan, latın dillərini öyrənmiş, həyatının sonuna kimi ona miras qalan məbləğlə dolanmış, heç evlənməmiş, ədəbiyyatda istədiyi uğuru da tapa bilməmişdir.

ilk ədəbi əsəri the adventures of david simple qardaşının təşviqi ilə 1744-cü ildə nəşr olunub. Kitab əvvəlcə anonim olaraq nəşr olunmuş, nəşr olunduqdan sonra tənqidçilər tərəfindən müsbət rəylə qarşılandığı üçün kitabın ikinci nəşrini öz adı ilə yayımlamışdır. Bundan əlavə, qardaşı henry fieldingin məşhur tom jones əsəri üçün birlikdə çalışıblar.

Yaradıcılığının kuliminasiyası və sonuna kimi oxuduğum yeganə əsəri the governess əsəri olub, 200 səhifəlik kitab boyunca yazarın özü ilə boğuşduğu, ideal qadın anlayışını və təhsilini 20 parça ilə ümumiləşdirməyə çalışarkən kitabın içində daha da batdığı sezilir. Bəlkə də, uğursuzluğu bundan irəli gəlib, yazıçının kitablarının türkcə və azərbaycanca variantları yoxdur bildiyim qədərilə.


Daha ətraflı:
https://www.smithsonianmag.com/history/first-novel-children-taught-girls-power-reading-180968765/
identity Münasibətlər üzərinə yazılan, kiçikhəcmli, həcminin əksi düşündürücü, cavablanası suallarla dolu olan milan kundera əsəri.
Əsərin original dili fransızcadır və 1988-ci ildə - şah əsəri sayılan varlığın dözülməz yüngüllüyündən 4 il sonra qələmə alınıb, sanki öyrəşdiyim kundera üslubundan çox fərqlidir əsərdəki kundera üslubu. Çox yalındır hər şey, düşüncələrdən qaçmasanız, çox aydındır təsvir, cavablanası suallara möhtacdır. Münasibətlərdəki bayağılığın olduğu kimi təsviri var, ən əsası həddən artıq sevginin insanı necə yalnızlaşdırdığını göstərir əsas personajlardan birinin timsalında. Əsərin əsas iki personajı chantal və özündən yaşca balaca sevgilisi jean marc-dır. Fabula bu iki sevgilinin eşqi üzərində qurulub. Bəzən mənə sartre və simone cütlüyünü xatırladırdılar, bəzən hədsiz original gəlirdilər. Bilmirəm, olduqca zövqlü idi onları oxumaq.


--spoiler--

Chantal bir dəfə evləndikdən sonra uşağı vəfat etdiyi üçün evindən ayrılmış, daha sonra özündən yaşca balaca, həmçinin özünə büsbütün aşiq jean marc-la tanış olan bir qadındır. Bir gün söhbətləri əsnasında chantal artıq kişilərin diqqətini çəkmədiyini deyərək yarızarafat mızıldanır jean marc-a. Jean marc da sevgilisinin bu sözünü çox ciddiyə alıb, çıxış yolu olaraq ona başqa biri adından anonim məktublar yazmağa başlayır. Məktublarda tez-tez chantal-ın cazibəsindən danışır deyə bu məktublar cütlüyün seks həyatını alovlandırır, bir müddət sonra isə bu alovların əks təsiri görünür. Sonda isə Aralarındakı Ünsiyyət problemi məhv edir chantal-la jean marc-ı.

--spoiler--


jean marc-ın chantal-a ünvanladığı "dostluq necə doğulur?" Sualının cavabı isə tam kunderadan gözlədiyim şəkildə cavablandırılmışdı: "dostluq necə doğulur? əlbəttə ki, çətinliklərə qarşı bir ittifaq olaraq. Bəlkə də, artıq belə bir ittifaqa ehtiyac yoxdur. düşmənlər həmişə olacaq. ancaq onlar görünməz və anonimdirlər. Bürokrasiyalar, qanunlar. Dostluq belə istismarlarla sübut edilə bilməz. həyatımızı böyük təhlükələr olmadan, eyni zamanda dostluq olmadan keçiririk."

Həmçinin, "insan var olan birinin yoxluğundan necə əziyyət çəkə bilər?" Kimi ürəyimi əridən, hər pişiyimə baxanda xatırladığım sualın cavabını mənə vermişdir iki gözümün çiçəyi kundera. *

Kitabın yeganə əskiyi leroy idi. O səbəbdən ki, bir müddətdir oxuduğum əsərlərdə rastlaşdığım ən zorlama, ən "marijinal" personaj idi, deyəsən. Aforizmləri ürəyimi çəkirdi.
(bax: hocam bu olmamış)

Sonda kitabdan umduğumu almasam da, Olmayan münasibət anlayışımı göt-baş edən, Birnəfəsə oxunan, ucu-bucağı olmayan əsərdir.
my neighbor totoro hayao Miyazakinin 1988-ci ildə çəkilmiş, insanın içini isidən, pozitivlik aşılayan, yaşından asılı olmayaraq hər insanın izləyə biləcəyi şirinmi şirin anime. Miyazakinin spirited awayinə, howl s moving castleına, castle in the skyına, ümumiyyətlə, bütün animelərinə xas xoş aura burda da var, anime xoş, ürəyəyatan detallar üzərində qurulub, sadəcə həddən artıqdır, o qədər sevimli, o qədər gülümsədən, heyran duyduran animedir ki, izləyəndən sonra təsirindən çıxmaq olmur, dopamini o qədər aşılayır ki, yaşadığın pox çuxuruna qayıdanda yenə "bu nə həyatdı əə" mooduna girirsən. *

--spoiler--

Bir gün professor kusakabe iki qızı satsuki və mei ilə həyat yoldaşının uzun müddətdir müalicə aldığı xəstəxanaya daha yaxın olmaq üçün köhnə, təmirsiz, bir o qədər cənnət görünüşlü bir evə köçürlər. Yır-yığış, evdə sootballs* tapılması səhnəsindən sonra bir gün mei bağçada oynayarkən bapbalaca, iki qulağa sahib dovşana bənzəyən bir varlıq görür və onun arxasınca düşür. Həmin yol onu meşəyə aparır və yatmış totoro ilə qarşılaşdırır. Animenin, şəksiz, ən qəşəng iki səhnəsindən biri həmin səhnədir. Mei burda Totoro-nun qarnında yuxuya gedir, oyananda da özünü satsuki-nin yanında tapır.

Satsuki-nin totoro ilə yağışlı havada öz çətirini totoro-ya verib dayanması da animenin ikinci ən qəşəng səhnəsidir.

Bəzi iddiala görə, totoro animedə ölüm tanrısı olaraq təsvir edilir. insanlar ancaq ölümə yaxınlaşdığında ortaya çıxır, mei və satsuki-nin totoro-nu görməsinə səbəb də analarının ölümcül xəstə olmasıdır, çünki qoca nənənin nəvəsi kanta totoro-nu görə bilmir.

Sonda mei və satsuki analarına qovuşur, o qəşəng bağçalı evdə də totoro ilə bərabər yaşamağa davam edirlər.

--spoiler--

Anime Totoro, mei, qəribə baxışlı pişik avtobusla könlümdə taxt qurub. mei personajı şirinlikdə grave of the firefliesdakı satsuko ilə yarışa biləcək tək-tük personajlardan biridir onsuz. * Totoro da mei-nin bu sevimli, sakit bayquş və ayı qarışığı canlıya verdiyi addır. Heç kim totoro-nun əsl adının nə olduğunu bilmir, animenin bir səhnəsində totoro "gwaaaaaa" deyə səs çıxararkən mei onun adının totoro olduğunu deyir və ad da qalır totoro.

Totoro-nu eyni zamanda studio ghibli logosunda da görə bilərsiniz, efenim. Çox sevimli, məsum, səmimi bir iş çıxarıb ortaya miyazaki həmişəki kimi. izləməyən varsa, Şiddətlə tövsiyə olunur. Elə izləyən varsa da, şiddətlə tövsiyə olunur, yenidən 1 dəfə açıb baxmağa dəyər, xüsusilə bu günlərdə. xaosdan kənarlaşdırır insanı.

bu arada 2002-ci ildə mei and the kittenbus adlanan catbus və mei-nin hekayəsini danışan 13-14 dəqiqəlik davam animasiyası da çəkilmişdir.

Qəlbə gedən yol hayao miyazakidən keçər *
ikinci qarabağ müharibəsi Önümüzdəki illərdə Daha şəhid verməyəcəyimizə inandıran*, Kəlbəcər kimi geniş və relyefi çətin ərazini şəhid vermədən azad etdiyimiz müharibədir. Təzyiqləri, havanın get-gedə soyumasını, verdiyimiz şəhidləri, gördüyümüz kədərli videoları düşünəndə buruq da olsa, sevinc yaşadır insana, "Barı bundan sonra şəhid verməyəcəyik" dedirtir.
"Masada yenə Rusmu qazandı?" Desək, Təbii ki, rus qazandı. Bu coğrafiyada bundan artığını gözləmirdim onsuz da. Hadrutun, Şuşanın əlimizdə qalmasına sevinirəm hətta. Ən azından şuşada o qədər can qoymuş, qanı tökülmüş insanların uğruna.
Baxıram fb-da commentlərə hamı tumanını başına çəkib ki, biz alardıq kəlbəcəri, biz alardıq laçını, gərək dayanmazdılar. Pardon? yaşamayan bilmir, deyəsən, prosesin ağırlığını, hər gün min ölüb, bir dirilməyi. indi isti evində oturub "möhöröbö!" Deyə qışqıranların da asan idisə könüllü yazılıb cəbhəyə getməsini məsləhət görmüşəm müharibə boyunca. Bir əsgər anasının, cəbhədə əzizi olan insanın "müharibə davam etsin!" Şüarını eşitmədim mən, yəqin ki, eşidə də bilməzdim.
Bilmirəm mənmi qardaşım orda olduğu üçün emosional yanaşıram ya camaatınmı başı xarab olub. Heç nə yox, 44 gün öncə kim deyərdi ki, bu qədər torpaq azad edəcəyik? Bundan sonra diktaturaya, əliyevlərə nə olacaq bilmirəm, hal-hazırda marağımda da deyil, açığı. "bunu sonra düşünərik" havasındayam. bir cəbhədən gələcək olan əsgərlərin ailələrinin sevincini düşünürəm, bir də can qoymuş şəhidləri.
Şəhidlər nurlar içində yatsın, sağ qalan hər bir əsgər yaxınlarının da, ümumilikdə, xalqımızın da gözü aydın olsun!

Edit: orduda satqınlıq faktorunu qeyd etməyi unutmuşam.
anime terminləri *

Əsas anlayışlar:
Ova – original video animation. Anime bitdikdən sonra əlavə yayımlanan bölüm və ya bölümlərdir. Önəmi animedən animeyə dəyişir, steins gate ova-sı ilə kamisama hajimemashita ova-sı bir deyil məsələn.

Special – ova-lara bənzəyən əlavə bölümlərdir. Tək fərqləri 3-4 dəqiqə müddətdə olmalarıdır.

Fansub – Animelərə subtitle hazırlayan qruplara deyilir.

Seiyuu – yapon səsləndirmə sənətçilərinə verilən ad.

Cosplay – anime və ya manga personajlarının libasına bürünmək, onları canlandırmaq. Əvvəllər azeconda keyfiyyətli işlər çıxarırdı anifanlar ortaya. hellsing, sailor moon cosplay-ləri uwuuuu dəhşət. Son 1-2 ildə xəbərim yoxdur.

isekai – yaponcada "başqa dünya" mənasını verir. Bəzi Animelərdə paralel dünyaya keçid olur və hadisələr orada cərəyan etməyə davam edir. 11 eyes, Hataraku Maou-sama, ən məşhuru re:zero animelərində olduğu kimi.

Auditoriyaya görə:
Kodomo – uşaqlara xitab edən, uşaqların izləməsi üçün nəzərdə tutulmuş, uşaq vaxtı izlədiyimiz, sayələrində anime ilə tanış olduğumuz animelərdir. Doraemon, pokemon, beyblade, chi's sweet home və s..

Shounen – yaponcadan "gənc oğlan" mənasını verib, 12-18 yaş aralığı oğlanların izləməsi üçün nəzərdə tutulmuş animelərdir. Animelərin özəyini, canını-ciyərini təşkil edir. Naruto, one peach, death note, code geass, bleach, fullmetal alchemist, mirai nikki kimi məşhurmu məşhur nümunələri var. Yeri gəlmişkən, burada Yaş aralığının şərti xarakter daşıdığını, shounen janrının həddən artıq 20 yaş aralığında insanların izlədiyini görə bilərik.

Seinen – 18 plus yaşlı oğlanlara xitab edən janrdır. Ecchi ünsürləri ilə bol olurlar. Elfen lied, Monster, hellsing, tokyo ghoul, chobits, gleipnir, 11eyes kimi möhtəşəm örnəklər var.

Shoujo – 12-18 yaş aralığında qızların izləməsi üçün nəzərdə tutulan animelərdir. Bol-bol mushy-lik, cheesy-lik, anlam verə bilmədiyiniz romantizm ehtiva edir özündə. Kawaaaaiiii deyib, ərinəcək personajlar da çox olur amma buralarda.Kamisama hajimemashita, hakushaku to yousei, akatsuki no yona və s.
Bir də, təbii ki, şah əsər sailor moon *

Josei – 18 plus yaşlı qızlara xitab edən janrdır. No.6, Paradise Kiss, loveless kimi animelər bu kəsimə xitab edir.


Janr:
Slice of life – elə adından da göründüyü kimi həyatdan parçalar daşıyan animelərdir. * elə animelər olur ki, həyatın içindən, həyatdan parçalar daşıdığı üçün insanın qanına işləyir, çox səmimi gəlir. Hıııh baxın bu animelər o animelərdir. Violet Evergarden, mushishi, kotonoha no niwa.

Ecchi – yaponca "seksi" mənasına gələn söz. Şişirdiləcək qədər cinsəlliyin olmadığı, amma qızlarda çılpaqlıq, seksilik ehtiva edən, belaltı zarafatların yerli-yerində olduğu animelərdir. "Ecchi" sözünün "hentai" sözündən törəməsi barədə mülahizələr olsa da, sübut olunmayıb, ecchilərdə cinsi əlaqədən söz də getmir. Mirai nikki, elfen lied kimi animelər bu kateqoriyadandır.

Mecha – mexanik mənasına gələn, bol-bol robot, həddən artıq sci-fi örnəyi görə biləciyiniz janrdır. Code geass, eureka seven mecha deyəndə ağıla gələn animelərdir.

Hentai – animenin pornosu. Bunu anime izləməyənlər də bilər onsuz-*

P.s. Bundan əlavə bizə aşina olan adventure, romance, supernatural, sci-fi, Psychological, school və s. Kimi janrları da var.


Xarakterlərə verilən adlar:
Chibi – böyük gözlərə, böyük başa sahib anime obrazları, şirinlik abidələri. Himouto! Umaru-chan animesindəki Umarunu örnək göstərə bilərik.

Trap – elə adından göründüyü kimi bizi tələyə salan, sağ göstərib sol vuran, cinsiyyətini səhv bildiyimiz personajlardır.
Hunter x hunterdakı zərif kalluto zoldyck-in qız deyil də oğlan olması, Aoharu x Kikanjuudakı tachibana-nın oğlana bənzəyib qız olması kimi.

Neko – yaponcadan tərcümədə pişik mənasında olub, Animelərdəki pişik qulaqlı, daima miyoldayan şirinmi şirin personajlara verilən addır həm də.

Loli/lolicon – böyük olub, kiçik görsənən xarakterlərə verilən addır, animelərə bir başqa atmosfer qazandırır adətən bu personajlar, olduqca şirin, çox-çox şirin gəlirlər gözümə nəsə. Azumanga Daiohdakı chiyo personajl gəldi ağlıma sadəcə.

Dojikko – aşa-aşa gəzən, yeriyərkən ora-bura dəyən, addımbaşı yıxılan, əli ayağına dolaşan, qəzəbdən daha çox, üzdə gülümsəmə yaradan sevimli personajlardır.
(bax: mən) *
Zarafatsız, sailor moondakı usagi kimi.


Xitab şəkilləri*:
-chan: daha çox sevimlilik, canayaxınlıq əlaməti olaraq özündən balacalara qarşı istifadə olunur. * Sevgililərə, pişiklərə, yaxın dostlara qarşı bol miqdarda istifadə olunur bu xitabdan animelərdə.

-Dono: "lord" mənasında, daha çox tarixi animelərdə istifadə olunur.

-sama: qarşı tərəfə hörmət duyduğunu bildirmək məqsədi ilə istifadə olunur. Rəsmilik bildirir, daha çox iş əlaqələrində istifadə olunur. The Evil and the fairy animesində ravenın o möhtəşəm baritone səsi ilə, "edgar-sama" deməsi..

-san: xanım/cənab mənasında işlənir. Eyni zamanda ailə üzvlərinə xitab edərkən də istifadəsinə rast gəlinir animelərdə: onii-san, onii-san, onegai! *

Senpai – özündən böyük və təcrübəlilərə xitab şəklidir. Məsələn, animelərdə 9-cu sinif şagirdinin 11-ci sinif şagirdinə ünvanladığı xitab adı deyilsə, senpai olur.
multiplayer izləyənlər cemdən xatırlayar senpaim ne derse o sözünü-*

Kohai – senpai-nin əksidir. 11-ci sinif şagirdinin 9-cu sinif şagirdinə, təcrübəlinin təcrübəsizə xitab şəklidir. Tək-tük animelərdə eşidilər ya yox bu söz, az rastlanan xitab formasıdır.

Sensei – müəllim. Bəli, müəllim.

Oppps, unutmadan weeaboo anlayışı ilə otaku anlayışını da eyniləşdirənlər olur. Nırçıldayırıq. Aralarında Əsaslı fərq ondadır ki, otakuluq əslən yapon olub, anime fanatikliyi etməkdir, weeaboolar isə başqa millətə mənsub olub, yapon mədəniyyətini mənimsəməyə çalışanlar, anime xəstələridir.* Adətən bu söz neqativ, alçaldıcı mənada işlənir yaponlar tərəfindən.


mənbə link

Editləmək lazımdır.
albert aqarunov 1992-ci il mayın 8-də şuşa şəhərinin işğal olunduğu gün snayper tüfəngi ilə vurularaq şəhid olmuş, yəhudi əsilli azərbaycan milli qəhrəmanı, Öldürülməsi üçün ermənilərin başına 5 milyon rubl pul qoyduğu, birinci qarabağ müharibəsində "yəhudi buterbrodu" taktikasının yaradıcısı.
Hamının tank üstündə, ümidli, gülərüz xatırladığı kəsdir albert. Mirşahinlə müsahibəsini xatırlamayan olmaz, yəqin.
(youtube: )

Mirşahinin səsinə dözə bilməyənlər üçün müsahibədən bir hissə paylaşım:
--Adın nədir sənin?
– Albert.
– Hansı millətin nümayəndəsisən?
– Yəhudi.
– Yəhudiləri Azərbaycan torpağını qorumağa nə məcbur edir?
– ona görə mən bu torpaqda yaşayıram, doğulmuşam burada, yaşayıram da burada, ayrı heç nə məcbur eləmir.
– Bir vətəndaş kimi öz borcunu nədə görürsən?
– Gəlib torpağı qorumaqda.
– Nə qədər vuruşmağı düşünürsən?
– Müharibənin axırına kimi.

Albert Bakıda yəhudi ailəsində doğulub, orta məktəbi bitirəndən sonra peşə məktəbində sürücü-mexanik təhsili almış, 1987-ci ildə gürcüstanda hərbi xidmətə getmiş, hərbi xidmətdə olduğu zamanlar tank komandiri olmuşdur. Birinci qarabağ müharibəsi başlayan günlərdə könüllü yazılaraq, cəbhəyə getmiş, tank komandiri təyin olunaraq xüsusi təyinatlı 777 nömrəli batalyonun tərkibində Vuruşmuşdur. Şuşa istiqamətində döyüşmüş, Cəmilli, xankəndi, daşaltı istiqamətində ermənilərin zirehli texnikasını, canlı qüvvəsini məhv etmiş, düşmənin iki tankı bir-birinə yaxınlaşanda bir mərmi ilə iki tank vuraraq, yanındakı əsgər yoldaşları tərəfindən "yəhudi buterbrodu" olaraq çağırılmışdır.
Komandirinin sözlərinə əsasən, mayın 8-i 1992-ci ildə albert mövqeyini dəyişəndə şəhid olmuş yoldaşlarının üstündən keçmək istəməmiş, buna görə tankından çıxıb, yoldaşlarının ölü bədənlərini kənara çəkən zaman öldürülmüşdür.

Azərbaycan respublikasının prezidentinin 1992-ci il 7 iyun tarixli, 833 saylı sərəncamı ilə "Azərbaycan milli qəhrəmanı" adına layiq görülmüşdür. Bakıda şəhidlər xiyabanında dəfn olunub.

Bu gün Bütün küçəmiz albertin şəkilləri ilə doldu bir anda. Bir yəhudi qonşumuz var idi, şəhid gətirildi. anası fəryad edirdi ki, müharibə başlayan kimi "müharibə başladı, mən də bir albert olmağa gedirəm" Deyib, getdi tək oğlum.
Nə deyəsən. Həmişə 23 yaşında qalacaq gözəl insanlar, ruhunuz şad olsun.
müharibəyə gedəndən bəri qardaşımla danışdığımız hər zəngin sonunda atam ona "bax, özünü qoru ha, ora-bura atılma, ehtiyatlı ol, minalı ərazilər çox olur. Həyat qabaqdadır, gözümün nuru, həyat qabaqdadır" deyir. O "həyat qabaqdadır" sözü albert aqarunovu, səid rəşidzanəni, şaiq kəlbiyevi və tanıyıb-tanımadığım yüzlərlə, minlərlə gənci xatırladır mənə. Şəhid olduğu üçün Daima eyni yaşda qalacaq olanları. Çox kədərli deyil, sözlük?

Albertin müsahibəsində "aə mən intervyu verə bilmirəm, a kişi" dediyi kimi, mən də entrynin sonunu hara bağlayıram bilmirəm, a kişi. Heç bir şey vallah. Kədərlidir. Nurlar içində yatsın hamısı.

Edit. "Aə" yox, "Arə" imiş xitab forması. Maraqlıdır.
mənbə link

8 noyabr 2020 editi: şuşanı azad etdik, albert! Ruhun şad olsun!
500 miles Melodiyası, sözləri olduqca Xoş, təsirli 1960-cı illərdə amerikada və avropada yayılan folk mahnısıdır. 500 Miles Away from Home, Railroaders' Lament olaraq da tanınır. Hedy west tərəfindən yazıldığı güman olunur. Sadə, təkrarlanan sözlərinin həzin, nağılvari melodiyası ilə qəşəng vəhdəti var.
sözləri üçün link

Son günlər davamlı dinlədiyim yeganə mahnıdır, deyəsən. Bu soyuqda evindən uzaqda, səngərdə döyüşən əsgərləri xatırladır insana bəzi misraları:
Away from home, away from home
Away from home, away from home
Lord, I'm five hundred miles away from home
Not a shirt on my back
Not a penny to my name
Lord, I can't go back home this ole way


Əslində isə, Mahnıda evindən uzaq düşmüş, cibində bir qəpik pulu-pənəsi olmayan, bunun məyusluğunu yaşayıb, evə getməyə utanan, eyni zamanda evi üçün darıxan bir dəmiryol işçisi təsvir olunur.
ilk dəfə inside llewyn davis filmində rastlaşmışdıq, o gündən bu günə sehirləyib məni özünə, filmin çox-çox üstündə parçadır, qəşəng də coverı var elə filmdə:
(youtube: )


Ümumiyyətlə, Həddən artıq çox coverlanan bir parçadır. Bir neçə favorimi paylaşım.Birincisi, gözümün nuru, ən həzini olan joan baez coverıdır:
(youtube: )


Bobby bare coverı daha şən, daha oynaqdır. Yeni il mahnılarını anımsadır insana bir növ, o ab-havaya salır insanı. Şirindir.-*
(youtube: )


The hooters adlı folk rock qrupu tərəfindən yeni misralar əlavə olunub, bir az fərqli atmosfer qazanmış belə bir versiyası da var:
(youtube: )


(youtube: )

Bu da nick cavein sanki aşa-aşa oxuduğu versiyasıdır, dinləyəndə içmə istəyi gəlir insana, içmə də yox e, içkinin küpünə girmə. Kədərlidir, amma olduqca qəşəngdir.

Bir də kalimba versiyasını buraxım bura, ən sevimli versiyasıdır, sözsüz ki. Sırf bunu çalmaq üçün kalimba çalmağı öyrənməyə dəyər elə.
(youtube: )


Unutmadan, mahnının çex, fransız, alman, hind, çin, vietnam, yapon versiyaları da vardır. Sırayla burdan dinləmək olar: https://www.youtube.com/playlist?list=PL_MokmEYT76NZZ-RhV85Hnk20IisP73TO
louis garrel "O nə xarizmadır, meow?" Sualını ünvanlamaq istədiyim, The dreamers, la belle personne, regular lovers kimi filmlərin baş rolu fransız aktyor.
1983 doğumludur, anası aktrisa, atası philippe garrel isə rejissordur. *
6 yaşından ekranlarda görünən louis the dreamerslə məşhurlaşıb, ardınca ma mere, dans paris, actrices və s. kimi filmlərdə rol alıb.
La belle personne filmini şəxsinə görə dəfələrlə izləmişəm. Eh-meh sayılacaq filmdir, əslində. baş rolunu paylaşdığı qızın* duru gözəlliyi var sadəcə. Filmdə junienin* yerli-yersiz ölü balıq kimi baxışları insanda hər an ekrana batinka/xizək atmaq istəyi oyatmasına baxmayaraq, film özünü dəfələrlə izlətdirir, çünki filmdə louis aşiq rolunu çox qəşəng oynayır axı, Dəhşət qəşəng oynayır. O həyəcanı, marağı olduğu kimi çatdırır izləyiciyə. Əlini saçlarına keçirib "i'm in a total love-sick mess, i feel so ridiculous". Deyəndə vse, elə bilirsən, onun yerinə sən aşiq olmusan.
Ən son da little womendə rol alıb. Qocalmışdı bir az, rolundan qaynaqlanaraq dəli-dolu da deyildi, qəribə idi.

Yeri gəlmişkən, lazımsız bir haşiyəyə çıxım. aktyoru hər görəndə hailluciferin 1-2 il əvvəlki avatarını xatırlayıram.* siqaret çəkdiyi ankı şəkli idi. Bunu da qeyd edim ki, siqaretin ən çox yaraşdığı aktyorlardan biridir, şəksiz, şübhəsiz. *
17 oktyabr 2020 ermənistanın gəncəni bombalaması "Ürəyimizin yarısını cəbhədə buraxmışdıq, yarısını da gəncədə buraxdıq" dedirtən hadisə. Hal-hazırda 15 ölən, 52 yaralanan var. Aralarında çoxlu sayda qan içində uşaq da var. Vəhşətdir. Uçquna, körpə uşaqların yaralı bədəninə baxanda içində olduğun pox çuxuruna lənət yağdırmadan edə bilmirsən. ilahi. Biz dözə bilmirik bu görüntülərə, ordakı analar-atalar, valideynini itirmiş uşaqlar necə dözəcək?
Nur içində yatın.
güneş yerinde Büyük ev ablukadanın günlərdir loopa aldığım, olduqca qəşəng sözlərə sahib mahnısı. fırtınayt albomunun 1-ci parçasıdır, sözləri o qədər axıcı, dərin, beyin uyuşdurandır ki, 9 dəqiqəlik mahnı gözünü açıb-bağlayan kimi bitir deyə mahnıya doya bilmirsən, sonra gəlsin loop.
Nəsə çox ləzzət eləyir səhərin gözü açılmamış, günəş təzə-təzə çıxmağa başlayanda bağda oturub bu mahnını dinləmək. Yol gedərkən dinləmək də pis deyil. Marketə gedəndə belə dinləyirəm bu aralar, günəşin harada olduğunu sorğulayıram filan. *
(youtube: )

Sözləri:
Güneş yerinde, her şey yolunda
Yanıyor eteklerim
Dönüyor yanı başımda

Güneş yerinde, her şey yolunda
Dönüyor, dönüyor, dönüyor

Denizin dövdüğü taşlara benzer
Yüzümün aldığı haller
Evire çevire kapatıyor tokatı suratıma
Aklımın içi, aklımın içindekiler

Çünkü dünya benden ibaret
Öyle olmayaydı şayet
Kafatasımın içinde ne diye dolanıyor
Bütün bu güzellik, bütün bu rezalet
Hepsi benim, hepsi bana ait

Güneş yerinde, her şey yolunda
Yanıyor eteklerim
Dönüyor yanı başımda

Güneş yerinde, her şey yolunda
Dönüyor, dönüyor, dönüyor

Nerde bir sandalın ipi
Çözülecek kim bilir
Korkmaktan kaçmıyorsan artık
Su bile yola dönüşebilir

Gerçekler, tepedeyse gök
Yalanlar, kafadaysa çöl
Gerçekler, dipteyse kum
Yalanlar, laftaysa sel

Bu havaların ardı bozuk
Ne gelecek bilebilseniz
Korkmaktan kormayalım artık
Ordular ilk hedefiniz kendiniz

Gerçekler tepedeyse gök
Yalanlar kafadaysa çöl
Gerçekler dipteyse kum
Yalanlar laftaysa sel

Güneş yerinde, her şey yolunda
Yanıyor eteklerim
Dönüyor yanı başımda

Güneş yerinde, her şey yolunda
Yumucam gözlerimi yumucam
Herkes korkar

Bu dünya soğuyacak
Yıldızların arasında bir yıldız
Hem de en ufacıklarından
Mavi kadifede bir yaldız heves yani
Yani bu koskocaman dünyamız

Bu dünya soğuyacak günün birinde
Hatta bir buz yığını veyahut öyle bir bulut gibi de değil
Boş bir ceviz gibi yuvarlanacak
Zifiri karanlıkta uçsuz bucaksız

Son 2 bənd nazım hikmetin yaşamaya dair şeirindəndir. Sanki bizə "güneş yerinde, her şey yolunda" deməklə hər şeyin bir başlanğıcı, "bu dünya soğuyacak günün birinde" deməklə də hər şeyin bir sonu olduğunu deməyə çalışır son misralar. Belə, çox əjdaha.

Deyir ki, Korkmaktan kaçmıyorsan artık, Su bile yola dönüşebilir.
gustav klimt Qızılı kimi itici rəngi gözümdə gözəlləşdirən, zərif erotizmi ilə gözoxşayan avstriyalı rəssam.
Tarixə vyana ayrılması olaraq düşmüş bir qrup sənətçinin 1897-ci ildə yeniliyə qapalı digər sənətçilərdən ayrılaraq yeni sənətçilər birliyi yaratmasının öncüllərindən biri olmuşdur.
ilk növbədə bunu qeyd edim ki, Ernest hemingway kimi gustav klimt də pişikləri çox sevirmiş.-*
pişiyi katze link dən başqa studiyasında 8-10 pişik saxladığını qeyd edib Arthur Roessler adlı bir tənqidçi.

Kiçicik bir haşiyəyə çıxsam, Hamı kimi mən də the kiss əsəri ilə tanımışdım şəxsini. 2013-cü il ya 2014-cü il olmalı idi, Məktəbin kitabxanasına təptəzə kitablar gətirmişdilər nə əcəbsə, ədəbiyyat müəllimimiz də tapşırmışdı ki, sinifdən xaric oxu olaraq johann wolfgang von goethenin faust əsərindən faustla mefistofelin tanışlığına qədər oxuyun, hazır kitabxanaya da yenicə gətiriblər. Mən də kitabxanadan goethenin seçilmiş əsərlərini götürərkən kitabın üz qabığında görmüşdüm bütün zərafəti ilə the kissi. Bütün günü məktəbdə də, evdə də Gözümü zilləmişdim üstünə, həm toxunması zövqlü idi, həm rəng keçidi, həm də, sözün əsl mənasında, o əllər, o zəriflik ruhuna işləyirdi insanın, bəlkə də, ilk dəfə gördüyüm üçün. Bilmərəm. Sözümün canı, o qədər xoşuma gəlmişdi ki, kitabın içindən çox, üzünə baxmışdım, nəticədə ev tapşırığım olan faustu nə yalan deyim, göt günündə oxuyub, lövhədə faustdan danışarkən "bivec" sözünü işlədib, müəllimimin uğunmasına, müəllimimdən sonra bütün sinfin uğunmasına səbəb olmuşdum. *

Ayrıca, the kiss tablosu haqqında özü və emilie flöge adlı çox yaxın bir dostunu sevgili olaraq təsvir edərək çəkdiyi kimi bir tezis də vardır. Klimtin saysız-hesabsız sevgilisi olduğu bilinən bir faktdır, amma emilie onun üçün həmişə xüsusi olubmuş. Emilie flöge ilə tanışlığı da, gustavın qardaşı ernst sayəsində olub. Emilienin bacısı gustavın qardaşı ilə evlənəndən sonra emilie gustavın sevimli modelinə, ilham pərisinə, ən əziz dostuna çevrilib. Hətta son sözlərindən biri "get emilie" olmuş, əmlakının yarısını emilieyə miras etmişdir.
Amma və lakin, The kissin kölgəsində qalmış bir çox rəsm əsərinin olduğunu düşünürəm indi. Beech grove i*, attersee, lady with fandeath and life favorilərimdir
death and life link
attersee link
lady with fan link

Digər sənət əsərlərinə burdan baxmaq olar:
https://www.klimtgallery.org/

Əsərlərindən də gördüyümüz kimi yaradıcılığının mərkəzində qadın, qadın bədəni olmuşdur. Kədərli qadın, xoşbəxt qadın, hamilə qadın və s.
1892-ci ildə atasını və qardaşını itirəndən sonra yaradıcılığında bir dönüş etmiş, hamıya aşina olan naturalizmdən, klassisizmdən qurtulmuş, əsərlərində arzunu, ehtirası, hissləri çılpaqlığı ilə hər zərrəsinə qədər canlandırmağa başlamışdır.
Yapon sənətindən, mifologiyadan təsirləndiyi rəsm əsərlərində qızıl yarpağından istifadə edərək həm dekorativliyi, həm erotikliyi ilə əl işlərini fərqləndirməyi bacarmışdır.
Əsərlərindəki çılpaqlıq, pornoqrafik ünsürlər səbəbilə daima qınanılmış, 1902-ci ildə çəkmiş olduğu goldfish əsəri ilə onu qınayanlara qəşəng cavab vermişdir-*
hahaha link


Sadəcə portretlər deyil, Natürmortlar, eskizlər, murallar* da çəkmişdir.
55 yaşında anidən vəfat etdiyi üçün the brideportrait of johanna staude rəsmlərini tamamlaya bilməmişdir. Tamamlanmamış halları belə möhtəşəmdir, əslində.
the bride link
portrait of johanna staude link

Haqqında 2006-cı ildə çəkilmiş, baş rolunda john Malkovichi gördüyümüz klimt adında bioqrafik film də vardır. Klimtin iç dünyasına enmək üçün izləmək olar.
Baxmayaraq ki, bir çox qadınla yatmış və onlardan uşaqları olduğu söz-söhbətləri yaşadığı müddətcə yaxasını buraxmamış, Gustav yenə də şəxsi həyatı haqqında danışmamağı üstün tutmuşdur. Ondan şəxsi həyatı soruşulduğu zaman:
"Whoever wants to know something about me – as an artist which alone is significant – they should look attentively at my pictures and there seek to recognize what I am and what I want. ” deyərək də bakın dalganıza demişdir, qısaca.

mənbə link
haziran gecesi 3 gündür günboyu mırıldandığım Yağmur mahnısı ilə beynimə həkk olunan serial.
(youtube: )

Uşaq vaxtı space tvdən verirdilər, 2008-ci ildə, səhv eləmirəmsə.
indi xatırlayanda "nə günlər idi e" deyib uğunulası xatirələrim var serialla bağlı.
Bayaq ərinməyib youtubedan açıb baxdım bir parçasına. yaman intriqalı, pozitivlikdən kənar gəldi serialın ambiyansı, uşaq vaxtı ağzıayrıq izləyərdim halbuki. indi görürəm ki, Serialdakı Gökhan kırdar mahnıları nə qədər gözəldirsə, Aktyorluq da bir o qədər yerlərdə sürünənfasondur. Amma nə olsun, əvvəlki kimi boş vaxtım olsa, sırf o nostalgiyanı ilikləriməcən hiss eləyim deyə açıb baxardım. *
Yeri gəlmişkən, yerine sevemem kimi damar parçanı da bu serial sayəsində tanımışıq çoxumuz. Açığı, üstüme basıp geçmenin sözlərini daha çox bəyənirəm, çünki yerinə sevildiyini dəfələrlə görmüşük də, görəcəyik də. qızıl xırdalayıb, haşiyəyə çıxmasam, çox dramatik, bir az da uyduruq sözləri olsa belə, təzə ayrılıq yaşamısınızsa, istəməyərək ayrılmısınızsa, göz dolduran, qəşəng mahnıdır. Sağ olsun, haziran gecesini!

Arada yaman xoşuma gəlir bu, iyudanın arvadı, dəlisov anastasia, klon kimi seriallara baxmış olmaq, indiki uşaqlar kimi əlçatan internet olmadığı üçün marvellə, netflixlə böyüməmək filan.
Əhhh. Nostalgiya süzülür damarlardan. *
1 2 3 4 5 6 7 8 9 10 11 12 13 14 15 16 17 18 19 20