repin mənasız bir şey olması

Gülməli və qıcıqlandırıcı iddiadır. Hərfi olaraq mənadan söhbət gedirsə zatən təməl olaraq söz üzərinə qurulduğu üçün ən mənalı musiqi janrıdır.
Ümumiyyətlə musiqidə ən marijinal janr hesab oluna bilər, çünki melodik tərəfindən çox quruluşu önəmlidir. Ona görə ənənəvi nanay nanayçıların beyni götürməyə bilir.
Nə qədər lazımlı olmasına gəlincə, yenə ən gərəkli janrlardan biridir. Çünki ən sərbəst olanıdır. Dingildəmək yerinə yellənməkdən zövq alan adamın rahatlığı tamam başqadır.
Həyatında bir dəfə içindəki idbarı yenib başını yellədə bilsən çox şeyi aşarsan.

(baxma: yavaş söylesem anlayacakmış gibi konuşuyo şuna baksana kek)
(baxma: @1" class="bbcodeout" title="diss to @1 - boş başlıq - bu barədə ilk sən yaz!" rel="nofollow">diss to @1)
(baxma: ye qaqa ye)

albina pyaksheva

Duyumu sıfırda olan musiqiçidir. Bu yaxınlarda rüzgarın " mal-mal dalınca" mahnısını coverlamış və bütün istedadsızlığını ortaya qoymuşdur. Mahnıda gah r&b, gah da üzeyir mehdizadə boğazları edərək və dəhşətli tonallıq səhvlərinə yol verərək musiqi zövqü və bilgisi kasad dinləyicilərinin qəlbini bir daha fəth etmişdir.
Qulağınıza hörmətiniz olsun bir az. Hər poxu dinləyib tərifləməyin.

#sözaltı şeir

#275156 entridəki şeirə sözardı.

(youtube: )

ui/ux design

ui designer, sadə dillə desək, texniki dizaynerdir. yəni dizayn proqramlarında sürətli və rahat işləyə bilən adamdır. ux designer isə işin daha çox marketing tərəfindədir. məsələn, buttonun rəngini və ya yazının fontunu təyin edən adam ux designerdir.
ux design üçün kiçik bir nümunə bu entry ola bilər: #287742

digital marketing materialları, alətləri və xəbərləri

instagram dizaynda dəyişikliyə getdi.
əvvəllər wallarda üçlü və təkli post strukturu ayrı-ayrı seçim idisə, indi təkli struktur üçlüyə daxildir. yəni bir paylaşıma daxil olduqda ekranı aşağı sürüşdürərək əvvəlkiləri də görə bilərsiz. bu, artıq instagramda başlıqları da önə çıxarmış olur. yəni artıq paylaşım edəndə nə yazacağınız da önəmlidir. üstəlik, keçmiş paylaşımlarınıza da verdiyiniz başlıqların keyfiyyəti şans qazandıra biləcək.

bundan başqa izləmə və mesaj düymələrinin də dizaynı dəyişdirildi. məncə əvvəlki daha yaxşı görünsə də, əvvəllər izləmənin yanında olan balaca submenyu işarəsinin artıq izləmə buttonunun özündə olması istifadəni rahatlışdırdı. həmçinin öz növbəsində unfollow və yaxın izləməyə də əlavə üstünlük verdi.
bir sözlə, instagram artıq daha diqqətli olmağımızı, hər an unfollow edilə və ya yaxın izlənilə biləcəyimizi deyir.

digital marketing materialları, alətləri və xəbərləri

bir az da sosial media sahəsinə göz gəzdirək.
instagramda sizə dm olaraq "son şəklimə şərh yazarsan? səhifəm şikayət olunub" yazan gic-gic dırnağarası yumoristik və romantik hesablar, civilər və gündəmi izləyib, ayaqlaşmağa çalışan məzəli qaqaşlar əslində yalan demirlər. bəli, onlar qismən də olsa haqlıdırlar.
instagramda etibarlı hesab olma alqoritmində referansların da önəmi böyükdür. google-dakı dofollow məntiqi işləyir demək olar. hər hansı etibarlı hesabın sizin şəklinizə şərh yazması və ya story-sində paylaşması instagram üçün sizin etibarınızı artırır. bu referanslarla spam hashtag, follow banından da daha tez çıxmış olursuz.

hashtag demişkən, əgər siz şəklillərinizin başlığını ağlınıza gələn bütün hashtaglarla doldurursuzsa, spam hesab olunmağınız yaxındır. ən optimal say 5 hashtag hesab olunur. o da hər dəfə eyni hashtaglar olmamaqla. ki, instagram sizi maraqsız hesab eləməsin. hashtaga baxanların sizin postun üstündən hansı sürətlə keçməsi belə sizin hesabın etibarına təsir göstərir.

follow da demişkən, onu da deyim ki, instagram limitləri daxilində follow avtomatlaşdıran proqramlardan istifadə etmək olar. amma gündəlik 700 izləməni keçməməyə diqqət edin. və həftədə 1-2 gün bu prosesə fasilə verin. çünki, limit daxilində olsa belə, 24/7 follow göndərməyiniz məntiqli deyil.
həmin proqramlar arasında ən etibarlı hansıdır, onu deməyəcəm. hər şeyi mən deyə bilmərəm ki. araşdırın, test edin, tapın. əlavə də xeyli şey öyrənmiş olarsız. iyi çocuk olursanız şirinleri bile görebilirsiniz.

həyatın nə qədər gözəl olduğunun anlaşıldığı anlar

Məhlədə meyvə-tərəvəz satan, orta yaşlı bir şəkili var. Xeyli dostlaşmışıq. Hətta o qədər ki, müştəri çox olanda mən əvvəl gəlsəm də ərk edib məni gözlədir. Arada da mənə baxıb "sən özümküsən" deyirmiş kimi gülümsəyir. Mən də, eyni qarşılığı verirəm ki, rahat olsun.
Keçən dəfə pulum qurtarmışdı, düşdüm banka ki, çəkim, gördüm atm işləmir. Qayıtdım məhləyə, elə onun dükanının önündə ağlıma gəldi ki, əlborcu götürüm də. Qapıda dayanmışdı. Məsələni izah etdim, dedim ki, bəs mənə on manat verə bilərsənmi? Sabah qaytaracam. Durumu izah etdiyimə görə narahat olmayım deyə mənim izahımdan da uzun dil tökdü ki, bəs "narahat olma, ata. Nə vaxt nə lazım olsa". Girdi içəri gətirməyə, qayıdanda müştəri gəlmişdi. Guya salam verirmiş, əl uzatdı mənə, pulu qoydu ovcuma. Sonra da hal əhval tutdu.
Bu qədər detallı düşünməyi, narahatlığımçün yer qoymamağı xeyli təsirli oldu mənə. Neçə illik dostlarımızın belə kiçik bir yaxşılığını gözə soxduğu vaxtda həyatı gözəlləşdirdi

digital marketing materialları, alətləri və xəbərləri

Google artıq axtarış nəticələri çıxarmaqçün pdf faylları da oxuyur.
Bu, yeni xəbər sayılmaz, amma hələ də çox az istifadə olunur. Amma Keyword backlink almaqçün ideal vasitədir. Üstəlik rahatlıqla dofollow da verə bilərsiz.
Aşağıda pdf upload etmək üçün rankı yüksək bir neçə sayt tövsiyə edəcəm. Qeyd edim ki, hər nə qədər pdfə yerləşdirəcəyiniz mətni Google üçün yazmış olsaz da, mətnin həqiqi məğzinin olmasına çalışın və ciddiyə alın. 500 sözü keçməməyə və açar sözləri ilk 300 sözdə yerləşdirməyə çalışın. Bir pdf-də 4-5dən çox backlink verməməyə çalışın. Onların da ikisi sizin sayta (ayrı səhifələr olmaqla), qalanı yüksək rankda başqa saytların səhifələrinə olsun. Məsələn, çox beyin yormadan Wikipediaya backlink verə bilərsiz.

issuu.com
scribd.com
calameo.com
docstock.com
mediafire.com
yudu.com

Bu arada, bəzi saytlarda upload üçün qeydiyyatdan keçərək profil backlink də verə bilərsiz.

digital marketing materialları, alətləri və xəbərləri

2019-da əvvəllər seo-nun 30 faizə qədərini təşkil edən backlinklərin artıq əvvəlki gücdə olmadığını, hətta saytı riskə ata bildiyini öyrəndik. Bununla Google, backlink bazarını da bağlamış oldu ki, çox da yaxşı oldu. Dünyada Sırf backlinklə işləyib, müştəriyə müvəqqəti və etibarsız sıra verən seo şirkətlərinin, kosmik qiymətlərə məqalə satıb, yalan dofollow verməkdən rankı yüksək olsa da Google üçün heç bir etibarı qalmayan xəbər saytlarının bazarı bağlanmış olur. Amma təbii ki bu yenilik hamı tərəfindən bilinənə qədər bir müddət də backlink çörəyi yeyəcəklər.
Həmçinin, seo daha az xərc tələb edən, daha çox beyin əməyi istəyən bir şeyə çevrilir. Yəni yaxın gələcəkdə şirkətlər agentliklərə üz tutmaq yerinə komandalarına mütəxəssis götürməli olacaqlar. Ki, mən də hazırda çox bomba bir şirkətin seo və analiz eksperti olaraq işləməkdəyəm.

Bundan başqa artıq Google-un "heading"ləri də çox önəmsəmədiyi, strongun həmin funksionallıqda olmağı gerçəyi də sevindirici haldır. Yəni daxili seoda kontentə daha çox yük düşməyə başlayır. Kim daha zəkidirsə, kim keywordlər üzrə daha yaxşı analiz aparıb, mətndə daha düzgün yerləşdirirsə o da yaxşı mövqelərə gələcək.

digital marketing materialları, alətləri və xəbərləri

Hər dəfə sözlüyə qayıtmağı düşünüb, tutarlı bir səbəb tapmamağımın nəhayətlənməsinə səbəb olan seriya yazılarla informasiya ötürmək və sözlükdə eyni sahədən yazarlarla public şəkildə bilgi alış-verişi etmək istəyimin təcəssümü olan başlıqdır.

Qeyd edim ki, kodçular və front-endçilər üçün də alternativ dalğa mövcuddur sözlükdə.
(baxma: back-end developer materialları, alətləri və xəbərləri)
(bax: front end developer xəbərləri materialları və alətləri)

Başlıqda sizi tərəfimdən hansı material və alətlər haqqında entrylər gözlədiyi barədə vəd verməyi həvəslə istəyirəm. Amma tənbəl xislətim davamiyyətimə əmin olmağa imkan vermir.
Qısa anons olaraq deyə bilərəm ki, hələ də Azərbaycanda göt-baş anlaşılan SEO və analiz (xüsusən Google tag Manager) barədə də aydınladıcı nələrsə deyə bilərəm.

Başlığa social media marketerlər, user experience dizaynerlər kimi subcategory mənsubları da qoşulub, zənginləşdirə bilərlər. Amma xahiş edirəm, yerlərini bilsinlər. Biz o yolları çoxdan keçmişik!
Öpürəm.

yalnızlıq

təklik deyildir. çoxunuz qarışdırırsız, yoldaşlar.
bir dəfə 6 ay evdən çıxmamış, bir kəlmə belə danışmamış, internet istifadə etməmiş biri kimi deyirəm bunu. yalnızlıq daha köklü, hətta instinktiv olan məfhumdur. sadəcə bəzilərimiz sosial illüziyalara çox qapılırıq bəzilərimiz yox.
yüksəklik qorxusu olanlar bilər bunu: evdə tavandan asılan lampanı dəyişmək üçün bir nəsnənin üstünə çıxırsan. həmin vaxt yanında kimsə varsa; bu adam sənə zərər verə biləcək son adam belə olsa, ən yaxının belə olsa daha çox qorxursan. nəinki tək olanda... bildiyiniz kimi beynimiz hərəkətlərimizə və reflekslərimizə şablonlar əsasında qərar verir. bu şablonlarda isə həmişə yalnızsız. bunu sizə nə vaxtsa valideynləriniz də edib, sevdiyiniz, sevgiliniz olan insan da. gələcəkdə övladlarınız da edəcək.

təklik dediyimiz şey sosial anlayışdır, yalnızlıq instinktiv. təklik yalnızlığın növ daxilindəki təzahürüdür. növlər arasında zatən ən yalnızı insandır. çünki qalan digərlərini dərk edir, öyrənib araşdıra bilir.
təklik (bundan sonra sosial yalnızlıq) sıxıcıdır, çünki yalnızlığı andırır. sosial yalnızlıq uzun müddət davam etdikdə isə öz kökü ilə əlaqəsini adekvatlaşdırır. getdikcə əslində bütün dünyada tək olduğunu dərk etməyə başlayırsan. heç kim səni tam ifadə etmək istədiyin kimi başa düşməyəcək. sən başqalarının bilmədiyi dildə danışırsan. sən ancaq şablonları kopyalamaqla sosial əlaqələrini qoruya bilərsən. yoxsa səni anlamayacaq, kənarlaşdıracaqlar.
sən çox yaxşı kopyaçı ola bilərsən, hamının səni anladığı, hamıyla dil tapdığın, çevrəsi tərəfindən sevilən, sağlam əlaqələri olan bir adam olduğun təəssüratına qapıla bilərsən. bu istiqamətdə uğurlu olan adamlar hamısı yaxşı kopyaçıdırlar. amma içindən həmişə səni yeyəcək yalnızlığın. özün də problemini başa düşə bilməyəcəksən.

bütün gözəl qadınlar, bütün yaxşı dostlar, bütün dahi yazıçı və rejissorlar... heç biri səninki deyil. heç biri sənin kimi deyil. "elə bil mənim üçün yazılıb" dediyin mahnı da sadəcə başqa növ şablondur.

tez-tez üstünə yalnızlığın ağırlığı çökür. yalvarmaq hissiyatı yaşayırsan. "kimsə" gəlsin istəyirsən. amma heç vaxt gəlməyəcək, dost. qucaqlayanda yalnızlığının yox olduğunu hiss etdiyin sevgilinlə də tezliklə qucaqlaşanda içinizdəki yalnızlıq eyniyüklü qütblər kimi bir-birini itələyəcək.
şablonlarımıza yaxın bir mahnıda da deyildiyi kimi:
ömür boyu bağlansakta, sevinsekte, üzülsekte...

#sözaltı şeir

timidusa. sadəcə timidusa

"növbəti stansiya qara qarayev"
gecəni yatmamışam
beynimdə nə vaxtsa yazmadığım şeirdən iki misra:
"işə tələsir bakı,
gedir şəhər olmağa"

"növbəti stansiya koroğlu"
gecə tim deyirdi ki, haqlısan.
mən də ona eynisini deyirdim.
eyni fikirləri daşıyan adamların yanaşı yerimələri mənasızdı
götür, sən daşı, mən başqa tərəfə getmək istəyirəm.

"növbəti stansiya ulduz"
üzbəüzdə marla singer oturub
yenə mənimlə eyni conversationa gedir

"növbəti stansiya nəriman nərimanov"
qulaqlıqda beach house - " master of none" oxunur:
"we always wrung our heads too much
we know the reasons, but such and such
on your own
you will not catch your unknown."
bu yerdə mən heç nə demirəm.
götür, sən daşı,
mən başqa tərəfə getmək istəyirəm.

"növbəti stansiya gənclik"
messengerdə hansısa sarışın qız mahnı istəyir
mənim gözüm marla singerdədir.
tim burda olsa göstərərdim necə oxşadığını.

"növbəti stansiya 28 may"
gecəni yatmamışam.
beynimdə nə vaxtsa yazmadığım şeirdən iki misra:
"işə gecikir bakı,
gedir üzr istəməyə".
deyəsən yenə eyni tərəfə gedirəm.