at

Ağızlarına salınan dəmir hissə müxtəlif cür adlanır:
(baxma: ağızlıq)
(baxma: kəm) (omonimdir, bəzən "gəm" də deyilir)
(baxma: cövzə)
(baxma: dəhnə)

bekarsan sualına veriləcək alternativ cavablar

Əgər bu sual yazılı şəkildə verilirsə, "musiqi termini deyiləm"lə cavab vermək olar.
Bekar [bek'ar] – (fr. bécarre) bərpa etmə işarəsi olub, əsas pillənin yüksəlməsindən (diyez) və ya əksildilməsindən (bemol) sonra onu əvvəlki vəziyyətinə qaytarır.
əfrasiyab Bədəlbəylinin izahlı monoqrafik musiqi lüğəti

19 dekabr 2023 şagirdlərə məktəbə telefon gətirmə qadağasının qoyulması

Artıq 3-cü dəfədir yazıram entryni, bir cür silinir amma yazacam. ilk öncə:
Məktəbəqədər və Ümumi Təhsil üzrə Dövlət Agentliyindən “Qafqazinfo”ya verilən məlumata görə, yayılan xəbərlər həqiqəti əks etdirmir:

“Məlumat üçün bildiririk ki, ötən tədris ilinin ikinci yarımilindən başlayaraq ölkəmizin 300 məktəbində “Ümumi təhsil müəssisələrində şagird davranış qaydaları” tətbiq edilib. Həmin qaydalara əsasən, şagird ağıllı saat və telefonları, həmçinin digər elektron cihazları məktəbə gətirməməli və dərs zamanı istifadə etməməlidir. Şagird, əgər məktəbə gəlib-getməsi üçün təhlükəsizliyinin təmin olunması məqsədilə telefon gətirirsə, həmin telefon şagirddən alınaraq təhlükəsiz yerdə saxlanılır və dərs məşğələləri bitdikdən sonra ona geri qaytarılır.
Bir daha yekun olaraq bildiririk ki, bu qayda yalnız pilot olaraq seçilmiş 300 məktəbdə tətbiq edilir”

indi də öz fikrimi bildirim. 100% doğru olmayan qərardır:
1) Yuxarı sinif şagirdləri (9-11) olaraq dərslərimizin çoxunu telefon vasitəsilə edirik. Pdf-lər, şəkillər filan. Hələ təzə test topluları çıxıb, çoxu almayıb. Mənim planşetimdə dərsliklər, dərs vəsaitləri, test topluları, sınaqlar vəs 2 gb-dan çox yer tutur. * onları siləcəyim günü iplə çəkirəm . Nəysə yəni dərs edəndə lazım olur. Düzdür, dərs vaxtı qanuni olaraq həmin dərsdən başqa nə iləsə məşğul olmaq olmaz. Dərs etsək belə -* sadəcə müəllimlər bizi başa düşür və icazə verir. Elə şagird var 3-cü qrupa hazırlaşır, onun nəyinə lazım kimya? (Sözsüz, elm öyrənmək yaxşı bir şeydir, lakin həmin dönəmdə yox, fikrimcə). Bəzi müəllimlər də var, icazə vermir, o heç
2) aşağı sinif şagirdləri üçündür. 1-9-cu siniflərin telefondan məktəb saatlarında istifadəsinə yaxşı baxmıram. Çox vaxt sinifdə ya boş-boş saata baxmaq üçün * Yadıma gəlir, mənim sinif rəhbərim o saata baxmaq üstə 9-cu sinfə qədər qol saatı taxmağımıza icazə vermirdi : , ya tənəffüslərdə (bəzən dərs vaxtı) oyun oynayırlar. Uşaqların telefon asılısı olmasını heç istəmərəm. Artıq fikir verirəm siniflərdə tənəffüs vaxtı uşaqlar bir-biri ilə söhbət etmir, hərənin əlində öz əllərindən də böyük telefon var, ona baxırlar. Yuxarı siniflərdə bu o qədər də geniş hal almasa da, aşağı siniflərdə var
Əlbəttə, həmişə oyun oynamaq üçün istifadə etmirlər, bəzən dərs üçün də istifadə edirlər.
Edit: yuxarı sinif şagirdlərinin məktəbə telefon, planşet gətirməsini müdafiə etmirəm, onsuz bu qərar çoxu onlara görə alınır, tik-tokda qıjı-qıjı şeylər şəkib paylaşırlar (aşağı siniflərin də aşın duzunda payı var), qərara bu tərəfdən yanaşanda haqlıdırlar.
sifarişi verən: Derek

xumar qədimova

Gerçək həyatda da belə nazlı-qəmzəlidirmi bilmirəm, amma ona yaraşır. Süni çıxmır. Bir çox mahnılarının bəstəsi ona aiddir. 2017-ci ildə (bax: əməkdar artist)

(youtube: )

saç

əgər saçlarınız çox incədirsə (el arasında "pişik tükü" kimidirsə) , qat-qat kəsdirin (baxma: layered hair), həcmli görünəcək, görünməyindən də əlavə həcmli olur.
(bax: qızlardan qızlara tövsiyələr)

təkcə mənimmi başıma gəlir deyə düşünülən şeylər

Bəzən olur ki, özünü pis hiss edirsən, artıq o qədər dolursan ki, dərdini kimləsə bölüşmək istəyirsən, açırsan kontaktı:
"Yox, bu olmaz, bunun filan problemi var, öz dərdi elə özünə yetər"
"Bu da olmaz, keçən dəfə danışanda məni dinləməkdən çox yarğıladı, hələ mənə deyir ki, nə vaxt istəsən, yaz"
"Bu boş-boş məsləhətlər verəcək ancaq, sosial mediadan öyrəndiyi sözləri tutuquşu kimi təkrarlayacaq"
Bla bla bla
Ya da ki;
Yazırsan kiməsə ya həmin vaxt o adam yatır, ya işi olur, ya ümumiyyətlə mesaj çatmır.
Bəzən deyirəm Allah (bəli, allah, siz inanmaya bilərsiniz) bunları mən heç kəsə möhtac olmayım deyə ya da dərdimi, sirrimi heç kəslə bölüşməyim deyə xüsusi olaraq edir
Edit: kursivlə yazılmış hissə artırıldı

yazarların çəkdikləri gül şəkilləri

Keçən il məktəbimizə gələn praktikantın qızlara verdiyi qızılgül -*

Günəbaxan. Bunu da bir dəfə wp-da profil şəkli etmişdim, hamı webdən götürdüyümü zənn etmişdi

sözaltı günlük

Bəlkə də sən burada çox söz oxuyardın, çox şey hiss edərdin, bəlkə tanış hissləri, bəlkə də gözündə kiçik olan dərdləri görərdin, yarğılayacağın fikirlər, qəbul etməyəcəyin fikirlər də ola bilərdi, məni dəstəkləyəcəyin, bəlkə də mənə acıyıb mesaj qutuma yazıb mənə motivasiya verəcəyin, "mən də keçmişəm bu yollardan" deyib ürək-dirək verəcəyin fikirlər də var idi, bəlkə, də təqdir edəcəyin sözlər oxuyardın, bəlkə, özünü tapardın məndə, mən silməsəydim....


Edit: bu gün bütün mənfi şeylər üst-üstə gəldi, entryni yazandan sonra da barmağımı kəsdim, bitmir, tükənmir aaa