one jillion dollars

Futuramanın birinci sezonunun altıncı bölümündə baş qəhrəman Fry'ın auksionda bir konserv Ançous üçün söylədiyi məbləğ.

həmin kadr: https://www.youtube.com/watch?v=P64ikwUSs0A

(baxma: zillion)

adnan oktarçılar

adnanilər kimi də adlanan bu cəmiyyət bir növ nur camaatının müasir versiyasıdır. metro yaxınlığında evləri, ofisləri və bu evlərdə təbliğ üçün yerləşmiş müvafiq üzvləri olan camaatın əsas məqsədi insanları adnan oktarın mehdi olduğuna inandırmaqdır. çünki imam mehdinin gəldiyinə inanan insan bu yolda hər şeyi edə bilər. bunun üçün xüsusi təbliğ strategiyası mənimsəyən bu insanlar harun yahya kitabları, disklər, məqalələr, bloglar və s. materiallar vasitəsilə öz ideyalarını təbliğ etməkdə (buna "cihad" deyirlər) olduqları şəxsləri yavaş-yavaş ələ alaraq uyğun məqamı gözləyib (onların hazır olduqlarını hiss etdikləri məqamda) adnan oktarın imam mehdi olduğunu dolayı yol ilə hiss etdirməklə geniş kütləyə çatmağı hədəfləyirlər. kitablar bir neçə əsas xətt üzrə ayrılır: masonluq və sionizmlə bağlı olan siyasi kitablar, iman və əxlaq mövzusunda olan ağ üzlü kitablar və guya elmi mövzularda olan kitablar. kitablar təbliğ ediləcək şəxsin hazırlıq durumundan asılı olaraq həkim diaqnozu kimi fərdi müəyyən edilib tövsiyyə edilir. məsələn, elmlə maraqlanan "qurban"a elmi kitablar tövsiyyə edildiyi halda, hələ din barədə və dolayı yolla mehdilik barədə anlayışı olmayan adama, əvvəlcə, ağ üzlü kitablar oxudulur. aylıq hər üzv öz imkanı çərçivəsində donation etməklə özlərini maliyələşdirirlər. daimi ayələr, məqalələr oxutmaqla üzvlərin şübhəyə düşməsini əngəlləyir və daim "iman təzələnməsi" taktikası ilə üzvlərin bağlılığını qorumağa çalışırlar. sorğulayan üzvlər isə bir müddət sonra müəyyən bəhanələrlə kənarlaşdırılır. ümumiyyətlə, camaat ierarxiya ilə idarə olunur. ən əsas strateji əmirlər adnan oktarın türkiyədəki ən yaxın adamları tərəfindən azərbaycandakı icmanın başçısına çatdırılır. bundan sonra direktivlər yavaş-yavaş aşağılara çatır. türkiyədən azərbaycana nəzarət edən bir neçə açar adam var. onları bizim yerli üzvlər "abi"/"abla" adlandırır. strateji məlumatlar, gələcək planlar və s. aralarında ən köhnə üzvlərin olduğu birinci sinif qaymaq adnançılar arasında bilinir. onlar ayrı evlərdə, ofislərdə yaşayırlar, hansı ki, digər aşağı pillədə olanlar bu evlərin yerini, adresini dəqiq bilmir. aşağı pillədə olan üzvlər isə əsas işçi qüvvəsidir. onlar əmirləri yerinə yetirir, maddi-fiziki dəstək göstərirlər. yeni insanların camaata qəbulu tədricən baş verir. belə ki, hər yeni üzv bir müddət sınandıqdan sonra içəri qəbul olunur. lakin uzun müddət xidmət edənə qədər bütün üzvləri tanımır. və ilk başlarda kim tərəfindən camaata tövsiyyə olunubsa, onunla subordinativ formada münasibətdə olur. bu mənada onun məsuliyyəti onu qrupa gətirən üzvdədir.

serge gainsbourg

fransız şair, bəstəkar, müğənni, aktyor, pianist, rəssam, ssenarist və kinorejissor. adı skandallarda tez-tez hallanan Serj Fransada yüksək vergi dərəcəsinə etiraz olaraq ekranlar qarşısında 500 franklıq əskinası yandırmışdır. Video üçün link: https://www.youtube.com/watch?v=TCFm8r6_1bs

Bundan başqa Serjlə 12 illik bir münasibət yaşamış məşhur model və aktrisa olan Jane Birkin sonralar münasibətlərinin necə başladığını belə xatırlayır: "O, məni əvvəlcə gecə klubuna, sonra Transvesti klubuna apardı. Ondan sonra isə Hilton otelinə getdik. Orada o sərxoş olub özündən getdi."

musiqini dinləyəndə adam sevişmək istəyir : https://www.youtube.com/watch?v=k3Fa4lOQfbA

P.S. musiqinin originalı Brigitte Bardot üçün yazılıb. Paylaşdığım versiya isə ən məşhur olanıdır, hansı ki Serj Birkinlə duet oxuyub.

adnan oktar

aralarında azərbaycan təhsil nazirliyində təhsil eksperti (bu, dəqiqdir), müəyyən vəzifələrdə yer tutduğunu düşündüyüm ardıcılları olan bir cəmiyyətə öncülük edən harun yahya təxəllüslü (ilk başlar "adem yakup" adından da istifadə edib) şəxs. bəzi telekanalların rəhbərləri və media quruluşlarıyla yaxşı münasibətləri vardır. buna görə hərdən ekranda da görünürlər. gənclərin mənəvi inkişafı ictimai birliyi və təbiət elmlərinə dəstək və ekoloji maarifləndirmə kimi qhtlər vasitəsilə ölkəmiqyaslı propaqandalar aparırlar. istər müstəqil konfranslar, istərsə də məktəb və universitetlərdə seminarlar təşkil etməklə təsir dairələrini genişləndirməkdədirlər. bundan başqa yaradilis az, yaradılış işarələri kimi youtube hesabları, eləcə də facebook səhifələri vasitəsilə öz ideyalarını "elm", "mənəviyyat" mövzuları adı altında təbliğ etməkdədirlər. inananlarının əsas xüsusiyyətləri adnan oktarı gözlənilən qurtarıcı imam mehdi kimi görmələri, onun kimi geyinib onun kimi saç-saqqal saxlamaları və dediklərini çalışdıqca hərfi-hərfinə tətbiq etməyə çalışmaları. onlar buna cihad deyirlər. həvəs olsa, bu camaat üçün ayrıca başlıq açacağam. çünki boşluqdan istifadə edib yavaş-yavaş dövlətin müvafiq nöqtələrinə sızmaq - bunların əsas məqsədidir və bu, məni ciddi-ciddi narahat edir.

(bax: adnan oktarçılar)

islamdan öncə qız uşaqlarının diri-diri basdırılması

#265229 saylı entrydə "məhəmmədin qadınlara verdiyi ən böyük hüquq fərd olaraq mövcud olmaq hüququ idi" kimi absurd bir iddianı görüb şok oldum. hüquq terminologiyasında "fərd olaraq mövcud olma hüququ" deyə bir şey qarşıma çıxmadığından bu məsələnin hüquqi tərəfini bir kənara atıb, quran terminologiyasından danışası olsam, vallahi, billahi, tallahi quranda belə bir hökm yoxdur. quranda qadınların şahidlik, din, miras, nigah, boşanma-boşama və s.də olan bəzi "imtiyazları" ilə əlaqəli hökmlərin olmasını "fərd olaraq mövcud olmaq hüququ" kimi tanımaq xətalıdır. çünki hər bir halda qadınların hüquqları kişilərinkinin başlandığı yerdə bitirdi. quranın 4:34-cü ayəsində də göstərildiyi kimi "allahın onlardan birini digərindən üstün etdiyinə və öz mallarından xərclədiklərinə görə kişilər qadınlar üzərində ixtiyar sahibidirlər. əməlisaleh qadınlar allaha itaət edər və qorunması lazım gələn şeyləri allahın himayəsi sayəsində qoruyub saxlayarlar. özbaşınalıq etmələrindən qorxduğunuz qadınlara nəsihət edin, yataqda onları tərk edin və onları döyün!.." diqqət etsəniz, özbaşınalıq edən deyil, hətta, sadəcə güman edilən, qorxulan halda belə cəza tədbirləri görməyə imkan verən bir ayədir. bundan başqa, müsəlman kişilərin fərd olaraq mövcudluğu (!) qadınlarınkindən bir dərəcə daha artıqdır (baxma: 2:228) muhəmmədin özünün isə müstəsna səlahiyyətləri var idi, hansılar ki unikal olaraq ancaq muhəmmədə aid idi. (baxma: 33:50)

bu başlıq altında mövzu ilə əlaqəli olmayan əlavə şərhlər yazmaq istəmədiyimdən burada bitirirəm..

sözaltı etiraf

deməli, məktəb vaxtlarımıydı. 7-8-ci sinifdəydim. o vaxtlar da bu xatirə dəftəri olayı var idi. bir qız sinif yoldaşım da xatirə dəftərində səydərəş kimi hamıya bölmə ayırmışdı və təbii ki mənim də doldurmamı xahiş elədi. mən də soruşdum ki bəs nə şeir yazım şeir bölməsinə. o da fərqi olmadığını dedi. elə bunu eşitcək götürdüm koroğlu dastanını "canım, həmzə, gözüm həmzə, həmzə, incitmə qıratı" aşıq şeirini basdım dəftərə. bir müddət qız mənə salam vermədi. o baş başqa baş idi, qardaş.
şeirin tam versiyasını atıram, feyziyab olun.

canım həmzə, gözüm həmzə,
həmzə, incitmə qıratı!
budu sənə sözüm, həmzə.
həmzə, incitmə qıratı!

qıratdı mənim dirəyim,
əriyər, qalmaz ürəyim.
sən olasan duz-çörəyim,
həmzə, incitmə qıratı!

eşidər paşalar, bəylər,
şadlıq xəbərin söylər.
koroğlu iltimas eylər
bala, incitmə qıratı!

p.s. qısaca deyim ki, keçəl həmzə koroğluya kələk gəlib qıratı gözləri qabağında oğurlayan adamdır.

suvenir maqnitlər

turist kimi getdiyiniz ölkələrdən tanışlar, uzaq qohumlar, nəbilim ən azından sizdən nəsə umacaqlar üçün 1-2 avroya aldığınız yolaverdi hədiyyələr.
Futuramanın birinci sezon ikinci bölümündə aya iş üçün səyahət etmiş qəhrəmanlardan Leela və Bender arasında ay suvenirləri haqqında belə bir dialoq keçir:

L: Who buys this trash?
B: Idiots who need gifts for other idiots.
Məclisin bu yerində baş qəhrəmanımız Fry əlində maqnitlərlə gəlir ki: Hey, I got you guys refrigerator magnets. (bax: belə çox gülməli)

həmin bölümə baxmaq istəyənlər üçün link: http://www.dailymotion.com/video/x58qqll

şortik geyinən oğlana cəmiyyətin tənqidi

deyir, "avropadan söz azadlığını, elmi niyə örnək götürmürsünüz, başqa şeyləri (şortiki nəzərdə tutur) örnək götürürsünüz." sanki, universitetdə qiyməti pulla yazdırıb ilboyu "qız tutmaqla" məşğul olan, siyasətdən danışanda da "dərinə getmə, apararlar" deyən, bu məxluqat deyil. sanki bütün günü kvant fizikasıyla məşğul olub nasa-nın son uğurları ilə maraqlanır, həm də eyni zamanda ölkəsindəki problemlərin həlli üçün baş sındırır. vallah belələrinin avropadan götürə biləcəyi yeganə şey soyuducuya yapışdırılan suvenir maqnitlərdir.

islamdan öncə qız uşaqlarının diri-diri basdırılması

burada uzun bir yazı da ola bilərdi, amma hər halda qısa faktlar və suallar, hazır cavablardan daha faydalıdır. belə ki, ərəblərin quranda da adı keçən üç böyük tanrısı, lat, üzza və mənat, hər üçü qadın tanrılar idilər. muhəmmədin özü isə illərlə böyük tacir olan xədicənin qulu olub. yəni hələ islamdan əvvəl bir qadın, nəinki böyük biznes qura bilirmiş, hətta kişiləri də qulluğa götürə bilirmiş. qız uşaqlarının diri-diri basdırılması isə o civarda məskunlaşmış iki kiçik tayfanın (bəni-əsəd, bəni-təmim) bəzi kişiləri tərəfindən yerinə yetirilmişdir. dəqiq səbəblərini deyə bilməyəcəyəm, amma hər halda bu ifadə bütün bədəvi ərəblərə şamil oluna bilməz.

əlavə məlumat üçün turan dursunun din bu kitabına baxa bilərsiniz.

3 avqust 2017 culfada 4 yaşlı qızın zorlanması

ölkənin poxu çıxıb dedirdəcək tipdən hadisədir.
belə cinayətləri törədənlərin cəzasını çox zaman içəridə illegal formada verirlər, düzdür, itkilərin əvəzi ödənilməz, sarsılan psixologiyaların da, amma hər halda cəzasız qalmırlar. belə ki, bu hadisəyə oxşar bir şeyə də bir tanışımız şahidlik edib. daha doğrusu, o cəzalandırma səhnəsinə. burada o tanışın həbsdən çıxdıqdan sonra bizimlə bölüşdüyü o hadisənin xatirimdə qalan hissələrini paylaşıram:

"4 yaşlı qız uşağını zorladıqdan sonra tikələrə bölüb gizlətmiş 45 yaşlı "kişini" ağ örtüyə bürüdükdən sonra kağızdan gül düzəldib əlinə verdik. vedrələrlə nağara çaldırıb toyunu elədik. ondan sonra digər baraklardan xüsusi olaraq belə işləri gördürdüyümüz bığıburma, boynuyoğun kişilər gəldilər. biz onlara "peçeneqlər" (düzgün formada yazıb yazmadığımdan əmin deyiləm) deyirik. bu adamlar həmin 45 yaşlı oğraşı hamama salıb əl qolunu tutub ağlada-ağlada o ki var zorladılar. ondan sonra həmin oğraş oldu zonun götü. ən aşağıda oturar, təmizlik işlərinə baxar, kim nə istəsə, onu da edərdi, hər cür qulluq göstərərdi. götü də nəydi göstərməsin."

evləniləsi qız tapmamaq

"özünü tanımayan" adamlar var ki, evlənmək üçün həm gözəl, həm itaətkar və həm də ev işlərində bacarıqlı qız axtarırlar. bundan əlavə, gələcəkdəki bu qul valideynlər üçün xidmətçi olmalı, öz həyat yoldaşının hər bir əməlinə qatlaşmalı, öz azad seçimləri isə arxa planlarda qərarlaşmalıdır (hətta, olmaması arzuolunandır). və ironikdir ki, bu qədər maksimalist yanaşanlar sonda ən pisinə rast gəlirlər. hadisənin ən kayf verən yeri də burasıdır. adama girən odur ki, insan heçmi özünə tənqidi yanaşmaz, özünə bu qədər ədalətsizcə vurğun olar. adamda azacıq həya da olmalıdır. meşədə yaşayan neandertaldan azacıq fərqlənən adamlar, bu gün ən yüksək kriteriyalarda qız axtarırlar. bir çox problemlərin də kökü buradan qaynaqlanır; insanlar öz sərhəddlərini bilmirlər. qısaca, vorzakon terminologiyasında (!) "özlərini tanımırlar", amma yuxarıdakı mənada. sitatın sonu.
p.s. deyir 20 il gəzdim, ürəyimə yatan bir qız tapılmadı evlənim. deyirəm indi get bu yaşdan sonra 20 il də gəz bəlkə səni bəyənən bir qız tapılsın. gic oğlu gic. cibinə 1000 manat qoyasan, qul bazarında 10 manata almazlar, iddiasına bax.. ©

tanrı haqqında deyilmiş maraqlı fikirlər

..insanları yaxşılığa ödül, yamanlığa cəza verən tanrıya inamdan ayırın, elə o andaca öz yurddaşlarının qanında çimən sulla, mari kimi yırtıcılar ortaya çıxacaqdır; avqust, antoni, lepid qaniçənlikdə sullanı ötüb keçəcəklər, neron soyuqqanlılıqla öz doğma anasını öldürməyi buyuracaqdır...
(bax: volter)

tanrı yoxdur, amma bunu xidmətçimə söyləməyin. yoxsa gecə olan kimi məni öldürə bilər.

~eyni müəllifdən

p.s. düzü, ölümdən bu qədər qorxanların da uzunömürlü olması çox əcaib və qəraib bir vəziyyətdir.

rusdilli olmaq

dünyanın 300 milyonluq slavyanca danışan əhalisini ən azından başa düşmək deməkdir. azərbaycan/türk dilini də bilirsənsə, deməli, slavyan mənşəli əhaliylə birgə dünyanın yarım milyardlıq əhalisi ilə rahat ünsiyyət imkanın var.
bundan başqa, hadisələrə homo dualismus kimi dar pəncərədən baxmaqdan qurtulmaq deməkdir. belə ki, internet məkanında ən çox material tapa biləcəyin dillərdən biri də bu dildir. amma rusdilli olmaq həm də rusiyanın propaqandalarına daha tez uymaq deməkdir. hamısı olmasa da, əksəriyyəti belədir. real hərəkatının həmtəsisçisi olan natiq cəfərlinin də dediyi kimi: "dil - düşüncə aləti, milli kimliyin təməl daşıdır. qlamur rusdilli auditoriya milli ola bilmir, ola bilməyəcək də, bu onların faciəsidir. onların əksəriyyəti seçkilərə getmir, aksialarda iştirak etmir, ölkədə problemlərinin kökünü millətdə görür, xalqın onlara layiq olmadığnı, amma bu hakimiyyətə layiq olduqlarını düşünürlər. çoxu ağllı, savadlı insanlardır, amma rus dilində düşünməkləri onları ölkənin özdilində nə düşündüyünü anlamağa mane olur..."

sən bilirsən mən kiməm

yalnız azərbaycanda və analoqsuz inkişaf modeli yaşayan ikinci, üçüncü dünya ölkələrində
qudurğan məmur ritorikası.
əlavə olaraq,
(baxma: qudurğan məmur balası)
(baxma: qudurğan məmurla yaxın əlaqəsi olan qudurğan)

siyahını uzada bilərik, amma hər halda hər birində "qudurğan" ifadəsi xarakter özəlliyi olaraq qalacaq.

kamil zeynallı

xatirimdə heç də yaxşı biri kimi qalmayıb. belə ki, bir dostumun yaxın çevrəsi tərəfindən çox pis kaznitlənib, hətta, ad belə qoyulub. nəyə görə desəniz, sumqayıtda hər zaman getdiyi bir restoranda hansısa qızla mazaxlaşdığı üçün yeniyetmə bir ofisiant ona öz etirazını bildirərək müdiriyyətin belə şeylərə icazə vermədiyini bildirib. adıkeçən şəxs də əvvəllər bu restoranda olduğunu və belə şeyə reaksiya verilmədiyini deyəndən sonra ofisiant müdiriyyətin və qaydaların dəyişdiyini bildirib. bunun müqabilində zeynallı o məşhur frazanı ( sən bilirsən mən kiməm?) işlədib, sərt cavab verərək ofisiantı hədələyib. ara qızışan zaman avtomobilindən beysbol sopası (bita) götürərək gənc ofisiantı tanınmaz hala saldıqdan sonra oradan uzaqlaşıb. sumqayıtda kifayət qədər hörmətli birinin obyekti olduğunu bildikdən sonra uzun müddət ortalarda görünməyən kamili tutduqları yerdə təhqir edib sındıracaqdılar. anası araya girib xahiş etdiyi üçün "bağışlanıb", amma qara siyahıdadır.


p.s. an etibarilə ona tənqid, yaxud təhqir yazan (dəqiq bilmirəm hansı biridir) profilləri screen edib instagram story'lərində sağdan-soldan söyüşlərlə əkshücuma keçmişdir.