pis davrandıqca daha çox sevən qız

Günümüzdə çox sayda insan pis rəftar edən birini sevməyə başlayıb, yəni, fərqi yoxdur qızdır yoxsa oğlandır. Əksəriyyət belədir. Bu vəziyyət "Wattpad" romanlarındakı xarakterləri xatırlatsa da, real həyatda gülünc qarşılanır. Bunun tibbdə məntiqi cavabı da var. Bu da stockholm sindromudur. Sizi təhqir edən,aşağılayan, alçaldan birinə zaman zaman bağlanmağa başlayırsınız və aşiq olursunuz. Əslində,bu sindrom əsir götürülən qurbanlarda görülür. Amma hal - hazırkı dövrdə fiziki olaraq əsir götürülməsələr də, mənəvi olaraq ruhu əsir götürülmüş çox sayda gənc var. (bax: stokholm sindromu)

kimisə tanımaq üçün veriləcək suallar

(flört etmək istəyənlər üçün nəzərdə tutulmayıb)
Nələrə güldüyünü öyrənmək üçün : birinə komediya filmi tövsiyyə etsəydin, bu hansı olardı?
Həssas nöqtəsini bilmək üçün : yaşadığın hansı hadisəni əsla unutmursan?
Həmin insanın maraqlarını öyrənmək üçün : işlərini bitirəndən sonra nə cür hobbilərlə məşğul olursan?
Vəfalı olub olmadığını bilmək üçün : neçə dostun var və onlarla neçə yaşından bəri birlikdəsən?

Qeyd!
Bir insanı tanımağa başladığınız ilk gün ona şəxsi sualları çox verməyin, əks təqdirdə əlaqələr başlamadan bitə bilər . Yuxarıda qeyd etdiyim sualların hamısını ilk gün soruşmayın, tanışlıq müddətində ara ara bu suallar olsa daha müsbət nəticələr əldə oluna bilər. Məsələn, bu gün ilk sualı soruşdunuz, siz bu sualı verdikdən sonra sualın cavabı söhbətə çevriləcək və həmin insan haqqında daha çox şey öyrənəcəksiniz. Uğurlar sifarişi verən: Derek

pierce brosnan

Pierce Brendan Brosnan irlandiyalı aktyor və film prodüsseridir. "*GoldenEye*" filmindəki James Bond rolu ilə tanınıb.

Rol aldığı filmlər:
(baxma: The Long Good friday )
(baxma: The mirror crack'd)
(baxma: Nomads)
(baxma: Taffin)
(baxma: The fourth protocol)
(baxma: Live wire)
(baxma: Love Affair)
(baxma: GoldenEye)
(baxma: Robinson Crusoe)
(baxma: Laws of Atraction) və s.

sifarişi verən: sonra dedilər ki alınmadı

xərçəng bürcü

Dünyanın ən qəribə və ən möcüzəli bürcüdür. Bürcüm xərçəng deyil, amma xərçəng bürclərinə qarşı simpatiyam var. Belə ki, dostlarına qarşı nə qədər istiqanlı olurlarsa, düşmənlərinə qarşı bir o qədər planlıdırlar. Onlarla dost olmaq lazımdır, düşmən olmaq olmaz, hayatı burnunuzdan getirir haberiniz olsun. insanlara qarşı duyarlı olurlar. Empatiya bacarıqları var bu bürcün nümayəndəsinin. Daim dərdinizə şərik olarlar. Dürüst və qorxmaz olurlar. Bu bürcdən olanların hamısı aşırı ağlağan olmur. Bir də qeyd edim ki, bir insanın xarakteri ancaq onun doğulduğu günlə kifayətlənmir. Ətraflı xarakter öyrənmək üçün yüksələn bürcü də öyrənilməlidir. Bir də doğum xəritəsi var. Onun vasitəsilə də xarakteri daha dərindən öyrənmək mümkündür. Xülasə, xərçəngin mükəmməl bürc olduğunu düşünürəm.

kökəlmək

dünyanın ən bərbad hisslərindən biridir. xüsusilə, balıq ətli insanların kabusudur. bir məsləhət verə bilərəm ki, yeyib yeyib kökəlmək istəmirsinizsə, yemək siyahınızdan çörəyi çıxarmalısınız. məndə bir az köklük var idi, onu aradan qaldırmaq üçün hər cür idman edirdim ,amma düzəlmirdi. o ki çörəkdən imtina etdim, həmin andan etibarən çəki itirməyə başladım, saçlarım da töküldü, bunu xüsusilə qeyd edim. amma səhv məndə idi ki birdən birə çörəkdən imtina etmişdim. saç tökülməsinə görə də xüsusilə meyvə yeməyi vərdiş etmişdim ki, yenidən çörək yeməyə məcbur olmayım. hazırda çörək yemirəm, lavaş yeməyə öyrəşmişəm və inanın mənə heç bir çətinlik çəkməyəcəksiniz, saç tökülməm də aradan qalxıb artıq. Azərbaycanda bir çox xanım artıq çəkidən əziyyət çəkir. bunu onlara da tövsiyyə edirəm. və bir də tez tez su içməyi unutmayın. şirniyyatı sevən insanlar da var aranızda mənim kimi, bilirəm. yəqin sizə də deyiblər ki, əsas şirniyyatı burax, çörəyi yox filan. yalan söhbətdi. çörəyin çoxu da, azı da ziyandır. amma şirniyyatı az az yesəniz bu sizin çəkinizi artırmaz. şirniyyat dediyim də peçeyni kimi atıştırmalıqlardır. yağlı şirniyyatlardan uzaq durun. yağlı şirniyyatları sevən biri deyiləm, sizi bilmirəm, amma çayın yanında yağlı şirniyyat yemək mənə xoş hiss etdirmir. və bir də qeyd etmək istədiyim bir şey var, əslində, hər şey yeyə bilərsiniz, sadəcə çox yeməyin. məsələn, əsla ayrılmaq istəmədiyiniz və yeməyi vərdiş halına gətirdiyiniz bir şirniyyat var. hansı ki, onsuz gününüz olmasın. onları həftədə üç dəfədən artıq yeməyin. ya da azaldın. hər gün yeyin ,amma az yeyin. bir də mənim bir sirrim daha var. axşam yeməyi yemədiyim günlərdə gecə 2-3 kimi aclıq hiss etsəm, alma, banan ya da üzüm kimi meyvələri yeyərək aclıq hissini aradan qaldırıram. arıqlamaq istəyənlərə uğurlar sifarişi verən: adsızinsan

unudulmaz uşaqlıq xatirələri

Uşaqlığın ən unudulmaz xatirələri mənim üçün velosiped sürməyi öyrəndikdən sonra başlayır. Əvvəl qaldığımız məhəlləmizdə uşaqlar saat 5dən sonra küçəyə axışardı. Velosiped sürən kim, qulağında qulaqcıq samakat sürən kim. Ən çox yadda qalanı velosiped yarışlarımız olub. Bir dəfə saat çox gec idi və mən atamla bərabər küçədəydim. Atam loto oyanırdı, mənsə uşaqlarla velosiped sürürdüm. Və həmin gün bir uşaq məni kənara çəkib demişdi ki, "əgər səni incidən olsa, mən burdayam, onların dərsini verərəm". O gündən sonra başlayır hər şey. Hər gün bir qızılgül verirdi. Bir dəfə mənə demişdi ki, səbəbini bilirsən niyə sənə gül verdiyimin. "Bilmirəm, bilmək də istəmirəm" demişdim qürurlu qız ədası ilə. Ondan sonrakı gün mən küçəyə çıxa bilmirəm, velosipedin təkərində problem var idi. O, bunu öyrəndi və sabahkı gün təmir etdi ki, məni görə bilsin. Hələ heç vaxt yadımdan çıxmaz, həyətin hasarına çıxardı günortalar. Mənlə ordan söhbət edərdi. Axşamüstü olanda da, birlikdə velosiped sürərdik. Anamın onu hasarda görüb üstünə qışqırması heç yadımdan çıxmır ) , uşaq qorxudan arxa arxaya düşmək istəyəndə yıxılmışdı. Tək məqsədi sevgi idi. Bilirdim..Biz həmin məhəllədən köçənə yaxın, o, məni danışdırmırdı. Hüzünlü idi, bu, gözlərinin içindən hiss olunurdu. O vaxt o hüznü dərk etmirdim, böyüdükcə o baxışların mənasını dərk etməyə başladım. Mənə yaxın olmaq üçün hər cür şeyi edərdi. Bir dəfəsində də, sırf əlimi tutmaq üçün təzə bir oyun kəşf etmişdi. Bir sep var idi, o sepə bir nəfər əlində saxlayacaqdi. Sonra da bu uşaq əlimizə toxunaraq sepi kimin tutduğunu tapırdı. Onu necə edirdi bilmirəm, amma digər uşaqların əlindən əlini tez çəkəndə, məndə əlimi buraxmaq istəmirdi. Uşaq idik, məndən dörd yaş böyük idi. Bütün məhəllə bizdən danışırdı. Hamiya demişdi ki, bu qıza söz deyən olsa qarşısında məni tapacaq. O günləri çox axtarıram. Mənə əsl dəyərin necə olduğunu öyrətmişdi. Voleybol oynamağı bilmirdim. Məhəllə uşaqları haçan oynasalar, məndən narazılıq edib, oyundan uzaqlaşdırardılar. O da belə bir şeyə qərar verdi ki, gəl, mən sənə voleybol oynamağı öyrədim. Öyrətmişdi də.. Mükəmməl biri idi. Romantik, əyləncəli, zarafatcıl. Roman kitablarından çıxmış kimi idi mənə görə. Atamla da yaxınlıq edirdi, ona həmişə kömək edirdi. Məhəllə qızlarının məndən zəhləsi gedirdi, saftirik uşaq idim, onlar kimi deyildim və həmin uşağın mənlə əsl yaxınlığının səbəbi də bu idi. Saf olmağım. Bu xatirələr dünən kimi yadımdadır. 9 il bundan qabağın xatirələridir hər bir yazılan.

dırnaq yemək

həm uşaqlar da həm də yaş almış insanlarda müşahidə olunan xoşagəlməz vərdişdir. bunun əsas səbəblərinin qorxu, qayğı, stress və əsəb olduğu bildirilib. balaca uşaqların əksəriyyəti 3-4 yaşından bu vərdişi qazanır, digər hissəsi isə valideyndə həmin vərdişi gördüyü üçün avtomatik olaraq kopyalamağa başlayır.bu vəziyyət ən çox bağçaya qoyulan yaxud da evdə baxıcısı tərəfindən baxılan uşaqlarda müşahidə edilir. əsas səbəbi isə uşaq özünü kifayət qədər rahat və təhlükədən kənarda hiss etmədiyi üçün dırnaq yeməyə başlayır. gənclərdə isə bu, hər hansı bir problemlə üzləşəndə özünü rahatlaşdırmaq üçün istifadə edilən bir yöntəm halını alıb.

zərərləri:
1. dırnağın formasının dəyişməsinə səbəb olur: anormal formada dırnaq uzanır
2. dırnağı udan şəxslərin mədəsində ciddi infeksiya xəstəlikləri meydana gələ bilər
3. dişin səthinə, eləcə də diş diblərinə böyük ziyanı var
4. ağızda da bir çox infeksiya xəstəlikərinin yaranmasına səbəb olur sifarişi verən: zazoza