Son yazılanlar
hərfi olaraq evə qayıtma kimi tərcümə olunan, ancaq bir mənada məzunların illik toplantısı demək olan ingilicə söz.
eyni zamanda nobel mükafatı laureatı harold pinterin dram əsəridir. ən çox müzakirə olunan da elə əsərin adıdır. bir növ özünə qayıtmanı əks etdirir homecoming burada.
əsər absurd teatrda ən yaxşı əsərlərdən hesab olunur.
fransız mənşəli kəlmə. 16cı əsrlərə dayanırmış. rendez-vous ingiliscə present yourselves!* mənbə oksford dikşınəri , azərbaycanca görüşmək deyə biləcəyimiz söz.
görkəmli* bu sözdən xoşum gəlməsə də ingilis science fiction nümayəndəsi. rejissor stanley kubricklə birlikdə işləmiş yazıçıdır. 2001: a space odyssey filmi onun əsərinə əsaslanaraq çəkilmişdir. bu adam ingilis dilində randevu sözünü öyrənməyimə səbəb olmuşdur, çünki ilk görəndə təəccüblənmişdim bu söz niyə rendezvous olaraq yazılsın ki? hamısı fğansızların işidi. artur klarkın rendezvous with rama adlı əsəri var. saiəns fikşındı təbii olaraq amma oxumamışam bilmirəm.
məşhur to be or not to be monoloqudur. azərbaycan dilinə 6 fərqli şəxs tərəfindən fərqli versiyalarda tərcümə edilmişdir. bu barədə bir dəfə harda nə üçün yazmışdım bilmirəm, amma sözlükdə tapmadım yazım tam olsun dedim. tərcümələr cəfər cabbarlı, tələt əyyubov, mehdi məmmədov, aslan aslanov, sabir mustafa və şəhla nağıyevaya məxsusdur. ən yaxşısı və ən geniş yayılmışı sabir mustafanın tərcüməsidir. adam dərs dediyi bütün tələbələrə tərcümə elətdirir monoloqu-* deyir yəgin bəlkə bir versiya da çıxar-*
niyəsə millətə dərd olmuş insanlardır. yumor hissi hər kəsdə eyni ola bilməz, hamıdan george carlinə gülməsini gözləmək olmaz və bunu lağa qoymaq da lazım deyil. bəlkə insanların gülməyə ehtiyacı var və əldə etdikləri gülüş mənbəyi odur. dünyanın bütün problemləri qurtarıb* ənənəvi olaraq bu deyilməlidir hər şey həll olunub qalıb bu adamların güldüyü şeyi mövzu etmək. azərbaycan kanallarına baxan insanlar və ya ümumiyyətlə televizora baxan/baxmayan insanlar olsa yenə nəysə. məqsəd entry yazmaq idi dava zad olsa burdayam.
balaca qardaşınızın səhvən təpiklə vurub sındırması ehtimalı. göndər butonu hardadı görə bilmirəm asjafgsna. ben yandım siz yanmayın.
itirəndə dəyəri bilinən adamlar kimidi bu eynək. taxanlar bilir, bütün günü gözündə olsa heç adamın yadına düşmür, elə ki çıxardın olursan kor. gözün zəiflik dərəcəsindən asılı deyil bu. həyatın ayrılmaz hissəsidir. ağlamıram eynək sınıb girib gözümə.
dağda dərədə axtarılıb sonra gəlib sözlüyə aman əfəndim "filankəs kimdi tapa bilmədim çıxsın ortaya" yazaraq pozulmaması lazım və vacib olan şeydir. adama deyərlər kiçicik bir detal lazımdı profili axtaranda kimliyini(nickini) təsbit etməyə, budu anonimliyi pozmamağın? deyərlər yəni, ondan sonra ay mən pirəm cəddim tutar olmur arkadaşlar, eləmiyin belə, ağıllı olun.
umbay edilmək üçün səbrsizlənən yazar. öz özündən kəşflər edə bilərsən, hansısa yazarın kimliyini tapa bilərsən, amma bunu sözlüyə yazmaq?
bütün günümü alan oyun. almasa başqa çox şey etməyəcəm onsuz o ayrı, amma yığa bilməyəndə beynim çönür bunun bir asan yolu zadı varsa deyin bilək-* ədədlərin kvadratlarını əzbərlədim arada yaxşıdı.
edit: kvadratları yoxe iki misli nəysə də onnan.
ssenari müəllifi rüstəm ibrahimbəyov, rejissoru nikita mixalkov olan və musiqisi eduard artemyevə məxsus 1994-cü il kann festivalının grand prixini almış film.
kubik rubiki rahat düzəldənlərin daha asan oynaya biləcəyini düşündüyüm oyun.
sovet dövründəki şəkillərdən ibarət köhnə ailə albomu.
həsən hüseynlinin hökm günü. 
Şərəfsizliyin qurbanı olmuş adam.
alıntı:
hər hansı ölkəni xarakterizə etmək istəyirsənsə, onun bayramlarına nəzər sal. bayram günlərinin sayı da, xarakteri də ölkənin xarakteri və xalqın vəziyyəti haqda daha çox bilgi verir, nəinki sosioloji sorğular və statistik rəqəmlər.
statistik göstəricilər ümumiyyətlə tamam başqa bir “mahnı”dır. “yalanın 3 növü var: balaca yalan, böyük yalan və statistika” - unutmuşam, müəllifi kimdir. ancaq unutmamışam ki, şarl de qoll deyib: “əgər mən gündə 2 toyuq yeyirəmsə, qonşum isə ac oturursa, statistikaya görə hərəmiz 1 toyuq yeyirik”.
statistikanı elə-belə yada salmadım. rəqəmlərə inansaq, azərbaycan bayram günlərinin çoxluğuna görə ilk yerlərdə dayanan 5 ölkədən biridir. nəzərə alın ki, söhbət istirahət günü sayılan bayramlardan gedir. hələ nə qədər “qeyri-rəsmi bayramlar” da var. 14 iyul kimi.
yazdığım ilk cümləyə qayıdıram: kim nəyi bayram edir? məsələn, iyunun 5-i seyşel adalarında inqilab günüdür. onun mərkəzi qəhrəmanı isə sıravi raşeldir. o, həmin inqilabın 2 qurbanından biridir.
bu, çox qəribə bir hekayətdir - 1977-nin həmin günündə devizi “finis coronat opus” olan bu dövlətin paytaxtı viktoriyada hərbi çevriliş olur. çevrilişçilər ölkənin yeganə silah anbarına hücum çəkib keşikçini öldürür. bu vaxt çevrilişçilərdən bir olan raşel qan görüb panikaya düşür. onun səs-küy salacağından qorxan dostları çarəni raşeli də aradan götürməkdə görürlər. və beləcə qorxaq əsgər xalq qəhrəmanına çevrilir.
yaxud liberiyada qətl günü bayram günüdür. 1980-ın 12 aprelində prezident uilyam tolbert serjant semyuel dou tərəfindən öldürülür. 34 ildir ki liberiya xalqı bu qətli rəsmi bayram kimi qeyd edir. baxmayaraq ki, özünü general rütbəsi ilə təltif edən serjant dou da 10 il sonra amansızlıqla qətlə yetirilib (onu öz saçlarını, kəsilmiş qulağını və cinsiyyət üzvünü yeməyə məcbur edirlər, sonra hissə-hissə doğrayırlar, hamısını da videokamera ilə çəkirlər), liberiya tarixində isə ən əclaf personajlardan biri kimi qalıb, ancaq əclafın törətdiyi qətl hələ də liberiyanın əsas bayramıdır.
bir sözlə, xalqları, onların hakimiyyətlərini və ölkədəki zövqləri öyrənmək istəyirsinizsə, onların bayramlarını götürün və bu bayramların necə yarandığını, motivlərini öyrənin. nəticədə eskulap dəqiqləyi ilə diaqnoz qoya biləcəksiniz.
götürək 14 iyul gününü. fransada bu, bastiliyanın alınması günüdür. böyük fransa inqilabı başlayıb, əsrlərin istibdadı çöküb və vaxtilə mişel fukonun diqqətləri yönəltdiyi kimi, inqilab türməyə hücumdan başlayıb. çünki, ədliyyə sistemi və məhbəslər həmişə rejimlərin ən qorxu səpən silahları olub. zəbt edilən türmə - aradan götürülən qorxu kimidir. qorxuya qalib gələn xalq isə yenilməzdir.
bastiliya kral hakimiyyətinin simvolu idi. düzdür, 1789-cu ilin iyulunda onun hücrələrində cəmisi bir neçə məhbus qalmışdı (o cümlədən, markiz de sad), ancaq bastiliyanın fəthi misilsiz psixoloji rol daşıyırdı. bu həbsxanaya düşməkdən heç kəs sığortalanmamışdı - istər əsilzadə olsun, istər burjua, kəndli, “üçüncü təbəqə” - şəhər sənətkarları və yeni formalaşan proletariat. bununla da, bastiliya bütün nifrətlərin qovuşduğu bir obyekt idi. necə deyərlər, nifrətin bütün yolları bastiliyaya aparırdı.
böyük fransa inqilabı bütün dünyanın mənzərəsini və tarixin trayektoriyasını dəyişdi. fransızlar bayramları ilə fəxarəti haqq ediblər.
yaxud, 14 iyul - sandinist inqilabının qalib gəldiyi gündür. 1979-un bu günündə nikaraqua inqilabının lideri (və hazırkı prezident) daniel orteqa mikrofonlar qarşısında qələbəni elan edib. 16 nəfərin başlatdığı 18 illik xalq savaşı bitib. silahlı sol qalib gəlib. diktator anastasio somosa (“teodor ruzveltin “bizim köpək oğlumuz” dediyi sifilitikin oğlu) atasının və qardaşının qalıqlarını kisələrə toplayıb ölkədən qaçıb, 1 il sonra isə paraqvayda komandante merlonun dəstəsi tərəfindən cəhənnəmə göndərilib. 1961-ci ildə inqilabı başlatmaq qərarı vermiş 16 nəfərdən isə qələbə gününə yalnız 1 nəfər salamat qalıb - tomas borxe. o da diktatura ilə savaşda həyat yoldaşını və övladlarını itirib.
nəticədə nikaraqua xalqı “banan respublikası” yarlıkını üstündən atıb və dərhal da abş-ın maliyyələşdirdiyi “kontras”la müharibəyə məcbur edilib. inqilabçılar o savaşı da illər sonra udublar. orteqa isə hakimiyyətdən könüllü çəkilən nadir rəhbərlərdən biri olub. ancaq unudulmayıb - 2008-ci ildə xalq komandanteni yenə prezident seçib. nikaraqualıların da bu tarixlə qürur duymağa haqqı çatır.
və klassik demişkən, “qayıdaq öz qoyunlarımıza”. 14 iyulda bizdə 45 il əvvəlki bir rəsmi təyinatın ildönümü qeyd olunur. təyin olunan şəxs sonralar diametral əks ideologiyaya da xidmət etməyə vaxt tapdı. eynilə “çapayev” filmindəki paqon dəyişən əsir ağqvardiyaçı sayağı.
bir ölkədəki rəsmi təyinatın o ölkəni indi bəyənməyən başqa bir ölkədə bayram edilməsi isə artıq psixiatrik fenomendir...
məmməd süleymanov
1979-cu ildə richard nolle tərəfindən işlədilmiş termin. ayın yer kürəsinə daha yaxın və normal olaraq da daha iri göründüyü haldır. azərbaycanca super ay deyə bilərik yəgin ki buna. il ərzində ortalama 4-6 supermoon olur ki, bunun birini biz yanvar ayında görmüşdük. ay onsuz da bütöv olanda adam göydən alıb qucaqlamaq istəyir onu, bir neçə dəfə böyük olanda da sanki əlini uzatsan toxunacaqsanmış kimi hiss verir və gözəlliyini sözlə ifadə etmək mümkün deyil. sabah, yəni 12 iyul 2014 tarixində bu gözəlliyi bir də görəcəyik. normalda o fərqi bilmək olmur, amma biləndə ki, ay bu dəqiqə yerə daha yaxındır, adam sevinir-*
adına başlıq açılacaq qədər şiddətli qoxudur. adını başqa cür deyən varsa qazofka sözünü dəyişə bilərik. hal hazırda da olduğu kimi tez-tez pəncərədən evə dolaraq gözümüzü yaşardır. iyi hiss edəndən pəncərəni bağlayana qədərki bir neçə dəqiqə gözləri göynətməyə bəs edir yəni. hansı zavoddan gəlir kim buraxdırırsa o zavodun o qazofka buraxma problemini kim həll etməlidir və etmirsə allah onların evinə ateşlər salsın. sənaye şəhəri olanda elə belə olmalıdı? camaat alp dağlarının havasın udan şəhərdə yaşasın biz sumqayıtın qazofkasın udaq? ədalət? bu normal deyil də mən bilən, bir təmizləyən düzəldən nəsə edən bir şey olmalıdı orda. zavodlara yaxın yerdə yaşayanları təsəvvür etmirəm necə olur. özdə fikir vermişəm, ən qəşəng sakit, təmiz havalarda buraxırlar, yağışlı təmiz torpaq qoxulu havalarda buraxmaq isə ən sevimli məşğuliyyətləridir məncə. heç bir iyə bənzəmir bu iy, tərif verə bilmirəm ona görə. kifayət qədər duyğusal insanlarıq, qazofka sıxıb gözümüzü yaşartmasanız da olar. a yalannan.
rusların yaradıcılıqla bağlı ən mükəmməl saytlarından biridir. kino, ədəbiyyat, incəsənətin demək olar bütün növlərinə, gündəlik həyata, məişət məsələlərinə, yəni demək olar bütün sahələrə toxunan, maraqlı, eyni zamanda əyləncəli ola bilən saytdır. adamı darıxmağa qoymurlar sağolsunlar.
bununla 2ci dəfədir ki başlığı görüb əlimi atıram kitaba 100cü səhifəsi boş çıxır. niyəsə kitabların yeni bölmələri 101ci səhifədən başlayır məndə. boş çıxması adama təsir eliyir bi qədər. tanım: olmayan cümlədir.
Son bəyənilənlər
